1Màkàbeòwo 8
8
Kafu na Romàtɔwo
1Yudà sè Romàtɔwo be nyikɔ, be wo nyi àhùwɔ̀tɔ kàlĩwo, wo kɔ̀nà àdɔ̀mè ɖo àmè kèwo kpata va nɔ̀nà woa jia. Wo jènà èxlɔ̃ àmè kèwo kpata gogona woa, eye wo nyi àhùawɔ̀tɔ kàlĩwo. 2Wo pò nupo so àhùa kè Romatɔwo wɔ̀ va yìawo ŋuti na ɛ̀, eye wo gblɔ̃ kàlĩnu kèwo wo wɔ̀ lè Galatiatɔwo gbɔa na ɛ̀. Wo gblɔ̃ leke wo ɖù Gàlatìatɔwo ji ɖo, eye wo zĩ woa ji, be wo ne nɔ tu ètacia, àlo, àmlɔ̃kɔɛa na ɛ̀. 3Wo gbà gblɔ̃ ènu kèwo keŋu wo wɔ̀ lè Ɛspania-nyigbã be ènutomè, sɔ ɖo àlɔ̀ àfi kè wo kùna klòsalò ku sìka lè ègũmè lè, lè funua ji. 4Wo gbà gblɔ̃ leke wo bi ɖo, dona veve ènu, sɔ ɖo àlɔ̀ ànyigbã kèa ji, ɖoa, lè nyàwo toto mèa, funua dìdì so woa de gbɔ ŋutɔ. Èfìɔ kèwo so ànyigbãa be nukpòpewo va kpe àhùa ku woa, glì wo do, eye be nyi àfɔ̀ku gã ɖe na wo. Romàtɔwo teŋu ɖù woa ji, eye woabe èdùwo ɖo ètaci tuna na Romàtɔwo èpè sia èpè. 5Mɛmlɛ̃nua, wo ɖù Fìlipò, Kitìtɔwo be èfìɔa ku èvia Perseo ji. Àmè kèawo sitè ɖo woa ŋuti, vɔ̀a, wo bɔ̀bɔ wo ɖo ànyi, eye wo va lè Romàtɔwo gɔ̃mè. 6Ãtiokus Gãa, Azìa be èfìɔa, sitè ɖo woa ŋuti, va kpe àkɔ ku wo. E sɔ àtiglinyi èkà ètɔ̃, àhùakɔ̃ àfɔ̀zɔ̃tɔwo, àhùakèkeviwo ku àhùakɔ̃dù blibo gãa ɖe. Gãkea, Romàtɔwo ɖù woa ji. 7Wo le è àgbè-àgbè eye wo zĩ ye ŋutɔ ku àmè kèwo jè e yomèa be wo la nɔ tu èfɛ̃ gã ɖe, lè àzã ɖe ji tututu; wo la gbà trɔ àwòba-mèwo cã na. 8Wo xɔ̀ India be èdùa, Midia, Lidia ku yebe èdù be nutomè nyuɛ̃tɔ ɖewo lè e si, na èfìɔ Emène. 9Grɛse-nyigbã a jitɔwo ɖo è be yèwo a yì crɔ̃ wo. 10Kè Romàtɔwo sè ènyà kèa, wo dɔ̃ àhùaga ɖèka kpò ɖo woa ŋuti. Wo wɔ̀ àhùa ku wo, eye lè Grɛsetɔwo dòmèa, àmè sùgbɔ ci àhùa. Wo kplɔ̀ woa srɔ̃wo ku woabe èviwo jo àhùalewo. Romatɔwo hlà woabe àdɔ̀kùnuwo, eye woabe èdua ci Romàtɔwo gɔ̃mè? Wo gbã woabe àgbògbòwo, eye wo sɔ wo wɔ̀ kluviwo, kakaka va na egbè. 11Romàtɔwo gbã èfìɔdu bu ku àpùdòmèkɔ̃ɛ kewo kpe àkɔ ku woa, eye wo sɔ wo wɔ̀ kluviwo, 12vɔ̀a, wo lena èxlɔ̃ be èkàdodo ɖo àsi ku àmè kèwo gba ɖo woa ŋutia. Wo na èfìɔ kèwo gogo wo, àlo, kèwo lè àzɔ̀ge na woawo bɔ̀bɔ̀ woa ɖokoewo ɖo woa gɔ̃mè, eye àmè kèwo kpata sènà woabe nyikɔa vɔ̃na wo. 13Amè kèwo Romàtɔwo kpɔ be wo jè la ɖùfìɔa, àmè ŋuawo ye ɖùnàfìɔ, eye wo xɔ̀nà Romàtɔwo be àlɔ̀do. Vɔ̀a, àmè kpɔ̀tɛawoa, wo ɖènà wo jo. Romàtɔwo lè èsɔ ji na woabe ŋusɛ̃a. 14Romàtɔwo lè lekea gãkea, woa dòmètɔ ɖekpe mu cɔ̃ èfìɔ-kuku na ye ɖokoe, àlo, ɖo èfìɔ-wù jɛ̃ na ye ɖokoe kpɔ, ne be asɔ kɔkɔ ye ɖokoe yìji ò. 15Wo ɖo èsewɔ̀pe kè mè àgbònùgla èkà ènyi bɔ̀nà lè, gbè sia gbè, ɖènà àɖàŋù gà sia gàmè, so dùkɔ̃a be ènyàwo ŋuti, àleke be ènuwo ne zɔ̃ nyuɛ̃ ɖe, ɖo woabe dɛ nu. 16Epè sia èpèa, wo sɔna èdùa ji ɖùɖu dona àsi na ŋusù ɖèka pɛ, àmè kè la kpà àcɛ̃ na woa kpataa, ku woabe àfìɔɖùpea, kudo èdù kèwo ji woabe èfìɔɖùɖu lèawo, eye àmè sia àmè sènà ètonu na ye ɖèka, kè ŋùbìa, àlo ŋuhuã ɖekpe mu nɔ̀nà ànyi ò a.
