Ɛstà-G 1
1
Artazɛ̀rzɛs be àzãɖùpewo
18 E va jɔ̀ be lè Artazɛ̀rzɛs be hùenua, Artazɛ̀rzɛs ŋua kè ɖùfìɔ ɖo èdù-nyigbã èkà ètɔ̃ ci adrɛ̃ (127) ji, kaka yì Indìa. 19 Lè hùenu ŋuaa, èfìɔ Artazɛ̀rzɛs va nɔ yebe fìɔzìkpe ji lè Suzè èdù gã mè, 20 lè yebe fìɔɖùɖu be èpè ètɔ̃gɔ̃a mèa, e ɖo àzãɖùkplɔ̃ na yebe ègawo, na dùkɔ̃ buwo, na Pɛrsìa ku Medìa be àmè ŋùkutawo gbàkudo èdùnunɔ̀tɔwo. 21 E ɖè yebe fìɔdua be àdɔ̀kùnu ku yebe àgɔɖùɖu cigãtɔ̀wo be èglo wɔ̀wɔa fiɔ wo sɔ na ŋùkèkè èkà ènè takpo (180) sɔ̃ŋu. 22 Lè àzãɖùɖua yomèa, èfìɔ ɖo ènuɖùɖu be àzã sɔ na ŋùkèkè àdɛ̃ na dùkɔ̃ kèwo lè Suzè èdù gã mè, àmè ɖìnyiwo cã, àmè màɖìnyiwo cã, lè fìɔsaa mè. 23 Wo ɖo àcɔ na èkpamè ku àvɔ biɖibiɖi kudo èkà blɔtɔ̀ be àvɔ kèwo wo bla ku ànaze kudo àvɔjɛ̃ be èkàwo ɖo e ŋuti, ɖo sìka ku klòsalò lɔ̀gàviwo e ŋuti, lè àkpãkpe àcãtɔ̀ be sɔtiwo ŋuti gbàkudo sɔti ɣe ŋuti; sìka ku klòsalò be kocìviwo, lè funu lè ziɔ̃pe àmàmu tɔ̀, ɣe tɔ̀ ku àkpãkpe àcãtɔ̀ tɔ̀a ji; sɔ kpea, ànyigbã-vɔlɔ̃lɔ̃wo le klɛ̃ nyènyènyè, sepòpo kèwo tɔ rozà cã ɖɔ funua gòdòo, 24 sìka ku klòsalò be kɔpòwo lè funu. Wo ɖo àcɔ na ɖèka ɖe ku èkpe xɔ̀ciwo sìgbè talɛ̃tò hotu woeàtɔ̃ (30000) nène. Vɛ̃ nyuɛ̃ sùgbɔ lè funu, so èfìɔ be àhàti mè. 25 Àgɔɖùɖu màɖokɔpea yì e ji: nène ye èfìɔa jro yeŋu eye e ɖo na nuɖùɖujikpɔtɔwo be woa wɔ̀ ɖo yèbe jro ji, gbà wɔ̀ nène na àmè sia àmè. 26 Èfìɔsrɔ̃ Vastì cã ɖo ènuɖùkplɔ̃ na èfìɔ-xomè be nyɔnùwo, lè èfìɔ Artazɛ̀rzɛs be èfìɔsa mè.
