Ɛstà-G D
D
Ɛstà yì èfìɔa gbɔ
1 Lè ŋùkèkè ètɔ̃ be vɔ̀vɔnua, ènu kè va jɔ̀a yekè: Kè e wu kuefã nu vɔ̀a, e ɖè yebe èkpɛ̃mɛ be àwùwo ɖɛ, sɔ yebe hùɛ̃yi tɔ̀awo sɔ do. 2 E yomèa, ku yebe èfìɔsrɔ̃ be gogo bliboa, kè e fã yɔ Tɔhonɔ̀ kè nyi ènuwo keŋu kpɔtɔ ku xɔ̀namètɔa, e sɔ bùbumè nyɔnùvi èvè bɔ̀ ɖo ye ɖokoe ŋuti. 3 E le zìɔ̃ ɖo àmè ɖèka ŋuti, le yì, 4 wàlɛbɛ kè ne àmè èvègɔ̃a kplɔ̀ ɛ̀ do, le hɛ̃ yebe àwùtowo. 5 Yebe ŋùmè jo bìa sĩasĩa, e gbà nya kpɔkpɔ ŋutɔ, yebe ŋùmè le kò jìjɔɛ-nu sìgbè tùgbɛ̀jɛ lɔ̃lɔ̃tɔ nène, vɔ̀a èjìa jã ɖo vɔ̃vɔ̃ ŋuti.
6 Kè e fla àgbowo kpata-nu va yìa, e tɔtè lè èfìɔa be ŋùkɔ̀. E ya nɔ̀ ànyi lè yebe fìɔzìkpea ji, lè yebe àwù ɖìnyiwo kpata mè, ɖo àcɔ ku sìka kudo èkpe xɔ̀ciwo; yebe kpɔkpɔ mè do ŋɔji ŋutɔ. 7 Kpòa e kɔ ŋùmè kè kɔ̀ ku gogoa yì ji, eye ku àdɔ̀mèze kaɖi to e mèa, e kè ŋùku ɖɛ. Èfìɔsrɔ̃a jè ànyi gblà ku ŋùmè ɖaɖa eye e bi èta zìɔ̃ ɖo bùbumè nyɔnùvi kè lè ŋùkɔ̀a be èta ŋuti. 8 Nènea Mawu trɔ èfìɔa be èjì ne bèa dɔ ɛ̀ ku àdɔ̀mèfafa. Kè e ci siayia, e sitè kaba lè yebe fìɔzìkpea ji eye be kɔ ɛ̀ ɖo yebe àbɔwo mè kaka e gbà ɖo ye ɖokoe mè. E ɖo àsi àkɔ na ɛ̀ ku fafa be ènyàwo 9 be gblɔ̃ na ɛ̀ be: “Nukɛ jɔ̀, Ɛstà? Mù lè la xɔ̀ na wò, mù gbà vɔ̃ ò! 10 Wò mu la ku ò; èsea mu la pò èwò ya ò. 11 Dɔ̃ va!' 12 Kpòa e kɔ sìka be àtikplɔa sɔ ɛ̀ ɖo èkɔ̀ ji na ɛ̀ eye e kpla àsi èkɔ̀ na ɛ̀ eye e gblɔ̃ na ɛ̀ be: “Pò nu na mù!” 13 E ɖoeŋuti na ɛ̀ be: “Àpetɔ, mù kpɔ wò sìgbè Mawu be àtikplɔtɔ ɖe nène ye, eye àpo gogoa titɔ mù ku vɔ̃vɔ̃; 14 ɖo èwò ya, Àpetɔ, wò wɔ̀nà ŋùdã eye àpo ŋùmè ɖɔ ku ŋùjèje.” 15 Vɔ̀a ekè e le nupoa jia, e bu do ye ɖokoe, jè ànyi. 16 Èfìɔa titɔ eye yebe ŋutimɛwo le èfìɔsrɔ̃a ne bèa gbà ɖo ye ɖokoe mè.
Currently Selected:
Ɛstà-G D: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.