Èsea gbìgbɔ̀ hlɛ̃ 29

Mawu wɔ̀ ènu jɔ̀ àsuwo na Izràɛlviwo

1Mosè yɔ Izràɛl be dùkɔ̃ bliboa bɔ̀, eye be gblɔ̃ na wo be:

Mìa ŋutɔwo mì kpɔ ènu kè Tɔhonɔ̀ wɔ̀ le mìabe ŋùku mè, na Faraɔ̀n ku yebe sumɔ̃viwo, kudo yebe dùkɔ̃ bliboa, lè Ejiptè-nyigbã ji. 2Mì kpɔ ènu jɔ̀ àsuwo, jèsì ku ŋùdãnu gã kèwo be wɔ̀a. 3Gãkea, kaka va na egbèa, Tɔhonɔ̀ mu kpɔ na mì èjì, ne mìa ŋɔjè ènuwo mè, nùkuviwo, ne mìa sɔ nɔ kpɔ ènu, ku ètowo, ne mìa sɔ nɔ sè ènu ò#29.3 Kpɔ Rom 11.8. 4Mù kplɔ̀ mì to zògbè a ji, èpè èkà sɔ̃ŋu: àwù mu vũvũ lè mìa ŋuti ò, eye àfɔ̀kpa mu ɖù lè àfɔ̀ na mì ò. 5Mu nyi kpɔ̃nɔ, ye mì ɖù ò, mu nyi vɛ̃, àlo àhà sɛ̃sɛ̃wo ye mì nù ò: mì ɖo la kpɔ jèsi, to ekèa mè be ènyè ye nyi Tɔhonɔ̀, mìabe Mawu. 6Eye, kè mì va ɖo fikèa, Sihɔ̀n, Hɛsbɔ̀n be èfìɔa ku Ɔg, Basàn be èfìɔa, to va kpã ŋùkɔ̀ mi, wɔ̀ àhùa ku mi, eye mi ɖù woa ji#29.6 Kpɔ Hɛ̃h 21.21-35. 7Eye mi xɔ̀ woabe ànyigbã, sɔ wɔ̀ ècrɔ̃nu na Rubɛ̀n be jìjimèviwo, na Gad be jìjimèviwo ku Manasè be jìjimèviwo be hɛ̃nua be mamã mè#29.7 Kpɔ Hɛ̃h 32.33. 8Mì la le zòɖùɖu kèa be ènyàwo ɖo àsi, ne mìa wɔ̀ ɖo woa ji, ne ènu sia ènu kè mì la wɔ̀a ne jè e ji na mì.

Mawu be zòɖùɖua nyi ènu xɔ̀ àsì

9Mìa kpata, mì lètè egbè lè Tɔhonɔ̀, mìabe Mawu be ŋùkɔ̀; mìa kpata ku mìabe ègawo, mìabe kɔ̀tawo, mìabe àmè sĩsĩwo, mìabe ènuŋlɔ̀tɔwo, Izràɛl be ŋusùwo keŋu, 10mìabe èviwo, mìa srɔ̃wo, kpe ɖo àmèjro kèwo lè mìa dòmè, lè mìabe àsàɖa mè, ne bèa nɔ sò àtiwo, àlo, nɔ kù èsì na mì. 11Wò va, la ɖo Tɔhonɔ̀, àpo Mawu be zòɖùɖua mè, zòɖùɖu kè be àtãŋu Tɔhonɔ̀ le kã na wò egbè, 12ne wòa trɔ ye ŋutɔ be dùkɔ̃, so egbèa ji, eye ye ŋutɔ bèa nyi Mawu wò, sìgbè lekè be fìã àjɔ̀gbè na wò, eye be kã àtãŋu na Abràham, Izàk ku Yakɔb, tɔgbe wòwoa nène. 13Èzò kè mù le ɖù ku àtãŋu kãkãa, mu nyi mìawo kpò ye mù le ɖù ì ku ò. 14Mù le ɖù ì ku àmè kèwo keŋu lètè, lè fikèa ku mi, lè Tɔhonɔ̀, miabe Mawu be ŋùmè egbèa, vɔ̀a, mù gbà le ɖù ì ku àmè kèwo keŋu mu lè fikèa ku mi egbè ò a.

