1Samuɛl 5
5
Filistìtɔwo ɖo àsi zòɖùɖu-ɖakà a ji
1Ekè Filistìtɔwo xɔ̀ Mawu be Zòɖùɖu-Ɖakà a. Wo kɔ ɛ̀ so Ebɛn-Ezer nyigbã ji, yì woabe Asdɔ̀d be èdùa mè. 2Filistìtɔwo sɔ Mawu be Zòɖùɖu-Ɖakà a yì ɖo woabe vòdu kè wo yɔna be Dagɔ̀n-vòdua be èxɔ̀ mè, eye wo sɔ ɛ̀ ɖo Dagɔ̀n be àxàda mè. 3Ekè èŋù kèa, Asdɔ̀dtɔwo yì vòdu-xɔa mè. Wo kpɔ be yèwo be vòdu Dagɔnà mù cɔ̃ ànyi lè àkɔ mè na Tɔhonɔ̀ be Zòɖùɖu-Ɖakà a. Èdùa mètɔ fɔ̃ woabe vòdu Dagɔnà ɖotè, eye wo gbìgbɔ̀ sɔ ɛ̀ ɖo ye tèpe. 4Ekè èŋù gbà kèa, kpɔɖa, woabe vòdua gbà cɔ̃ ŋùmè ànyi ɖo Tɔhonɔ̀ be àɖakàa be ŋùkɔ̀ ke. Dagɔ̀n be èta ku àlɔ̀ èvèawo sò, va lè èxɔ̀a mɔnu, eye yebe kpòti mlìgòa kpò ye kpɔ̀tɔ̀. 5Ekèa ŋuti ye Dagɔ̀n be hũbonɔwo ku àmè kèwo kpata ɖona Dagɔ̀n be èxɔ̀ mè, lè Asdɔ̀d be èdùa mèawo mu ɖona àfɔ̀ Dagɔ̀n be èxɔ̀a be kpoku ji ò.
6Tɔhonɔ̀ sɔ àlɔ̀ sɛ̃sɛ̃ le Asdɔ̀dtɔwo, e do vevesèse na wo, eye be gble ènu lè woa dòmè. E na ènu tɛ̃ Asdɔ̀dtɔwo ku àmè kèwo lè èdùa be nutowo mèa. 7Ekè Asdɔ̀dtɔwo kpɔ ènu kèwo ye le jɔ̀ ɖo woa jia, wo gblɔ̃ be: “Izràɛl be Mawu be Zòɖùɖu-Ɖakà a mu gbà nɔ̀ mia gbɔ ò, ɖoa, e le na be Izràɛl be Mawu a be àlɔ̀ le pò mi sɛ̃sɛ̃ ɖe wunu, vɔ̀a, gbà le pò Dagɔ̀n, miabe vòdua cã.”
8Ekèa ŋutia, Filistìtɔwo dɔ̃, wo yɔ woabe àgbònùglawo keŋu va bɔ̀. Wo biɔ wo be: “Leke ye mi la wɔ̀ Izràɛlviwo be Mawu a be Zòɖùɖu-Ɖakà a ɖo ò?” Àgbònùglawo ɖo e ŋuti be: “Mì kɔ ɛ̀ yì Gat be èdùa mè.” Ekèa yomè a, wo kɔ Mawu be Zòɖùɖu-Ɖakà a yì Gat. 9Vɔ̀a, wàlɛbɛ kè Tɔhonɔ̀ be Zòɖùɖu-Ɖakà a gbe ɖo èdùa mè kpòa, Tɔhonɔ̀ ɖè yebe ŋusɛ̃ fiɔ èdùa mètɔwo. Vɔ̃vɔ̃ gã ɖe jè woa ji, so ɖèviwo ji kaka va àmègãxowo ji, ekè Tɔhonɔ̀ sɔ kòko be ènutɛ̃tɛ̃ pò woa kpataa. 10Èdùa mètɔwo gbà kɔ Mawu be àɖakàa, kpàtà kpàtà, ɖoɖa Ekrɔ̀n. Vɔ̀a, ekè Mawu be àɖakàa gbe ɖo èdùa mè kpòa, Ekrɔ̀ntɔwo tɔ àpa ji be: “Wo kɔkɔ Izràɛl be Mawu a be Zòɖùɖu-Ɖakà a ɖo èdùa mè be mia kpata mia ku!”
11Ekrɔ̀ntɔwo cã dɔ̃, wo yɔ Filistìtɔwo be àgbònùglawo keŋu bɔ̀, eye wo gblɔ̃ na wo be: “Mì trɔ Izràɛlviwo be Mawu be Zòɖùɖu-Ɖakà a ɖoɖa e tèpe, ne mu nyi nène òa, mìa ku mìabe dùkɔ̃a keŋu, mì la ku!” Nyàwo ye be nyi be vɔ̃vɔ̃ gã ɖe jè Ekrɔ̀n be èdùa mètɔwo kpata ji, ɖoa, Tɔhonɔ̀ gbà ɖè yebe ŋusɛ̃ gãa fiɔ lè funua cã. 12Àmè kèwo mu le ku òa, ènu le tɛ̃ ŋuti kpata na wo, eye woabe vevesèse be àbòbo le yì kaka jiŋùkusi.
Currently Selected:
1Samuɛl 5: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
