Èsea gbìgbɔ̀ hlɛ̃ 32
32
1“Jiŋùkusi, ɖo èto, ne ma pò nupo,
ànyigbã, sè ènyà kèwo mù la gblɔ̃a.
2Àpe ènufiɔfiɔwo ne jà, sìgbè èsìjàja nène,
eye àpe ènyàwo ne hlɛ̃, sìgbè àhũ nène,
ɛ̃ɛ, ne jà, lè àvòmè, sìgbè èji sɛ̃sɛ̃ ɖo ègbefɛ̃fɛ̃ ji nène,
ne nɔ̀ sìgbè èji sɛ̃ŋu ɖo ègbe ji nène.
3Mù la mlã Tɔhonɔ̀ be nyikɔ;
mì kpɔ lekè miabe Mawu a lòlò ɖoa, jèsi.
4E ye kè nyi àkpãa, yebe ènuwɔ̀wɔwo nɔ̀nà blibo;
yebe èmɔwo keŋu lè jɔ̀jɔɛ;
ànùkua be Mawu ye be nyi, eye jɔ̀jɔɛ mà wɔ̀ mu lè e mè ò,
nyàwototɔ ku ènu jɔ̀jɔɛwɔ̀tɔ ye be nyi.
5Vɔ̀a, mìa#32.5 Ŋɔ̀ŋlɔ̃ kèa mè mu kɔ̀ lè Hebrùgbe mè ò. Gãkea, Mosè le pò nupo ku Izràɛl dùkɔ̃ kè be jè ŋùkɔ̀a ye. Ekèa ŋuti be le tɔgbè wo lè fikèa ɖo. Izràɛlviwo ya, dùkɔ̃ vuɛ̃ kpò mì nyi,
mìabe èvuɛ̃ wɔ̀wɔ na be, lè Tɔhonɔ̀ be ŋùmè a, mì mu gbà nyi Tɔhonɔ̀ be èviwo ò.
Jìjimè bàɖà, gbegble ye mì nyi.
6Dùkɔ̃ mà nyanu, jè àɖàhùa,
àgbè ŋua ye wò la nɔ̀ lè Tɔhonɔ̀ be ŋùkumèa?
Mu nyi Tɔhonɔ̀ ye nyi ètɔ kè jì wò ò a?
Tɔhonɔ̀ ye wɔ̀ wò, ye ŋutɔ ke ye likè wò.
7Ɖoŋù gbè ɖe gbè,
gbìgbɔ̀ kpɔ èpè kèwo va yìawo ɖa,
gbìgbɔ̀ kpɔ jìjimè kèwo va yìa ɖa,
biɔ ètɔ wò sè, e la gblɔ̃ ɛ̀ na wò;
biɔ àpo àmè sĩsĩwo sè, wo la gblɔ̃ ɛ̀ na wò.
8Gà kè mè èjihũitɔa mã ànyigbã na dùkɔ̃woa,
gà kè mè e mã àgbètɔwo mèa,
e ɖo lipò na dùkɔ̃wo keŋu,
sɔ zɔ̃ ɖo Izràɛlviwo#32.8 Kpɔ Dɔw 17.26, be ègbɔsùsu ji.
9Ɖoa Tɔhonɔ̀ ŋutɔ tɔ̀ ye nyi dùkɔ̃a,
eye e cã Yakɔb be jìjimèviwo na ye ɖokoe.
10Tɔhonɔ̀ dogò yebe dùkɔ̃a lè zògbè-nyigbã ji,
lè tèpe kè àmè ɖekpe mu lè ò, vɔ̀a, kè ɖɔ ku ègbemèlãwo be àpadodoa.
E kpɔ e ji, eye be fiɔ ɛ̀ ènu;
e lebè na ɛ̀, sìgbè yebe ŋùkuvi be èku yìbɔ nène.
11Sìgbè lekè èhɔ̃
donazò lãmè na èvia kèwo le kpla zòzroa nènea,
e vlũ àwàda, le zrò to yebe àtɔ̃ɛa tamè,
e kèkè yebe àwàdawo keŋu, ɖo èviawo ji,
e kɔ wo ɖo yebe àwàdawo ji.
12Nène a ye Tɔhonɔ̀ ŋutɔ ɖèka kplɔ̀ yebe dùkɔ̃a yeŋu,
vòdu ɖekpe mu do è àlɔ̀ ò.
13E na dùkɔ̃a ɖù ànyigbã be ètowo ji,
ne bèa sɔ àgblè mè nukuawo nyì ye ɖokoe.
E na ànyisi to lè àkpã tòtro mè, be nù.