Yudàtɔwo ca èkà ku Romàtɔwo
17Yudà cã Epolɛm, Yòhanɛ̀s be èvi; Yòhanɛ̀s ŋutɔ nyi Akos be èvi, ku Yazɔ̀n, Eleazar be èvi, eye be dɔ̃ wo yì Romà, ne wo ale ègbè ɖodu, sɔ bla ènu na èxlɔ̃wɔ̀wɔ be èzòɖùɖu. 18Ekèa be èta ɖo ji-nu ye nyi be wo ne ɖè woabe èkɔ̀kùtia jo, ɖoa wo kpɔ be Grɛkwo be èfìɔɖùpea le zĩ Izràɛlviwo ɖo kluvi nyinyi mè. 19Wo so, jè èmɔ̃, tùtà Romà. Emɔ̃a dìdì ŋutɔ, eye kè wo gɛ̃ ɖo èsewɔ̀pea mèa, wo kè ènu gblɔ̃ be: 20“Yudà Màkàbeo, nɔ̀viawo ku Yudàtɔwo be dùkɔ̃a, dɔ̃ mi ɖoɖa mìa gbɔ, ne mi a do zòɖùɖu ku ŋutifafa be ènu ku mì, ne mì axɔ̀ mi ɖo mìabe èzòɖù-xlɔ̃wo ku èhadotɔwo dòmè.”
21Enyà kèa jè ŋùmè na èsewɔ̀pea mè nɔ̀tɔwo. 22Enyà kè wo ŋlɔ̃ ɖo àkɔblì gbàjà ji, sɔ ɖoɖa Yèruzàlɛ̀m, ne be anyi ŋutifafa ku èzòɖùɖu be ŋùkuɖoji-nua ye nyi ekèa:
23“Ɖàgbè ne ɖì na Romàtɔwo ku Yudàtɔwo be èdùa lè àpù ji, lè ànyigbã ji, kaka sɔ yì! Ewui ku èkɛ̃tɔ ne to woa ŋuti va yì. 24Vɔ̀a, ne àhùa ɖe do ŋùmè ɖoɖa Romà gbɔ cucugbãa, àlo, ɖoɖa yebe èdù ɖe kè be lè èkàdodo mè kua gbɔ, le àfi ɖekpe àfi kè Romà be àcɛ̀ yìàa, 25Yudàtɔwo be dùkɔ̃a la wɔ̀ àhùa ɖodu ku Romà, kudo èjì blibo, sɔ zɔ̃ ɖo leke gà ŋua mè be èhìãwo le ɖè è fiɔ ɖoa nu. 26Sìgbè leke Romà be èdùa ɖo è ɖoa nènea, wo mu la sɔ èlù, àlo àhùawɔ̀nu, àlo, èci, àlo, àpùjihũwo asɔ na, àlo, asɔ do na àmè kèwo wo kpe àhùaa ku ò, eye Romà ku Yudàtɔwo la wɔ̀ ɖo àjɔ̀gbè kè wo fìãa ji, àjɔ̀ mà-xɔ̀. 27Nènea ke, ne àhùa va tù Yudàtɔwo be èdùa cucugbãaa, Romàtɔwo la wɔ̀ àhùa ɖodu ku Yudàtɔwo be èdùa, ku woabe ètù blibo, sɔ zɔ̃ ɖo leke gà ŋua mè be èhìãwo le ɖè è fiɔ ɖoa nu. 28Sìgbè leke Romà be èdùa ɖo è ɖoa nènea, wo mu la sɔ èlù, àlo àhùawɔ̀nu, àlo, èci, àlo, àpùjihũwo asɔ na, àlo, asɔ do na àmè kèwo wo kpe àhùaa ku ò, eye Romà ku Yudàtɔwo la wɔ̀ ɖo àjɔ̀gbè kè wo fìãa ji àjɔ̀ mà-xɔ̀, ku ànùkuaɖe. 29Enyà kèawo ye Romatɔwo sɔ wɔ̀ ègbè ɖoɖu ku Yudàtɔwo be dùkɔ̃a. 30Ne, èsɔ̀ godoa, àmè kèawo gbà ɖo ègbè-du be yèwo asɔ ènu ɖe sɔ kpe è, àlo, be yèwo aɖè ènu ɖe to lè e mèa, wo la wɔ̀ ɛ lè woabe èjronu, eye ènu sɔ kpe è, àlo, ènu ɖè to lè e mèa la nɔ̀ wɔ̀wɔ ɖo jɔ̀jɔ̀ɛ ji. 31Sɔ kù ɖo ènudrã kèwo èfìɔ Demètrio wɔ̀, sɔ le tɛ Yudàtɔwo ɖo ànyia ŋutia, mi ŋlɔ̃ xoma ɖoɖa ɛ̀, ku ènyà keawo be: 'Nukɛ ŋuti wò le na àpo èkɔ̀ga le kpɛ̃ ɖo Yudàtɔ kèwo ye le nyi mia èxlɔ̃ kèwo mi lè èkàdodo mè kuawo ji ɖo ò? 32Ne wo gbà dohùɛ̃ do wò kea, mi la nɔ̀ woa ji, eye mi la wɔ̀ àhùa ku wò, lè àpù ji, ku lè ànyigbã ji.'”
Currently Selected:
1Màkàbeòwo 8: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.