Ɛstà-G C
C
Màrdokìa be kuefã
18 E fãkue na Tɔhonɔ̀, le ɖoŋùku Tɔhonɔ̀ be wɔ̀nawo kpata ji eye e gblɔ̃ be: 19 “Tɔhonɔ̀, Tɔhonɔ̀, Èfìɔ ŋusɛ̃ keŋu-tɔ: Ekè e nyi be xixe kplògòdòa lè àpo àcɛ̀ gɔ̃mè, gà kè mè àmè ɖekpe mu sitè ɖo ŋuti wò òa, wàlɛbɛ kè wò ji be yèa hlùɛ̃ Izràɛl gã; 20 ekè e nyi be èwò ye wɔ̀ jiŋùkusi ku ànyigbã kudo ènujɔ̀asuwo kpata lè ànyigbã jia, 21 eŋua wò nyi ènu sia ènu be Tɔhonɔ̀ eye àmè ɖekpe mu la teŋu nɔ̀tè ɖo ŋuti wò ò, èwò Tɔhonɔ̀. 22 Èwò ya, wò nya ènuwo keŋu. Tɔhonɔ̀, wò nya nyuɛ̃ɖe be nyè mu wɔ̀ ekèa ɖo ègbèdà àmè ŋuti, àlo ɖo jajra àlo gagla ŋuti ò; nyè mu do èta gũ lè ŋùkɔ̀ na Hamàn gòyitɔ ŋua ò. 23 Ɖoa mù la sɔ̀gbè ne ma kù kpla àfɔ̀wo na ɛ̀ ɖo Izràɛl be gãgã ŋuti 24 Vɔ̀a mù wɔ̀ ekèa be ne nyè mu gbà sɔ àgbètɔ be kafua ɖo Mawu tɔ̀a be ŋùkɔ̀ ò. Nyè mu la do èta gũ na àmè ɖekpe to vò na wò ò, Tɔhonɔ̀ nyè; eye mu nyi ɖo gòyiyi ŋuti ò.
25 Eye fifìa, Tɔhonɔ̀, Èfiɔ, Abràham be Mawu, wɔ̀ ŋùkumè blɔ̀kɔ̀ na àpo dùkɔ̃a, ɖo àmèwo fɔ̀ ŋùkuviwo ɖo mia ji ne woa crɔ̃ mi, wo ɖo be yèwo la gũ èta na ènu kè nyi àpo ècrɔ̃nu so kaka blèmà mèa. 26 Mù gbà crì ènu wò, kè wò gbìgbɔ̀ jo lè Ejiptè sia ò. 27 Kè èto, ne wòa sè àpe kuefã. Kpɔ ɖo e mè na ènu kè le nyi àpo ècrɔ̃nua, eye wòa trɔ miabe ŋuzĩzĩ mè nɔ̀nɔ sɔ wɔ̀ yɛyì wùwu, àleke be àgbèagbeawo, mia nɔ jì mamlã be èhàwo na àpo nyikɔ, ò Tɔhonɔ̀, eye mù gbà na woa bu àmè kèwo kafuna wòa ò'.
