Ezayà 12
12
Kafu-ha na Mawu kè hlùɛ̃gãa
1Dùkɔ̃ kpɔ vòvo, wò la gblɔ̃ lè àzã ŋua gbè be:
“Mù le doàkpe na wò, Oò Tɔhonɔ̀!
Ɖo mù wɔ̀ ènu jè àgla
kè jè na ètodɔ̃a ɖo ŋuti wò sãa,
vɔ̀ fifìa, àpo jìbi be àdãa nu fa
eye wò ɖo àsi àkɔ na mù.
2Mì kpɔ Mawu kè hlùɛ̃ mù gãa,
mù ɖè èjì ɖɛ, nyè mu gbà le vɔ̃ ke ò.
Ɖo àpe ŋusɛ̃ be zũ ye nyi Tɔhonɔ̀,
e ye kpò mì la nɔ kafu.
E nyi àpe hlùɛ̃tɔ.”
3Mì la yì kù èsì lè jìjɔɛ mè
lè hlùɛ̃gã be èsìdoa to.
4Eye mì la gblɔ̃ lè àzã ŋua gbè be:
“Mì lòlò Tɔhonɔ̀ be nyikɔ,
mì mlã ɛ̀, mì do àpa gblɔ̃ ènu
kè Tɔhonɔ̀ wɔ̀a na dùkɔ̃wo kpata.
5Mì sɛ̃ Tɔhonɔ̀ ku kafu-hawo,
ɖo e wɔ̀ ènu jɔ̀ àsuwo.
Mì gblɔ̃ wo na dùkɔ̃wo kpata!”
6Èwò Ziɔ̀n-vi, do jìjɔɛ be àpa,
do àpa ku jìjɔ̀jɔɛ!
Ɛ̃ɛ, Mawu, Izràɛl be àɖèsã trì àkɔ.
E lè mìa dòmè.
Mina Bible © Bible Society of Togo, 2014.