Yɔb 26
26
Wò le pò nupo ɖo àya mè
1Eye Yɔb ɖo e ŋuti na Bildàd be:
2Wò nya àlekè wo dona àlɔ̀ àmè kè gbɔjɔa ŋutɔ,
àmè kè si ŋusɛ̃ ɖekpe mu gbà lè òa!
3Wò nya àlekè wo ɖona àɖàŋù na àmè kè mu ɖo ènunya òa,
eye wò kãkãnà ènunya wòa ɖo àfi sia àfi.
4Vɔ̀ àmè kɛ ye wò le gblɔ̃ ènyà ŋuawo na ò?
Àmè kɛ ye ɖè yebe èkpa na wò ò?
Mawu ye nyi àpetɔ na àmè sia àmè
5Àmè kuku kèwo lè àpù gɔ̃mè
kudo àpù mèawo kpata hũhũna ku vɔ̃vɔ̃.
6Nyàwo, ènu ɖe mu lè wawla mè lè èkuwode do Mawu ò,
eye ŋùmèxenu ɖe mu wla ɛ̀ do è ò.
7Mawu ŋutɔ ye vlũ xixea be èvègo ɖo àya mè,
na ànyigbã nɔ̀ ànyi ɖo ènu puplu ji.
8E wla èjisi ɖo lilikpowo mè,
eye liliawo mu zɛ̃nà ɖo yebe kpɛ̃kpɛ̃ ŋuti ò.
9E cɔ̃ yebe fìɔzìkpea be ŋùmè,
eye e dɔ̃ lilikpowo cɔ̃ ɛ̀.
*
10E zɛ̃ hùɛ̃ màhuã-màhuã ɖo àpù be ŋùmè,
funu ye kɔ̀kɔ̀ɛ nana èmɔ̃ èzã lè.
11Ne Mawu le do vɔ̃vɔ̃a, xixea be sɔtiwo hũhũna,
eye vɔ̃vɔ̃ jènà xixea ji.
12To yebe ŋusɛ̃ jia, Mawu ɖù àpù ji,
to yebe ènunya jia, e ɖiki màmiwàta#26.12 Kpɔ Yɔb 9, 13 kudo ènyà kè mi gblɔ̃a.
13Yebe àya gbɔ̃gbɔ̃ kplɔ̀ xixea mè,
yebe àlɔ̀ wɔ̀ èdã gã, ànyiɖohùɛɖo.
14Ekèa kpata nyi ègòta be ènu na yebe wɔ̀nawo,
eye ŋɛ̃ŋɛ̃ viɖe kpò ye mi sènà.
Vɔ̀ àmè kɛ ye la teŋu sè yebe
ènu jɔ̀ àsuwo be gbèɖèɖe gɔ̃mè ò?
Currently Selected:
Yɔb 26: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