27 Lè ŋùkèkè adrɛ̃gɔ̃a gbèa, èfìɔa kpɔ jìjɔɛ ɖo vɛ̃ kè be nùa ŋuti. E yɔ yebe kobonɔ̀ adrɛ̃: Hamàn, Bazà, Tarà, Borazè, Zatoltà, Àbatazà ku Tàrabà, gblɔ̃ na wo be 28 woa yì kplɔ̀ èfìɔsrɔ̃ Vastì va yè gbɔ ne bèa gla yè, èfìɔkuku ne nɔ̀ èta na ɛ̀. Èfìɔa jro be yèa ɖè yebe tùgbɛ̀jɛ jèjea fiɔ yebe dùnunɔ̀tɔwo ku dùkɔ̃wo; ɖo Vastì jè tùgbɛ̀jɛ ŋutɔ. 29 Vɔ̀a èfìɔsrɔ̃ Vastì gbe kobonɔ̀awo do kpɔ̀kplɔ yì. Eŋua na be èfìɔa bijì, do àdɔ̀mèze. 30 E gblɔ̃ na èxlɔ̃awo be: “Eŋua nènea ye Vastì ɖo e ŋuti na mùa? Mì yì le kpɔ! Mì ɖo kòjo zɔ̃ ɖo èse kudo jɔ̀jɔɛa ji!'
31 Eye Arkesaìɔs, Sàrsataìɔs ku Màleseà, Pɛrsìa ku Medìa be dùnunɔ̀tɔwo zɔ̃ gogo è; woawo ye nɔ̀nà èfìɔa ŋuti glana ɛ̀ zè ɖèka. 32 Wo fiɔ ènu kè ye jè be woa wɔ̀ na fìɔsrɔ̃ Vastì sɔ zɔ̃ ɖo èsewo ji, kè e nyi be mu wɔ̀ ɖo èfìɔ be ègbèɖèɖe kèwo kobonɔ̀awo sɔ yì na ɛ̀a ji ò. 33 Funua Mukaìɔs sɔ ènyà lè èfìɔ ku dùnunɔ̀tɔwo be ŋùkumè gblɔ̃ be: “Mu nyi èfìɔ ɖèɖe kpò ye Vastì do ŋùkpɛ̃ ò, vɔ̀a, èfìɔ be dùnunɔ̀tɔwo kpata kudo dùjikpɔtɔwo kpata cã. 34 Nyàwo, èfìɔ sɔ èfìɔsrɔ̃ be ènyàwo gblɔ̃ na wo kudo àlekè e ɖo e ŋuti na ɛ̀ ɖoa. Nɔ̀nɔmè kè be sɔ xɔ̀ gbè na èfìɔa, 35 nɔ̀nɔmè ŋua ke la nɔ̀ na Pɛrsìa ku Medìa be dùnunɔ̀tɔwo be srɔ̃wo kpata: ne wo va sè yebe ɖoŋuti na èfìɔa kpòa, wo la va hɛ̃ ègbɔɖìamè ŋua hati va woa srɔ̃wo ji. 36 Ne e jè ŋùmè na èfìɔa, ne ɖè ègbè woa do èfìɔ be èse ɖèka ŋùgbemàtrɔ kè wo la ŋlɔ̀ ɖo Medìa ku Pɛrsìa be èsewo mè, ne èfìɔsrɔ̃a mu gbà xà gogo èfìɔa ò: eye woa sɔ èfìɔsrɔ̃ be bùbua na nyɔnù nyuɛ̃tɔ bu wu àmè ŋua. 37 Eye wo ne ɖo gà èse kè èfìɔ doa eye e la wɔ̀ ɖo e ji lè yebe fìɔdu kèkègbàjà mè. Eŋua nyɔnùwo kpata la nɔ̀ ɖo bùbu na woa srɔ̃wo, so wɔ̀amènɔ̀ ji va kɔ̀ ɖo ècitɔ ji.”
38 Ènyà kèa jɔ̀jì na èfìɔa ku dùnunɔ̀tɔawo. Ye ŋuti èfìɔa wɔ̀ ɛ̀ zɔ̃ ɖo Mukaìɔs be numènyawo ji. 39 E ŋlɔ̀ xomawo ɖoɖa fìɔdu bliboa be èdù-nyigbã ɖèka ɖèka zɔ̃ ɖo ye ŋutɔ be ègbè gbɔ̃gblɔ̃ ji, àleke be àmèwo nɔ̀ sisi kè jèa mè lè woabe àxuewo mè.
Currently Selected:
Ɛstà-G 1: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.