1Samuɛl 7
7
1Kirìat-Yearimtɔwo va kɔ Tɔhonɔ̀ be Zòɖùɖu-Ɖakà a jo, eye wo sɔ ɛ̀ yì ɖo ètokɔ̃ɛ̃ ɖe ji. E yomè a, wo kɔ̀ Eleazàr, Abinadab be èvi ŋuti, ne bèa kpɔ Tɔhonɔ̀ be àɖakàa ji.
Samuɛl trɔ zũ kòjoɖotɔ
2So wàlɛbɛ kè wo sɔ Tɔhonɔ̀ be Zòɖùɖu-Ɖakà a va yì ɖo Kirìat-Yearima, àzã sùgbɔ va yì. Lè èpè èwì yomè a, Izràɛlviwo keŋu gbà va le fã yɔ Tɔhonɔ̀. 3Ekèa ŋutia, Samuɛl gblɔ̃ na Izràɛlviwo keŋu be: “Ne mì le trɔ gbɔ̀ va Tɔhonɔ̀ gbɔ ku mìabe èjì blibo ye à, eŋuã, mì tɔtè Àstartè be èkpe tatawo ku èdù bu mètɔwo be vòduwo sɛ̃sɛ̃. Mì tɛ ɖo Tɔhonɔ̀ ŋuti goŋu-goŋu, ne mìa sɛ̃ ye ɖèka kpò. Nène a, e la xɔ̀ mì lè Filistìtɔwo be ŋusɛ̃ si.” 4Izràɛlviwo trɔ lè vòdu Baal ku Astartèwo be legbawo yomè, eye wo le sumɔ Tɔhonɔ̀ ɖèɖe kpò. 5Samuɛl gblɔ̃ na wo be: “Dùkɔ̃a kpata ne va bɔ̀ ɖo Mispà, ne ma ɖè kuku na Tɔhonɔ̀ ɖo mìa ta.” 6Izràɛlviwo be dùkɔ̃a kpata va bɔ̀ ɖo Mispà. Wo kù èsì kɔ̀ ɖo ànyigbã, lè Tɔhonɔ̀ be ŋùkɔ̀, eye wo blanu gbè ŋua gbè. Mɛmlɛ̃nua, wo hũ woabe èvuɛ̃wo mè be: “Mi wɔ̀ ènuvuɛ̃ ɖo Tɔhonɔ̀ ŋuti!” Mispà funua ye Samuɛl trɔ zũ Izràɛlviwo be ŋùkɔ̀nɔ̀tɔ lè.
7Ekè Filistìtɔwo sè be Izràɛlviwo bɔ̀ ɖo Mispàa, woabe ŋùkɔ̀nɔ̀tɔ àtɔ̃awo sitè be yèwoa yì kpe àhùa ku wo. Kè Izràɛlviwo sè ènyà kèa, vɔ̃vɔ̃ ɖo wo 8Izràɛlviwo gblɔ̃ na Samuɛl be: “Mù gbà gble mi ɖɛ ò! Mù gbà tɔtè kuku ɖèɖe na Tɔhonɔ̀, miabe Mawu a, ɖo mia ta, ne bèa hlùɛ̃ mi gã so Filistìtɔwo si ò!” 9Samuɛl le àlɛ̃vi fɛ̃-èfɛ̃ ɖe, eye be sɔ wɔ̀ vɔsa mème blibo na Tɔhonɔ̀. Samuɛl fãkue yɔ Tɔhonɔ̀, eye Tɔhonɔ̀ xɔ̀ yebe kuefãa. 10Wàlɛbɛ kè Samuɛl le wɔ̀ ènumème vɔsaa, Filistìtɔwo dɔ̃ gogo Izràɛlviwo ne woa ɖè àhùa kpe na wo. Vɔ̀a, Tɔhonɔ̀ ɖè ègbè sɛ̃sɛ̃ ɖe, sìgbè èji ɖègbè nène. Ekèa na be Filistìtɔwo be àhùakɔ̃a titɔ, eye Izràɛlviwo ɖù woa ji. 11Izràɛlviwo to lè Mispà be èdùa mè, eye wo nyà Filistìtɔwo ɖo èdù nu kaka yì ɖo Bɛt-Kar be ètoa gɔ̃mè, eye wo ɖù Filistìtɔwo ji keŋu-keŋu. 12Samuɛl sɔ èkpe de, eye be li ì ɖo Mispà ku Sɛn be èdùa dòmè. E yɔ tèpe kèa be Ebɛn-Ezɛr, kè gɔ̃mè ye nyi: “Xɔ̀ na àmè be Èkpe” ɖoa, e gblɔ̃ be: “Tɔhonɔ̀ xɔ̀ na mi kaka va ɖo fikèa!”
13Àhùa kèa ɖè Filistìtɔwo kpɔ̀tɔ̀, àleke be wo mu gbà zɔ̃nà ɖo Izràɛlviwo be ànyigbã ji ò. Lè Samuɛl be àgbè ŋùkèkèwo keŋu mèa, Tɔhonɔ̀ ɖè yebe ŋusɛ̃ fiɔ Filistìtɔwo, eye wo mu gbà jina, la va xɔ̀ Izràɛlviwo be ànyigbãwo ò. 14Izràɛlviwo gbìgbɔ̀ xɔ̀ ànyigbã ku èdù kèwo Filistìtɔwo xɔ̀ lè woa si, so Ekrɔ̀n, kaka va kɔ̀ ɖo Gat be ànyigbã jia. Izràɛlviwo xɔ̀ Filistìtɔwo be ànyigbã ŋutɔ cã, eye ŋuti fàfa va Izràɛlviwo ku Àmorìtɔwo dòmè.
15Samuɛl nyi Izràɛlviwo be èga àlo kòjoɖotɔ, lè yebe àgbè be ŋùkèkèwo keŋu mè. 16Èpè sia èpèa, Samuɛl sãnà to Betɛ̀l, Gilgàl, ku Mispà be ènutowo mè, eye be ɖona kòjo lè èdù ŋuawo mè. 17E yomè a, e trɔna yìnà àxue, lè Ramà, àfi kè be gbà ɖona kòjo na Izràɛlviwo lè. Funua ye be tù vɔsakpe ɖo na Tɔhonɔ̀.
Currently Selected:
1Samuɛl 7: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