E na àmìti mìɔ̃, lè àhlìhãkpe ji, èkusɛ̃sɛ̃awo ɖì, dùkɔ̃a ɖù.
14Ènyì ku àlɛ̃wo nana woabe ànɔsi babla,
àlɛ̃vi, ègbɔvi, ègbɔ ku Basàn be àgbò doàmìwo
nana woabe èlã,
ku èlù be èwɔ meme,
vɛ̃ku be èhũ, kè nyi àhà yeye wò nùnàa.
15Nène a ye, kè Yesùrun do àmì vɔ̀a, e jè àgla#32.15 Yesùrun gɔ̃mè ye nyi “Àmè jɔ̀jɔɛ”, sìgbè lekè be lè lè Eza 44.2 mèa nène.
Ɛ̃ɛ, wò doàmì, wò kpɔ lãmè, wò trì;
dùkɔ̃a gble Mawu kè wɔ̀ ɛ̀a ɖɛ,
e dovlo Mawu kè nyi yebe àkpã, yebe hlùɛ̃tɔa.
16Dùkɔ̃ kèa mèviwo sɔ èdù bu mè be vòduwo do àdɔ̀mèze na Mawu,
wo wɔ̀ ènu nyɔŋuwo, sɔ jè àgɔ̀ do Tɔhonɔ̀,
17Wo savɔ na gbɔ̃gbɔ̃ vuɛ̃ kèwo mu nyi Mawu ò a#32.17 Kpɔ 1Kòr 10.20.,
na vòdu kèwo wo mu jèsi ò a,
ènu sɛ̃sɛ̃ yeye
kèwo woa tɔgbewo cã mu nya ò a.
18“Àkpã kè jì wòa, wò ɖè èkɔ̀ lè e ŋuti,
wò ŋlɔ̀be Mawu kè ɖo wòa!”
19Ènu kè Tɔhonɔ̀ kpɔa fɔ̃ àdɔ̀mèze na ɛ̀,
ɛ̃ɛ, yebe ŋusùviwo ku yebe nyɔ̃nùviwo hɔ̃ èjì na ɛ̀.
20Ekèa ŋuti be gblɔ̃ be: “Mù la wla àpe ŋùmè do wo,
eye mù la kpɔ ènu kè la va jɔ̀ ɖo woa jia,
ɖoa, jìjimè jɔ̀vuɛ̃ ye wo nyi,
èvi kèwo ŋuti wo mu teŋu dojì ɖo ò a.
21Wo sɔ ènu màɖì nuwo, le do àdɔ̀mèze na mù;
wo sɔ woabe legba mà ɖì ènuwo le hɔ̃ èjì na mù.
E nyɔ! Nyè yaa, mù la sɔ ènu kè mu nyi dùkɔ̃ ò a kpã ŋùkɔ̀ wo!
Mù la sɔ dùkɔ̃ fùflu ɖe#32.21 Kpɔ Rom 10.19; 1Kòr 10.22 hɔ̃ èjì na wo!
22Fifìa, àpe àdɔ̀mèzea be èzò le bì,
e le bì kaka yì kɔ̀ ɖo èkuwode be gòglòpe ke!
E vũvũ ànyigbã ku ènu kèwo mìɔ̃nà ɖo e jia!
E bì ètowo be ègũnuwo!
23Mù la lɔ jɔ̀gbèvuɛ̃wo kpata kɔ̀ ɖo woa ji,
àŋùti nyèwo la lɔ wo.
24Ne àdɔ̀ wù àmè gbɔjɔ wo,
èji be ègbèɖèɖe ku àpe àɖi sɛ̃ŋu be tete vũvũ woa,
mù la ɖo èlã wɔ̀ àdãwo be àɖu na wo,
ku èlã kèwo tana lè èkɔ mèa be àɖi.
25Lè èmɔ jia, èwui la crɔ̃ woabe èviwo,
lè àxuewo mèa, àdìka sò àmè la ɖùfìɔ;
ènu kè la kpe ɖèkajɛ a ke ye la kpe tùgbɛ̀jɛ lè àxuea cã;
ènu kè la crɔ̃ vifɛ̃ hũkɔ̃ɛa ke ye la crɔ̃ àmègã èta ɣe cã.”
26Mù gblɔ̃ be: “Mù la gbã wo hãnyà hãnya,
eye mù la gũ wo jo lè àgbètɔwo be susu mè,
27Gãkea nyè mu jro be woabe kɛ̃tɔ ne kò mù,
ne woa va nɔ gblɔ̃ be:
“Miawo ye na ekèawo keŋu jɔ̀,
mu nyi Tɔhonɔ̀ ye wɔ̀ ènu kèawo ò!”
