Ezayà 64
64
1Wò la kè nɔ̀ sìgbè èzò kè le bì àvewo,
àlo kè na èsìwo le fìɔa nène.
Eŋuã mè ye wò la ɖè ɖokoe wò fiɔ àpo kɛ̃tɔwo lè.
Dùkɔ̃wo la hũhũ lè ŋùkɔ̀ na wò.
2Ne wò le wɔ̀ ènu gãgã jiŋɔwo
vɔ̀a mi mu le ɖoto wò òa,
wò ɖiɖina va èdò
eye ètowo hũhũna lè ŋùkɔ̀ na wò.
3Gbèɖe! Àmè ɖe mu sè kpɔ,
àlo nya kpɔ, àlo kpɔ kpɔ be
mawu ɖe wɔ̀ ŋusɛ̃-dɔ kèa kpɔ
na àmè kèwo dojì ɖo e ŋutia ò.
4Wò va donagò àmè kè le sò jɔ̀jɔɛ lè nyàwo toto mèa,
àmè kè le zɔ̃ lè àpo èmɔ̃ ji gbà lè ŋùɖo mè na wòa.
Vɔ̀a kè mi trã èmɔ̃a, wò do àdɔ̀mèze ɖo mia ŋuti.
Ɖo àpo èmɔ̃wo ji mi ɖo la nɔ̀ sɔ kpɔ gãgã.
5Mia kpata, mi nɔ̀ sìgbè
ènu mà-kɔ̀ mà-kɔ nène va yì
eye miabe wɔ̀nawo cã nyɔŋu.
Àgɔ̀ jèjewo na mi zũ
sìgbè àmàkpa kèwo yrɔ̀a nène.
Miabe èkunyànyrã kplɔ̀ mi
le yì sìgbè àya nène.
6Àmè ɖekpe mu gbà le biɔ àlɔ̀do so gbɔ wò ò,
àmè ɖe cã mu gbà le ɖoŋù ɖo ŋuti wò ò.
Nyàwo, wò mu gbà le ji la kpɔ mi ku ŋùku ò,
wò ɖè àsi lè mia ŋuti eye mi ci èvuɛ̃ si mè.
7Co Tɔhonɔ̀, èwò ye nyi mia Tɔ,
mi kpɔ̀tɔ̀ le nyi ànyikɔ
kè wò la na nɔ̀nɔmè kè jro wòa.
Àpo àlɔ̀nudɔwo sɔ̃ŋu ye mi nyi.
8Tɔ̀wòjɔ̀, mù gbà bijì do mi
kaka sɔ yì ò, Tɔhonɔ̀.
Mù gbà ɖo àɖì miabe àgɔ̀wo ò.
Vɔ̀ kpɔ be miawo ye nyi àpo dùkɔ̃a.
9Àpo èdùgã kɔ̀kɔ̀ɛwo trɔ zũ zògbè,
Yèruzàlɛm ci puplu
eye Ziɔ̀n trɔ zũ èglìkpowo ɖèɖe
eye àgbè nu sò lè funua.
10Èzò bì àpo àxue kɔ̀kɔ̀ɛ
kè mè mia tɔgbewo jìnàhà lè
sɔ kanafu wòa.
Ènu kè dona jìjɔɛ na mia,
trɔ zũ ènu gũgũ.
11Wò lè gbledo kèawo be ŋùkɔ̀a?
Wò la bɔ̀nu kaka ye mi la ci
ŋùkpɛ̃ kèa mè yì ɖo baa?
Mina Bible © Bible Society of Togo, 2014.