2Samuɛl 5

Wo ɖo David, Izràɛlviwo be èfìɔ

(1Kro 11.1-3)

1Izràɛlviwo be kɔ̀tawo kpata va David gbɔ, lè Hebrɔ̀n, eye wo gblɔ̃#5.1 Kpɔ 2Sam 2.1-4na David be: “Miawo ye nyi ekèawo, àpo xòmètɔ kèwo nyi wò ŋutɔ àpo èpu ku ŋutilãa. 2Sãa, wàlɛbɛ kè Saolò nyi miabe èfìɔa, èwò ye nɔ̀nà ŋùkɔ̀ na Izràɛlviwo be àhùakɔ̃a, yìnà, gbɔ̀nà. Vɔ̀a, Tɔhonɔ̀ gblɔ̃ na wò be: 'Èwò ye la nyì Izràɛl, dùkɔ̃ nyèa, eye èwò ye la nyi èfìɔ lè Izràɛl.'” 3Izràɛl dùkɔ̃a be àmèsĩsĩwo keŋu va èfìɔa gbɔ, lè Hebrɔ̀n, eye èfìɔ David ɖùzò ku wo, lè Hebrɔ̀n, lè Tɔhonɔ̀ be ŋùkɔ̀, eye wo do àmì èta na David, sɔ ɖo è èfìɔ ɖo Izràɛl dùkɔ̃a nu. 4David ɖo èpè ègbã, wàlɛbɛ kè be trɔ zũ èfìɔa. E ɖùfìɔ èpè èkà. 5Wàlɛbɛ kè David nɔ̀ Hebrɔ̀n be èdùa mèa, e ɖùfìɔ, lè Yudà-nyigbã ji, èpè adrɛ̃ ku wètri àdɛ̃, eye wàlɛbɛ kè be nɔ̀ Yèruzàlɛm be èdùa mèa, e ɖùfìɔ lè Izràɛl-nyigbãa ku Yudà-nyigbã bliboa ji, èpè ègbã vɔ ètɔ̀#5.5 Kpɔ 1Èfìɔ 2.11; 1Kro 3.4; 29.27.

David xɔ̀ Yèruzàlɛm be èdùa

(1Kro 11.4-9; 14.1-2)

6Èfìɔa ku yebe àmèwo zɔ̃ ɖo Yèruzàlɛm be èdùa ji, yì kpã ŋùkɔ̀ Yebuzitɔ kèwo lè ànyigbãa jiawo#5.6 Kpɔ Yos 15:63; Koj 1:21. Yebuzitɔawo gblɔ̃ na David be: “Mì mu la ɖo àfɔ̀ èdù kèa mè, ne mì mu kpe àkɔ ku ŋùvìnɔ̀wo kudo kpòtɛ̃wo, ɖù woa ji, gbɔ̀xue ò!” Ekèa gɔ̃mè ye nyi: “David mu la ɖo àfɔ̀ èdùa mè, fikèa ò!” 7Gãkea, David xɔ̀ Ziɔ̀n be àgbògbòa. E yomè a, wo va ɖo nyikɔ na èdùa be: “David be Èdù”.

8Gbè ŋua gbèa, David gblɔ̃ be: “Ne àmè ɖe jro la ɖù Yebuzitɔwo jia, àmèa ɖo la to ègũ mè be èsì-mɔa, ne bèa teŋu ɖo woa gbɔ. Vɔ̀a David yaa, e crì ŋùvìnɔ̀awo ku kpòtɛ̃awo.” Ekèa ŋuti ye wo gblɔ̃nà be: “Ŋùvìnɔ̀wo ku kpòtɛ̃wo mu la ɖo Tɔhonɔ̀ be àxuea mè ò.”

9David va ci àgbògbòa mè, eye be yɔ ɛ̀ be: “David be Èdù.” Ekèa yomè a, e na, wo tù èxɔ̀ buwo trɔ do, na gbãdãgbãwo ɖo yebe nɔ̀pea ku Milò be èkpe gbàjàa dòmè 10David gbà le kpɔ ŋusɛ̃ ɖo e ji kpe è, ɖoa, Tɔhonɔ̀ ŋusɛ̃kpatatɔa, lè ku ì.

