Èsea gbìgbɔ̀ hlɛ̃ 18

Ɖoɖo na Levì be jìjimèviwo

1Hũbonɔ kèwo so Levì be jìjimèviwo dòmèa, Levì be kɔ̀taa kpata mu la xɔ̀ ènu ɖekpe ò; wo mu la xɔ̀ ècrɔ̃nu lè Izràɛlviwo dòmè ò. Wo la nɔ ɖù vɔsa kè wo wɔ̀ na Tɔhonɔ̀a be ènu ɖùɖu, eye ènu kèwo gbe nyi Tɔhonɔ̀ tɔ̀ kpòa nyi woa tɔ̀. 2Levìwo mu ɖo ècrɔ̃nu la xɔ̀ lè woa nɔ̀viwo dòmè ò. Tɔhonɔ̀ ye nyi woabe ècrɔ̃nu, sìgbè lekè Tɔhonɔ̀ fìã àjɔ̀gbè na woa nène#18.2 Kpɔ Hɛ̃h 18.20.

3Ènu kèwo la so dùkɔ̃a gbɔ, ku so àmè kèwo la wù ènyì àlo, àlɛ̃, sɔ savɔ na Tɔhonɔ̀a gbɔ, va na hũbonɔwo ye nyi ekèawo: wo la sɔ èlãa be àbɔta, àlɔgo ku àdɔ̀gbo na hũbonɔa. 4Mì la sɔ èlù, vɛ̃ yeye, ku àmì cucugbãawo kpe ɖo àlɛ̃-fu ku ègbɔ-fu cucugbãawo ŋuti, la sɔ na hũbonɔawo. 5Ɖoa, lè kɔ̀tawo keŋu dòmèa, Levìwo ye Tɔhonɔ̀, mìabe Mawu cã ku woabe èviwo, ne woa nɔ̀ yebe ŋùkɔ̀, gbè sia gbè, la nɔ sumɔ, lè yebe nyikɔ mè.

6Ne Levì ɖe so mìabe èdùwo dòmètɔ ɖe kè mè be nɔ̀nàa mè, lè àfi ɖekpekpe, lè Izràɛl-nyigbã jia, ne va tèpe kè Tɔhonɔ̀ cã a, lekè be jro ɖoa fàa. 7E la wɔ̀ sɛ̃sɛ̃dɔa fàa, lè Tɔhonɔ̀, yebe Mawu be nyikɔ mè, sìgbè nɔ̀via kèwo keŋu lè Tɔhonɔ̀ be ŋùkɔ̀awo ke nène. 8Eye wo la xɔ̀ mamã sɔ̀sɔɛ, na ènu kè wo la ɖùa, tovò na àlè kè woa dòmètɔ ɖe sia ɖe la kpɔ, so ècrɔ̃nu kè ètɔa be xòmè gble ɖɛ na ɛ̀ be sàsa mèa.

Àjè gblɔ̃ɖɛtɔwo ku Mawu be gblɔ̃ɖɛtɔwo

9Ne mì ɖo ànyigbã kè Tɔhonɔ̀, mìabe Mawu sɔ le na mìa jia, mì mu la kpla dùkɔ̃ ŋua kèwo lè ànyigbã jiawo be ènu nyɔŋuwo wɔ̀wɔ ò. 10Mìa dòmètɔ ɖekpe mu la tɔzò yebe ŋusùvi, àlo nyɔ̃nùvi, na vɔsa ò; àmè ɖekpe mu la kã ènu, la sàgbè, la wɔ̀ èbo, àlo, la wɔ̀ àze ò; 11àmè ɖekpe mu la kã àfã, la do vòdu, àlo, la yɔ èxɔ̀, sɔ biɔ ènyà àmè kukuwo ò#18.11 Kpɔ Tot 22.17; Lev 19.26, 31; 1Sam 28.7. 12Ɖoa, àmè ɖe kpekpe àmè kè la wɔ̀ leke be ènuwoa, nyi ènu nyɔŋu na Tɔhonɔ̀, eye, ènu nyɔŋu kèawo ŋuti ye Tɔhonɔ̀, mìabe Mawu le xɔ̀ ànyigbã lè dùkɔ̃wo si, lè mìabe ŋùkɔ̀, sɔ le na mì ɖo. 13Mìawo yaa, mì tɛ ɖo Tɔhonɔ̀, mìabe Mawu a ŋuti kpãmi#18.13 Màt 5.48..

14Dùkɔ̃ kèwo be ànyigbã mì la xɔ̀awo, ɖona èto àmè kèwo sànàgbè, eye wo kãnà àfãawo. Vɔ̀a, Tɔhonɔ̀ mìabe Mawu a mu jro ènu kèa be ɖekpe so mìa gbɔ ò. 15Tɔhonɔ̀, mìabe Mawu la ɖè gblɔ̃ɖɛtɔ ɖe kè la nyi mìa nɔ̀vi, sìgbè ènyè nènea, to lè mìa dòmè; e ye be ègbè, mì la ɖo èto#18.15 Dɔw 3.22; 7:37. 16Ènu kè tutu mì biɔ Tɔhonɔ̀, mìabe Mawu, gbè kè gbè mì bɔ̀ ɖo Horɛb be ètoa gbɔ, wàlɛbɛ kè mì gblɔ̃ be: 'Mi mu ji la gbà nɔ sè Tɔhonɔ̀, miabe Mawu be ègbè, be la nɔ pò nupo na mi, àgbãŋùgbà, lekea, to èzò gã kèa mè ke, ne mia va ku ò!' 17Eye Tɔhonɔ̀ gblɔ̃ na mù be: 'Ènyà kè wo gblɔ̃a nyɔ. 18Àmè kè mù la sɔ, lè woa nɔ̀viwo dòmè na woa, la nyi gblɔ̃ɖɛtɔ kè la nɔ̀ sìgbè èwò ke nène. Mù la sɔ, ènyà nyèwo ɖo ènu mè na ɛ̀, eye be la ɖo ègbè kèwo keŋu mù la ɖè na ɛ̀a na wo. 19Eye, ne àmè ɖe mu ɖo èto àpe ègbè ò a, ne àmè ɖe mu ɖo èto ènyà kè gblɔ̃ɖɛtɔa la gblɔ̃ lè àpe nyikɔ mè ò a, eŋuã, nyè ŋutɔ mù la kpãŋùkɔ̀ nènemea#18.19 Kpɔ Dɔw 3.23.. 20Vɔ̀a, ne gblɔ̃ɖɛtɔa kãsè, gblɔ̃ ènyà ɖe kè be ègbè, nyè mu ɖè na ɛ̀ ò, lè àpe nyikɔ mè, àlo, ne e va le ɖo vòduwo be ègbèa, eŋuã, gblɔ̃ɖɛtɔa ye la ku.

21Ta mu nyɔ ò a, mì la gblɔ̃ be: 'Leke mi la wɔ̀, la nya be mu nyi Tɔhonɔ̀ ye gblɔ̃ ènyàa ò?' 22Ne ènu kè gblɔ̃ɖɛtɔa gblɔ̃ lè Tɔhonɔ̀ be nyikɔ mèa mu jɔ̀ ò a, ne mu va e mè ò a, eŋuã, mu ènyà kè Tɔhonɔ̀ gblɔ̃a ye be nyi ò. Gblɔ̃ɖɛtɔa ŋutɔ ye kpà ènyàa gblɔ̃.

Currently Selected:

Èsea gbìgbɔ̀ hlɛ̃ 18: GEN

Highlight

Copy

Compare