Yɔb 32
32
Èlìhu pò nupo
1Elifaz ku Bildàd kudo Sofàr, wo nɔ̀tè ènu pòpo, ɖo wo susu be Yɔb nyi ɖemànyatɔ nyàwo. 2Ekèa do àdɔ̀mèze na Èlìhu kè nyi Bàràkɛl be èvi ŋusù so Buzè be kɔ̀ta mè lè Ramè be hɛ̃nu. E bijì do Yɔb, ɖo e le kpɔ be yè lè jɔ̀jɔɛ wu Mawu. 3E gbà bijì do èxlɔ̃ ètɔ̃awo. Ɖo wo mu teŋu ɖo ènyà ŋuti na Yɔb sìgbè lekè e jèa nène ò, eye wo sè e mè be Mawu be ènyà mu nyɔ ò. 4Èlìhu dojì kaka gbɔ̀xue, ɖo àmè kpɔ̀tɛawo sĩ wu ì. 5Vɔ̀ kè e kpɔ be wo mu gbà ɖo ɖoŋuti ɖe òa, e do àdɔ̀mèze ŋutɔ.
Èlìhu gblɔ̃ ènu kè ŋuti be ɖo la pò nupo ɖoa
6Èlìhu, bàràkɛl be èvi ŋusù so Buzè be kɔ̀ta lè Ramè be hɛ̃nu,
xɔ̀ ènyà gblɔ̃ be: “Mù kpɔ̀tɔ̀ lè ɖèkajɛ mè eye mìa ya mì sĩ.
Ekèa ŋuti ye mù vɔ̃ ne ma gblɔ̃ ènu kè
nyè cã mù kpɔ so ènyàa ŋutia na mì.
7Mù le gblɔ̃ be: “Àmè gã be ènyà ye,
àmè sĩsĩwo ye la fiɔ ènunya.”
8Gbɔ̃gbɔ̃ kè nana àmè nyana ènua,
Tɔhonɔ̀ gbɔ be sona.
9Mu nyi èpè fuu xɔ̀xɔ ye nana ènunya ò,
nyagãkuku mu nana ne woa nya ènu kè lè jɔ̀jɔɛa ò.
10Ekèa ŋuti mù le biɔ so mìa gbɔ be mìa ɖoto mù:
mù la gblɔ̃ ènu kè nyè cã mù nyaa na mì.
*
11Mù ɖoto sè mìabe ènyàwo kaka na fifì,
mù le ŋùku ɖo mìabe susuwo ŋuti
wàlɛbɛ kè mì le jè àgbàgba le pò nupoa.
12Mù ɖoto mì pɛpɛpɛ. Eye àmè ɖekpe
mu teŋu ɖo ènyà ŋuti na Yɔb tututu ò,
àmè ɖekpe mu teŋu hɛ̃ ènyà kudo è ò.
13Mì mu gbà gblɔ̃ be: “Ɖoŋutia, ye nyi be:
Mawu be ènyà ye la jɔ̀ lè e gbɔ, mu nyi mia tɔ̀ ye ò.”
14Mu nyi ènyè ye Yɔb le gblɔ̃ ènyà na
ne ma ɖo e ŋuti na ɛ̀ sìgbè àlekè mì wɔ̀ ɛ̀a nène ò.
*
15Àgbɔ̃ kpe mì, mì mu gbà ɖo ènyà ɖe la gblɔ̃ ò,
ɖo ènyà vɔ̀ do mì.
16Mù xɔ̀ jìgbɔ̃ɖɛ. Vɔ̀, kè e nyi be
mì mu gbà ɖo ènyà ɖe la gblɔ̃ òa,
kè ɖoŋuti vɔ̀ na mìa,
17mù la pò nupo lè ègo nyè mè.
18Mù ɖo ènyà sùgbɔ la gblɔ̃,
ènu ɖe le tùtù mù be ma pò nupo.
19E le fìɔ lè mè nyè sìgbè vɛ̃ yeye kè le ji èmɔ̃ la to,
ne bèa wo lãgbàzegò ye yèwo nène.
20Mì tàsi mù ne ma pò nupo,
e la na be àpe èjì la jè e mè.
Ne mù kè ènua, mù la ɖo ènyà ŋuti.
21Nyè mu la dɔ̃ àmè ɖe ji ò
eye nyè mu la kafu mìa dòmètɔ ɖe ò.
22Ɛ̃ɛ, nyè mu nya lekè wo kanafu àmè cã ò,
eye ne mù kè le wɔ̀ ɛ̀a,
Ɖotɔ nyèa la kè crɔ̃ mù xoxo.”
Currently Selected:
Yɔb 32: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
