Yudìt 15
15
Hòlofernɔ̀ be àhùakɔ̃a si jo
1Wàlɛbɛ kè Àsirìa be gbãdãgbã kèwo lè gòxɔwo mèa sè ènyàa, wo kã yà lè ènu kè jɔ̀a mè. 2Èha lɔ àmè ku vɔ̃vɔ̃ jè woa ji: ŋusù ɖekpe mu gbà ci ye havi gbɔ ò; vɔ̀a woa keŋu wo kãkã zè ɖèka, wo si kã ɖogbe lè gbàjà ji ku èto nyigbã be èmɔwo kpata ji. 3Àmè kèwo bɔ̀ lè àsàɖa lè èto nyigbã ji be ènuto mè trɔ do Betulìa cã, wo tɔ sisi jo. Eŋua Izràɛlviwo, ŋusù àhùawɔ̀tɔwɔ lũ ɖo woa ji.
4Ozìas dɔ̃ àmèwo ɖoɖa Bètomèstaìm, Bebài, Kobà, Kolà ku Izràɛl be ènutowo mè ne woa ɖè ènu kè jɔ̀a sia, gbà biɔ àmèwo kpata be wo ne kãkã sɔ lũ ɖo kɛ̃tɔwo ji, sɔ crɔ̃ wo. 5Kè wo sè ekèa, Izràɛlviwo jè woa ji, kpàtà haɖèka ɖodu eye wo pò wo wù kaka va ɖo Kobà. Yeruzàlɛm dùamètɔwo cã va kɔ̀ ɖɛ sɔ bɔ̀ ɖo èto nyigbã ji nɔ̀tɔwo ŋuti, ɖo wo ɖè ènu kè jɔ̀ lè woabe kɛ̃tɔwo be àsàɖa mèa gblɔ̃ na wo. Gìlead ku Galileà be dùmètɔwo pò wo wù ku àdã lè àhà ji kaka yì Dàmaskò ku yebe ènutomè. 6Betulìa be èdùmètɔ kpɔ̀tɛawo lũ ɖo Àsirìa be àsàɖa ji, hlà ɛ̀ eye wo lɔ àmɔnyɔnuwo. 7Kè Izràɛlviwo gbɔ̀ so àhùagbeji vɔ̀a, wo hlà ènu kpɔ̀tɛawo; àmè kèwo nɔ̀nà èto nyigbã ji be ènuto mè be èdùviwo ku kɔpewo kudo gbàjà jia, wo lɔ àmɔnyɔnuawo fuu, ɖo ènu ŋuawo lè funu drì.
Àkpedodo be èhà
8Yòakim, hũbonɔ gã ku Izràɛlviwo be àmègãwo be àɖàŋùɖèha lè Yeruzàlɛm, va le ŋùku kpɔ ènu nyuɛ̃ kè Tɔhonɔ̀ wɔ̀ na Izràɛl, kpɔ Yudìt eye woa dogbè na ɛ̀. 9Kè wo ɖo e gbɔa, wo tusì na ɛ̀, kpata ɖodu eye wo gblɔ̃ na ɛ̀ be: «Wò nyi Yeruzàlɛm be gogo, Izràɛl be èglotùnu gã ŋutɔ, miabe kɔ̀ta be gòyiyi tɔ ŋùku! 10Wò wɔ̀ ekèa kpata to àpo àlɔ̀ ji, wò wɔ̀ ɖàgbè na Izràɛl eye Mawu kpɔ ŋùjèje lè e mè. Tɔhonɔ̀ ŋusɛ̃kpatatɔa ne tusì na wò tɛ̀gbɛ̀dò!» Eye dùkɔ̃ bliboa gblɔ̃ be: «Ne va e mè nène!»
11Dùkɔ̃a hlà àsàɖa kaka ŋùkèkè ègbã (30). Wo sɔ Hòlofernɔ̀ be gòxɔa, yebe klòsalònuwo, yebe àbàtiwo, yebe gàgbãwo ku yebe ènuwo kpata na Yudìt. E xɔ̀ ɛ̀ be sɔ e ɖe dro na yebe èdɔwɔ̀lãa, e gla yebe kèkeviwo eye be do kpɔ̀tɛa ɖo woa ji. 12Izràɛl be nyɔnùwo kpata sidù va dogò è eye wo kafu ì. Woa dòmètɔ ɖewo kpà èhà le ɖu èwè sɔ mlã ɛ̀. E sɔ lɛ̃lɛ̃gbleàtiviwo ɖo àsi eye be ma wo na nyɔnù kèwo le kplɔ̀ ɛ̀a. 13Ye ŋutɔ ku nyɔnù kèwo lè kudo èa, woawo, wo xasa àmìtiviwo be sìxɛ̃ cɔ̃ èta, eye èzɔ̃ jè ŋùkɔ̀ na dùkɔ̃ bliboa, le kplɔ̀ nyɔnù kèwo le jì èhàa. Izràɛl be ŋusùwo kpata kplɔ̀ wo do ku woabe àhùanuwo, ku sepèpo xasawo lè èta, èhàwo le ɖì. 14Eŋua Yudìt do àkpedoha kèa lè Izràɛl bliboa dòmè eye dùkɔ̃a keŋu jì sɔ àyosòha kèa sɔ jì ku ègbè lelele.
Currently Selected:
Yudìt 15: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.