11Èfìɔ Hiràm, Tirò be èfìɔa dɔ̃ àmè ɖoɖa David, wo sɔ sedàtiwo kpe ɖo èxɔ̀-ti dɔwɔ̀tɔwo ku èkpe-kpàtɔwo ŋuti, eye wo va tù èfìɔsa na David. 12Eye David sè e mè be Tɔhonɔ̀ ŋutɔ ye ɖo yè èfìɔ ɖo Izràɛl-nyigbã ji, eye be na kɛ̃klɛ̃ yèbe èfìɔɖùɖu, ɖoa, Izràɛl-dùkɔ̃a nyi Tɔhonɔ̀ be dùkɔ̃.

Wo jì èviwo na David, lè Yèruzàlɛm

(1Kro 3.5-9; 14.3-7)

13Ekè David so Hebrɔ̀n va Yèruzàlɛm-dùa mèa, e gbà jè àzìãviwo, eye be gbà ɖè nyɔ̃nùwo, eye wo gbà jì ŋusùviwo ku nyɔ̃nùviwo na ɛ̀. 14Èvi kèwo wo ji na David, lè Yèruzàlɛm nyigbã jia be nyikɔwo ye nyi Ekèa: Samùa, Sobab, Natàn ku Salomɔ̀n. 15Yibar, Elisùa, Nefɛg kudo Yafìa. 16Elisamà, Eliadà#5.16 Kpɔ 1Kro 14.7 gbàkudo Elifelɛt

David ɖù Filistìtɔwo ji

17Ekè Filistìtɔwo sè be wo do àmì èta na David, sɔ ɖo èfìɔ ɖo Izràɛl nua, Filistìtɔwo keŋu jè ègbe, be yèwoa yì le David. Ekè David sè èa, e ɖì va yì àgbògbòa mè. 18Filistìtɔwo va, eye wo kãkã ɖo bàlìa mè, lè Refai-nyigbã ji. 19David biɔ Tɔhonɔ̀ be: “Mù teŋu ɖì, yì kpe àhùa ku Filistìtɔwoa? Ne mù yìa ɖe, wò la sɔ wo do àsi na mù a?” Tɔhonɔ̀ ɖo e ŋuti na David be: “Ɛ̃ɛ, yì. Mù la sɔ Filistìtɔwo do àsi na wò.”

20Ekè David va ɖo Baal-Peracima, e ɖù Filistìtɔwo ji, eye be gblɔ̃ be: “Tɔhonɔ̀ hũ èmɔ̃ na mù lè èkɛ̃tɔ nyèwo dòmè, sìgbè àlekè ètɔ̀ sɛ̃sɛ̃ hũnà èmɔ̃ ɖo àkpã mèa nène.” Ekèa ŋuti, wo ɖo nyikɔ na tèpe kèa be Baal-Perasim, kè gɔ̃mè ye nyi 'Èglì fɛ̃fɛ̃wo be èga.' 21Filistìtɔwo si gble woabe legbaviwo ɖo funua, eye David be àmèwo fɔ̀ wo jo.

22Filistìtɔwo gbà va kãkã ɖo bàlìa mè, lè Refai-nyigbã ji, gà bu mè ke. 23David gbà biɔ Tɔhonɔ̀ ke, vɔ̀a, Tɔhonɔ̀ ɖo e ŋuti na ɛ̀ be: “Wò mu la kpã ŋùkɔ̀ wo ò. Trɔ yì ŋùgbedòmè na wo, eye wòa zɔ̃ ɖo woa ji, so àti sɛ̃ŋuawo be àvea be ŋùkɔ̀. 24Ne wo sè àfɔ̀ zɔ̃zɔ̃ ɖì lè àtiawo tamèa, wòa wɔ̀ kaba, ɖoa, wàlɛbɛ ŋua ye Tɔhonɔ̀ la jè ŋùkɔ̀, la pò Filistìtɔwo be àhùakɔ̃a na wò.” 25David zɔ̃ ɖo Tɔhonɔ̀ be ègbèa ji, eye be ɖù Filistìtɔwo ji, so Gebà, kaka sɔ yì Gezɛ̀r.

Currently Selected:

2Samuɛl 5: GEN

Highlight

Copy

Compare