1Samuɛl 21
21
1Ekèa yomè a, David jè èmɔ, eye be jo. Yonatàn ya trɔ yì èdùa mè.
David yì ɖo Nɔb be èdùa mè
2David yì ɖo Nɔb be èdùa mè, lè hũbonɔ Ahimèlɛk gbɔ. Ahimèlɛk sɔ vɔ̃vɔ̃ va dogò David, eye be biɔ David be: “Nukɛ ye jɔ̀, eye wò ɖèka, wò va, kè àmè ɖekpe mu kplò wò do ò?” 3David ɖo e ŋuti na hũbonɔ Ahimèlɛk be: “Èfìɔa dɔ̃ mù, eye be gblɔ̃ be: 'Àmè ɖekpe mu ɖo la nya ènyà ɖe so èdɔ kè mù do àsi na wòa ŋuti ò.' Ènu kèa ŋuti ye mù ɖo tèpe ɖe kè ŋutime nyèwo la va dogò mù lè. 4Vɔ̀a, ènu ɖùɖu kɛ ye lè àsi wò ò? Na mù kpɔ̃nɔ àtɔ̃, àlo, ènu ɖùɖu ɖekpekpe kè wò la kpɔa.” 5Hũbonɔa ɖo e ŋuti na David be: “Kpɔ̃nɔ gbalo mu lè àsi nyè ò, vɔ̀a kpɔ̃nɔ kè ŋuti wo kɔ̀ vɔ̀a ye lè. Nyè mu la teŋu na wò, ne ŋutime wòawo do àsi nyɔ̃nù ŋuti ŋùkèkè kèawo mè ò.” 6David ɖo e ŋuti na hũbonɔa be: “Nyàwo be nyi be wo dona èkɔ̀ kèa na mi, ne mi la gbe jè èmɔ, yì àhùagbe ji kpòa. Eye wo kɔ̀nà ŋutime nyèwo be ŋutinuwo ŋuti, gbɔ̀xue, mi jènà èmɔ. Ne egbè be èmɔzɔ̃zɔ̃ nyi ŋutilã mè tɔ̀ ŋutɔ cã a, ekè wo kɔ̀ miabe àhùawɔ̀nuawo ŋutia, àhùawɔ̀nu kèawo le kɔ̀ èmɔzɔ̃zɔ̃a ŋuti.” 7Ekèa yomè a, hũbonɔa sɔ kpɔ̃nɔ kè ŋuti wo kɔ̀a do àsi na David, ɖoa, kpɔ̃nɔ bu mu gbà lè hũbonɔa si, tovò na eŋuãwo ò. Kpɔ̃nɔ kèawo ye wo fɔ̀ lè Tɔhonɔ̀ be èkplɔ̃a ji, ne woa sɔ ekèwo jèzòa, ɖo woa tèpe.
8Gbè ŋua gbèa, wo zĩ Saolò be sumɔ̃vi ɖèka ɖo Tɔhonɔ̀ be ŋùkɔ̀, ne bèa wɔ̀ èkɔ̀nu ɖewo. Yebe nyikɔ ye nyi Doɛg. E nyi Edɔ̀mvi, eye be nyi Saolò be àlɛ̃kplɔ̀tɔwo be àmègã.
9David biɔ Ahimèlɛk be: “Èhuã àlo èwui ɖe lè àsi wò, lè fikèa? Èfìɔ be èdɔ kè gbe be dɔ̃ mù ɖoɖaa lè veveɖe, àleke be, ekè mù nɔ̀ kplàkplà ji gbɔ̀xue joa, nyè mu sɔ èwui, àlo àhùawɔ̀nu nyèwo ò.” 10Hũbonɔa ɖo e ŋuti be: “Gòliat, Filistì ŋusù kè wò wù lè logòti be bàlìa mèa be èwuia ye lè. Wo bla ɛ̀ ɖo àwùgã ɖe mè, lè àwù kɔ̀kɔawo godo. Ne wò jro be yèa sɔ ɛ̀a, wò teŋu sɔ ɛ̀ fàa, ɖoa, èbu mu lè fikèa ò”. David gblɔ̃ be: “Yebe èvè mu lè ò. Sɔ ɛ̀ na mù.”
David yì Filistìtɔwo gbɔ
11Gbè ŋua gbèa, David jè èmɔ, le si lè Saolò nu. E yì ɖo Gat lè Àkis be èfìɔa gbɔ. 12Àkis be ŋutimewo biɔ èfìɔa be: “Mu nyi David, ànyigbã kèa be èfìɔ ye nyi ekèa òa? Mu nyi e ye nyɔ̃nùwo jìhà na, eye wo le ɖuwè, gblɔ̃ be: 'Saolò wù gbãdãgbã èkà wìvɔ àtɔ̃, eye David ya wù gbãdãgbã èkà wìvɔ àtɔ̃ èwo-èwowoa?'”
13Ènyà kèa wɔ̀dɔ ɖo David ji, eye be vɔ̃ Àkis, Gat be èfìɔa ŋutɔ. 14Ekèa na be David wɔ̀ sìgbè èta gbɔ le gble na ɛ̀ nène, lè Filistìtɔwo be ŋùmè. E tɔ fùflù lè woa si mè, le tè èflìwo ɖo hɔ̃tru ku àgbowo ŋuti, eye be le kɔ̀ àde ɖo ègɛ̃ mè. 15Àkis gblɔ̃ na yebe ŋutimewo be: “Mìawo ŋutɔwo mì kpɔ be àmèa le jè àɖàhùa! Nukɛ ŋuti mì kplɔ̀ ɛ̀ va na mù ɖo ò? 16Àɖàhùatɔ ye le hiã mù, ŋuti ye mì kplɔ̀ àmè kèa va be, ne va wɔ̀ àɖàhùa-nu lè ŋùkɔ̀ na mù a? Àmè kèa la ɖo àxue nyè mèa?”
Currently Selected:
1Samuɛl 21: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