28Ekè e nyi be dùkɔ̃ kèa nyi dùkɔ̃ kè be ɖoɖowo le gbãa, wo mu ɖo ènunya ò.
29Ne wo ɖo àdòdò a, wo la kè sè e gɔ̃mè,
eye ènunya la nɔ̀ susu mè na wo, na woabe èsɔ̀ godo.
30Leke àmè ɖèka la teŋu nyà àmè èkà èwì vɔ àtɔ̃ (1000) ɖo ò?
Eye àmè hotu àtɔ̃ (10000) la teŋu si lè àmè èvè pɛ nu,
ne mu nyi be woabe àkpã kè nyi Tɔhonɔ̀a ɖè kɛ̃tɔawo do àsi ò?
31Ekè miabe kɛ̃tɔwo be àkpã mu lè sìgbè miabe àkpã nène ò a,
woa ŋutɔ wo ɖù ɖase so e ŋuti.
32Woabe vɛ̃-gblewo so Sodɔ̀m be vɛ̃-gblewo dòmè,
kèwo mu tovò na Gòmɔrà be àgblèwo ò a.
Woabe vɛ̃kuwo ɖɔ ku àɖi ɖèɖe,
woabe vɛ̃kpòwo ve kpàa.
33Woabe vɛ̃a nyi èdã be àɖi,
flìbo be àɖi bàɖà bàɖà ɖe.
34Ènu kè ènyè Tɔhonɔ̀, mù ɖo ɖɛa,
Ènu kè mù ɖo ɖɛ na woa,
35Tɔ̀ nyè ye nyi èhlɔ̃biɔbiɔ, ku èfɛ̃tu,
ne gà mè sùa, woabe àfɔ̀ la ɖiɖi,
ɖoa, woabe cɔ̃crɔ̃ be àzã gogo,
eye ènu kè la jɔ̀ ɖo woa ji kpàtàa, la va èzã ɖe kèa.”
36Tɔhonɔ̀ la sò jɔ̀jɔɛ na yebe dùkɔ̃a,
e la ku ŋuzĩzĩ na yebe sumɔ̃viwo,
wàlɛbɛ kè be la kpɔ be wo gbɔjɔa,
wàlɛbɛ kè kluvi, àlo, àblɔ̀ɖèvi mu gbà lè ò a.
37Hùe ŋua nu ye be la biɔ be: “Fikɛ ye woabe vòduwo lè ò, eye àkpã kè le wla woa ɖe?
38Woabe vòdu kèwo ɖùnà woabe vɔsa be àmìwoa ɖe?
Ekèwo ye nùnà woabe èsìkɔ̀ɖɛ be àhàwoa ɖe?
Wo ne sitè, ne woa va hlùɛ̃ mì gã!
Wo ne sɔ àfi kè mì la wla ɖoa fiɔ!
39Mì le kpɔ fifì be ènyè ye,
ènyè ɖèka kpò ye,
kè vòdu ɖekpe mu nɔ̀ ŋuti nyè ò a,
ènyè kpò ye ɖo ŋusɛ̃, nana èku ku àgbè.
Ne mù do àbì àmè ŋutia, ènyè ke gbà wùnà àbì a.
Àmè ɖekpe mu teŋu xɔ̀ àmè, lè àsi nyè ò.
40Ɛ̃ɛ, mù kɔ àlɔ̀ yìji,
eye mù le kã àtãŋu be: 'Ènyè ye nyi Mawu àgbè-àgbè kè lè, kaka sɔ yìa!
41Ne mù ɖa èwui wɔ̀ ànyrã nyèa,
ne mù kpã ŋùkɔ̀ kɛ̃tɔ nyèwo ku kòjoɖoɖoa,
àpe èhlɔ̃biɔbiɔ la jè woa ji,
eye mù la dɔ̃ èto na àmè kèwo crì mùa.
42Wàlɛbɛ kè èwui nyèa le ɖù woabe èlãa,
àŋùti nyèwo la nɔ nù woabe èhũ, kaka la mu.
Àmè ci àhùawo ku àhùalewo be èhũ wo la nù.
Kɛ̃tɔwo be kplɔ̀tɔwo be èlã wo la ɖù.'”
43Dùkɔ̃wo, mì kafu Tɔhonɔ̀ be dùkɔ̃a,
ɖoa, Tɔhonɔ̀ la biɔhlɔ̃ na yebe sumɔ̃viwo be èhũ.
