Ɛstà-G 3
3
Yudàviwo lè àfɔ̀ku mè
1 Lè ènyàjɔ̀jɔ kèawo yomèa, èfìɔ Artazɛ̀rzɛs sɔ nutomèhùɛ̃yi na Hamàn, kè xɔ̀ nyikɔ be Mɛ̀wɔ̀glòjòa, Hamadatò be èvi; e sɔ ɛ̀ ɖo cãmì gã ɖo yebe ègawo nu. 2 Èfìɔ be sumɔviwo kpata dona èta gũ lè ŋùkɔ̀ na ɛ̀, ɖo nène ye èfìɔa do èsea yeŋu. Vɔ̀a Màrdokìa mu dona èta gũ lè ŋùkɔ̀ na Hamàn ò. 3 Eŋua, èfìɔ be sumɔviwo gblɔ̃ na Màrdokìa be: “Nukɛ ŋuti wò mu le sɔ ɖe lè ènu kè èfìɔa gblɔ̃a mè ɖo ò?” 4 Ŋùkèkè sia ŋùkèkèa, wo le pò nupo kèa na ɛ̀, vɔ̀a mu ɖona èto wo ò. Eŋua wo yì klã Hamàn be Màrdokìa ya mu le wɔ̀ ɖo èfìɔ be ènyàa ji ò. Màrdokìa hũ e mè na wo be yè nyi Yudàvi. 5 Kè be sè be Màrdokìo mu dona èta gũ lè ŋùkɔ̀ na yè òa, Hamàn ɖɔ ku àdɔ̀mèze 6 eye e ɖo tamè be yè la ɖe Yudàviwo kpata jo lè Artazɛ̀rzɛs be fìɔdua mè. 7 E ɖo è lè Artazɛ̀rzɛs be èpè woèvègɔ̃a mè eye e dà àkɔ̀ ɖo àzãa kudo wètria ji, be ne woa gũ èta na Màrdokìa be kɔ̀ta lè ŋùkèkè ɖèka mè. Àkɔ̀a jè wètri kè tɔ Àdar be ŋùkèkè woènɛ̀gɔ̃a ji.
8 Kpòa Hamàn gblɔ̃ na èfìɔ Artazɛ̀rzɛs be: “Dùkɔ̃ ɖèka kãkã ɖo dùkɔ̃wo dòmè lè àpo fìɔdu bliboa mè. Woabe èsewo tovò boo na dùkɔ̃ kpɔ̀tɛawo tɔ̀ eye wo mu sɔna ɖe lè èfìɔ be èsewo mè ò. Mu nyi ènu la ɖè àlè na èfìɔ ne wo le wɔ̀ nène ò. 9 Ne e jè e ji na èfìɔa, ne ɖokpe e ji be wo ne gũ èta na wo. Lè nyè ya gbɔ nyèa, mù la va xlɛ̃ klòsalò ga tàlɛ̃tò hotu àtɔ̃ (10000) kɔ̀ ɖo fìɔsa be àdɔ̀kùnua ji. 10 Funua èfìɔa ɖè yebe àlɔ̀gàvia, sɔ ɛ̀ ɖo àsimè na Hamàn be ne tre xomawo ɖo Yudàviwo ŋuti. 11 E yomèa, èfìɔ gblɔ̃ na Hamàn be: “Ègàa ne nɔ ànyi na wò! Eye wò ŋutɔ wɔ̀ àpo èjro ku dùkɔ̃ ŋua.”
12 Eŋua wo yɔ èfìɔ be xomaŋlɔ̀tɔwo bɔ̀ lè wètri cucugbãtɔ̀a be ŋùkèkè woètɔ̃gɔ̃a gbè eye wo ŋlɔ̀ ènu zɔ̃ ɖo Hamàn be ègbèɖèɖewo ji ɖoɖa èdù-nyigbã ɖe sia ɖe be àhùagawo ku dùnunɔ̀tɔwo, zɔ̃ ɖo woabe gbègbɔ̃gblɔ̃ ji, lè èfìɔa Artazɛ̀rzɛs be nyikɔ mè, so Indìa sɔ yì Etiopìa. 13 E yomèa, wo sɔ nuŋlɔ̀ɖɛawo do àsi na àŋɛ̀dotɔwo ne woa yì Artazɛ̀rzɛs be èfìɔdua mè sɔ gũ èta na Yudàviwo be kɔ̀ta lè ŋùkèkè ɖèka mè lè wètri woèvègɔ̃a kè nyi Àdar tɔ̀a mè eye woa hlà woabe àdɔ̀kùnuwo.
Currently Selected:
Ɛstà-G 3: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.