15Mìa ŋutɔwo mì nya lekè mi nɔ̀ Ejiptè-nyigbã ji ɖoa, ku lekè mi to dùkɔ̃ kèwo dòmè mì zɔ̃ toawo ɖoa. 16Mì kpɔ ènu nyɔŋu ku legba kèwo ye lè dùkɔ̃ ŋuawo gbɔa, legba kèwo wo sɔ àti, èkpe ku sìka wɔ̀a! 17Ŋusù, àlo nyɔ̃nù, xòmè, àlo kɔ̀ta ɖekpe be èjì mu gbà trɔ lè Tɔhonɔ̀, miabe Mawu yomè, ne bèa yì sumɔ dùkɔ̃ ŋuawo be vòduwo ò. Àmè kè la wɔ̀ ekèa la nɔ̀ sìgbè àti kè be èkè na be yebe èkusɛ̃sɛ̃wo la va trɔ zũ àɖi kè la va nɔ ve kpàaa nène. 18Ne àmè ɖe sè ènyà kè Mawu sɔ kã àtãŋua vɔ̀, susu be yè xɔ̀ sìtu, ekèa ŋutia, e le gblɔ̃ be: “Ènu nyɔ na mù ŋutɔ, be mù xɔ̀ sìtu, eye mù teŋu wɔ̀ ènu kè jro mùa, ɖoa ànyigbã kè ji èji jà ɖoa mu gbà ɖìnà èku ò”, 19Tɔhonɔ̀ mu la lɔ̃, la sɔ èvuɛ̃ kè nène be àmèa ò. Tɔhonɔ̀ be àdɔ̀mèze ku yebe ŋuhuãa la bì ɖo àmè kèa ŋuti. Kpɛ̃sɛ̃ kèwo keŋu Tɔhonɔ̀ sɔ kã àtãŋu ɖo xoma kèa mèawo la jã nène be àmèa, eye Tɔhonɔ̀ la gũ yebe nyikɔ lè xixe kèa mè gbidi. 20Tɔhonɔ̀ la ɖè è ɖo vò, so Izràɛl be kɔ̀tawo keŋu ŋuti, eye àmèa la nɔ̀ yebe èvuɛ̃ nu, zɔ̃ ɖo kpɛ̃sɛ̃ kèwo keŋu kplɔ̀ zòɖùɖu kè lè èse be xoma kèa mèa do a ji.

21Eye, ne jìjimè kè la jè mìa yomè a, jìjimè kè la nyi mìabe èviwo be jìjimèa ku àmèjro kè la so dìdìpe vaa, kpɔ ànyigbã kèa be àbìwo a, ne wo kpɔ èdɔ̀lele kèwo Tɔhonɔ̀ sɔ dɔ̃ èto na ànyigbã kèa ku e jinɔ̀tɔwoa, 22wo la gblɔ̃ be: Tɔhonɔ̀ be ànyigbãa, èwèmi, èjè ku èzò kpò be nyi; wo mu la teŋu do ènu ɖo e ji ò; ègbe ɖekpe mu la teŋu mìɔ̃ ɖo e ji, sìgbè lekè be nyi lè Sodɔ̀m ku Gòmɔràa ke nène, sìgbè lekè be gbà nyi lè Admà ku Sevoim nène, èdù kèwo Tɔhonɔ̀ crɔ̃ lè àdɔ̀mèze ku èjìbibi mèa#29.22 Kpɔ Gɔ̃m 19.24-25. 23Eye dùkɔ̃wo kpata la do àpa be: “Nukɛ ŋuti Tɔhonɔ̀ wɔ̀ lekea ku ànyigbã kèa ɖo ò? Nukɛ ŋuti be do àdɔ̀mèze hɛli-hɛli lekea ɖo ò?” 24Àmèwo la gblɔ̃ be: “Kè Tɔhonɔ̀ be dùkɔ̃a gble èzò kè Tɔhonɔ̀, woa tɔgbe-tɔ̀gbèwo be Mawu ɖù ku wo, sɔ kplɔ̀ wo jo lè Ejiptè-nyigbã jia ŋuti ye. 25Wo yì sumɔ vòduwo, eye wo jè èɖɛ̀ na wo, na vòdu kèwo wo mu jèsi ò a, kèwo be èse Tɔhonɔ̀ do na woa. 26Ekèa ŋuti ye Tɔhonɔ̀ do àdɔ̀mèze do ànyigbã kèa, eye be na kpɛ̃sɛ̃ kèwo keŋu wo ŋlɔ̀ ɖo xoma kèa mèa ɖì e ŋuti ɖo. 27Lè yebe èjìbibi mèa, Tɔhonɔ̀ sɔ yebe àdɔ̀mèze gãa be àdã hɔ̃ wo jo lè woabe ànyigbãa ji, ɖoɖa ànyigbã bu ji, sìgbè lekè be jɔ̀ egbèa nène.

28Ènu wawlaawo nyi Tɔhonɔ̀, miabe Mawu tɔ̀, eye ènu kèwo wo ɖèfiɔawo nyi mia ku miabe èviwo, tɔ̀ kaka sɔ yì, àleke be mia wɔ̀ ɖo èse kèa be ènyàwo kpata ji.

Currently Selected:

Èsea gbìgbɔ̀ hlɛ̃ 29: GEN

Highlight

Copy

Compare