28 Izràɛlviwo do àpa ku woabe ŋusɛ̃ kpata ɖoɖa tɔhonɔ̀, ɖo wo le kpɔ èku kè lè ŋùkɔ̀ na woa.
Ɛstà be kuefã
29 Ɛstà èfìɔsrɔ̃a, kè e ɖo èku be àvũpopo mèa, e ji xɔ̀namè tèpe lè Tɔhonɔ̀a gbɔ. 30 Ekè e ɖè yebe àcɔɖowuwo dà ɖɛa, e sɔ nuxàxa ku ŋuzĩzĩ be àwùwo do; lè àmì hɔ̃huɛ̃ titiwo be tèpea, e lɔ àfi ku ɖiɖɔɛwo cɔ̃ ɖo tamè; e do àya na yebe ŋutilã ku àkpɛ̃nyɛ eye ènu sia ènu kè be la wɔ̀ ku yɛyìa, e sɔ yebe èɖà huãwo sɔ cɔ̃. 31 E fã yɔ Tɔhonɔ̀, Izràɛl be Mawu a, eye be gblɔ̃ be:
“Tɔhonɔ̀ nyè, dùkɔ̃ nyè be Èfìɔ, èwò ye nyi Mawu ɖèka! Va do mù àlɔ̀, mù ci àkòŋùgò eye nyè mu ɖo kpeɖoŋutɔ ɖe wu èwò ò. 32 Nyàwoa, mù sɔ àgbè nyèa le do àfɔ̀ku mè. 33 So kaka àpe jìjimèa, wo kpla mù be èwò Tɔhonɔ̀, wò cã mia tɔgbewo be kɔ̀ta, Izràɛl lè dùkɔ̃wo dòmè. Wò sɔ wo wɔ̀ àpo dùkɔ̃ kè nyi tɔ̀ wò tɛ̀gbɛ̀a eye wò wɔ̀ ènu kè wò fìãa cã na ɛ̀. 34 Eye fifìa, mi wɔ̀ nuvuɛ̃ lè ŋùkɔ̀ na wò. Nènea ye wò sɔ mi do miabe kɛ̃tɔwo be àsiwo mè 35 ɖo mi jo mlã woabe ènu sɛ̃sɛ̃wo. Jɔ̀jɔɛtɔ ye wò nyi, òo Tɔhonɔ̀! 36 Vɔ̀a fifì, miabe kluvi nyinyi be àkpɛ̃nyɛ mu sù na wo ò. klua ŋutɔ cã, wo pò sè ku woabe ènu sɛ̃sɛ̃wo 37 be yèwo la gũ ènu kè wò ɖoɖɛa. Wo jro la crɔ̃ dùkɔ̃ wò cãcãa, eye woa miɔ̃ ènu na àmè kèwo kafuna wò. Wo ji la gbã àpo Àxuea ku Vɔsakpe kèwo ɖènà gogo wòa fiɔa. 38 Wo ji la na dùkɔ̃ kpɔ̀tɛawo ne nɔ mlã woabe ènu sɛ̃sɛ̃wo eye woa nɔ do bùbu èfìɔ kè kunaa ŋuti tɛ̀gbɛ̀dò.
39 Tɔhonɔ̀, mù gbà sɔ àpo fìɔtikplɔ gble ɖɛ ɖo vòduwo simè ò. Mù gbà na ne mia crɔ̃ ne àmèwo ne kò mi ò. Vɔ̀a sɔ woabe àɖàŋù trɔ ɖo woa ŋutɔwo ŋuti eye àmè kè to lè èta na woabe wɔ̀wɔ̀woa, do è ètodɔ̃dɔ̃ kè la nyi kpɔwɔɛa mè.
40 Tɔhonɔ̀, mù gbà ŋlɔ̀be mi ò, ɖè ɖokoe wò fiɔ lè miabe nuxàxa be hùenu. Lè ègo nyè mèa, na mù jìdodo, mawuŋutimɛwo be Èfìɔ ku Mawu kitikàtà. 41 Sɔ ègbèvivi ɖo ènu mè na mù lè jãŋùta be ŋùkɔ̀ eye trɔ èjì na ɛ̀ àleke be bèa crì àmè kè le wɔ̀ àhùa ku mia, be ènyà-gbɔ, ne bèa crɔ̃ ye ku yebe èhadotɔwo nèneake. 42 Gbĩ mi lè woa si to àpo àlɔ̀ mè eye xɔ̀ na mù, mù ci àkòŋùgò eye nyè mu ɖo àmè ɖe tovò lè ŋuti wò ò, oò Tɔhonɔ̀. Ènu sia ènu lè nyanya mè na wò: 43 wò nya be mù cri Èsegbletɔwo be gogoa, wò nya be àmè mànya Mawu be dɔ̃ba ku àmèjro ɖekpekpe tɔ̀a, nyɔnaŋu na mù. 44 Wò jèsi jizĩzĩ kè mè mù lèa, èfìɔsrɔ̃ be kukua nyɔna ŋu na mù, sìgbè àsiɖoànyivɔ pò èhũ nène, eye nyè mu zãna ɛ̀ àzã kèwo gbè mù le ɖì ɖo e mè lè ò. 45 Àpo sumɔvia mu ɖùnu lè Hamàn be èkplɔ̃ ŋuti kpɔ ò eye mu yì nɔ̀ èfìɔa be àzãɖùkplɔ̃a ŋuti ò, eye nyè mu nù dekɔ̀nuwo be vɛ̃-ha kpɔ ò. 46 Àpo sumɔvia mu kpɔ ɖàgbè so gà kè mè e ɖɔ̀lì nɔ̀pe kaka na egbè sɔ wu lè gbɔ wò ò, Tɔhonɔ̀, Abràham be Mawu. 47 Mawu, èwò kè ɖo hɔ̃hlɔ̃ ɖo àmèwo kpata ji, ɖo èto èjìmàdotɔwo be ègbè, gbĩ mi lè èvlo do àmè tɔwo simè xɔ̀ mù lè vɔ̃vɔ̃ si.”
Currently Selected:
Ɛstà-G C: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.