Èhlɔ̃biɔbiɔ kèa la gɛ̃ jè yebe kɛ̃tɔwo ji;
Nène a, e la sɔ yebe dùkɔ̃a ku yebe ànyigbã be èvuɛ̃ kè è.
Tɔhonɔ̀ la dɔ̃ èto na yebe kɛ̃tɔwo
vɔ̀a, e la kɔ̀ yebe dùkɔ̃a be ànyigbã ŋuti#32.43 Wo gbà sɔ xoma kèwo wo kpɔ lè Kumram be ènyàwo sɔ ɖè ŋɔ̀ŋlɔ̃ 43 kèa gɔ̃mè, sɔ kpe ɖo Grikgbe be ŋɔ̀ŋlɔ̃ a ŋuti. Kumram tɔ̀a le gblɔ̃ be: “Jiŋùkusi ne kpɔ jìjɔɛ ku Tɔhonɔ̀ be dùkɔ̃a, ènusɛ̃sɛ̃wo keŋu ne do èta gũ na Mawu!” Grikgbe tɔ̀a le gblɔ̃ be: Dùkɔ̃wo, mì kpɔ jìjɔɛ ku yebe dùkɔ̃a, Mawu be àtikplɔtɔwo keŋu ne do è ŋusɛ̃! Ɛ̃ɛ, Mawu la biɔhlɔ̃ na yebe èviwo be èkuɛ̃ɛ, e la biɔhlɔ̃ na wo, e la na èhlɔ̃biɔbiɔ la jè yebe èkɛ̃tɔwo ji, ètodɔ̃ kè jè na yebe kɛ̃tɔwoa, la jè woa ji. Ekèa yomè a, Tɔhonɔ̀ la klɔ yebe dùkɔ̃a be ànyigbãa ji. Fikèa ye wo ɖè Rom 15.10 ku Heb 1.6 so. Àvì 19.2 sɔ ŋɔ̀ŋlɔ̃ kèa be àkpa ɖe.
44Nène a ye Mosè, kè ŋuti Yosùa, Nun be èvia lè, va ɖè èhà kèa mè be ènyàwo keŋu ɖo èto mè na Izràɛl be dùkɔ̃a.
45Kè Mosè gblɔ̃ ènyà kèawo keŋu na Izràɛl bliboa vɔ̀a, 46e gblɔ̃ na wo be: “Mì le ènyà kèwo keŋu mù le gblɔ̃ na mì egbèa ɖo àsi veveɖe, eye mìa do wo èto mè na mìabe èviwo, be wo ne wɔ̀ ɖo èse kèa be ènyàwo kpata ji. 47Ɖoa, mu nyi ènyà gbalo ye wo nyi na mì ò. Ènyà kèawo ye nyi mìabe àgbè bliboa, eye ènyà kèawo ji, mì la wɔ̀ ɖo, ne mìa nɔ̀ àgbè dìdi, lè ànyigbã kè mì la xɔ̀, ne mì sò Yɔrdàn be ètɔ̀a vɔ̀a.”
Mosè be èku be ènyà
48Gbè ŋua gbè tutua, Tɔhonɔ̀ gblɔ̃ na Mosè be: 49“Lia Nebò be èto kè lè Avarim be ètowo dòmèa ji, ne wòa yì Mòab-nyigbã ji, jè ŋùkɔ̀ Yerikò, ne wòa kpɔ Kanàn-nyigbã kè mù la sɔ na Izràɛlviwoa ɖa. 50Lè èto kè wò la liaa jia, wò la ku, la yì tɔgbe wòwo gbɔ, sìgbè lekè fòfo wò Arɔ̀n cã ku, lè Hor be ètoa ji, jo yì yebe xòmèwo gbɔa nène#32.50 Kpɔ Hɛ̃h 20.22-26. 51E la nyi lekea, ɖoa, mì wɔ̀ èvuɛ̃ gã ɖe ɖo ŋuti nyè lè Izràɛlviwo dòmè, lè Meribà be èsìa gbɔ, lè Kadɛ̀s, lè Sin be zògbè a ji, wàlɛbɛ kè mì mu do bùbu lekè mù lè kɔ̀kɔ̀ɛ ɖoa ŋuti, lè Izràɛlviwo dòmè ò. 52Wò la jè ŋùkɔ̀ ànyigbã kè mù sɔ le na Izràɛlviwoa, wò la kpɔ ɛ̀ ɖoɖa, lè àzɔ̀ge, gãkea, wò mu la yì e ji ò.”
Currently Selected:
Èsea gbìgbɔ̀ hlɛ̃ 32: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
