Matthieu 28
28
Yeesu fìkititam
(Kpèè Maar 16.1-8, Luuki 24.1-12, Yoow 20.1-10)
1 Ŋwiŋŋuŋfikaa jítì ku wúntì kɔɔsil ntaafaabɔmbɔminee, Maarii un sá Magidalaa tiŋkinee, nì Maarii un kíǹee#28.1 Kpèè 27.56. cūtì kí kpèè dikaakul. 2Kpalaayee kitiŋ cīŋkì tikpil, ní Unimbɔti tuuŋŋu ŋubɔ nyánní yilpu ki dɔ́miń ki cúú ditaŋkpakpaandee ki bíntì ní ki kāl̀ di-pu. 3U nìn jìl̀ kii ntaaŋmɔŋmɔee, ní u-wampeeŋkaati pīiǹ káŋkaŋ. 4Soojab nín wál̀-uee, ní bi fāŋkì tikpil, bi-wunti bíi jìkì ní bi fìkī. 5Ní Unimbɔti tuuŋŋuee bí binimpoobee yii: «Nimbi taa fàŋkìmaan! M nyí ni nín nyàab̀ Yeesu un bi kpáá ndɔpuntikaa puee. 6Waa bí doo, u fīkitì, kii u nín nìn pée lī puee. Dāan̄ kí kpèèmaan laakin u nìn dɔ̄ee, 7kí nīn cámaan malaa, kí tùkù u-boonnooliibi yii u fīkitì ditaŋkpiilin. U làá lìntī kí cù Galiilee#28.7 Kpèè 26.32., niin ní ni làá tin ká-u. Tin m cáá kí tùkù-nee dee.»
8Niinee ní bíǹ búntì malaa, tifaandi nì dipɔɔpiŋkpaandi kɔkɔ ŋmàl̄, ki sáń ki cá kí cáá dinyɔɔbundee kí tùkù Yeesu boonnooliibi. 9Niin kpalaa ní Yeesu tú-bi nsan ní ki jáam̀-bi, ní bi sútì ki pìl̄-u ní ki tātìi gbāaǹ u-taaŋi taapu ki jáam̀-u. 10Ní Yeesu bí-bi yii: «Taa fàŋkìmaan! Cù kí tùkùmaan m-nabiyaamu yii bí nīn cá Galiilee. Niin ní bi làá tin ká-mi.»
Soojab máafì tin bi kée
11Ŋyunti ŋun binimpoobee dáá bí nsanni ki cée, ní soojab bin nìn cí dikaakulee biba cūtì kitiŋin ki máafì bisaraaŋakpilib tin jítèe kɔkɔ. 12Ní bíǹ kpáfì Juuda yab tindaŋkpilib ki sòon̄ ki gbìlīǹ tɔb, ní ki nyàab̄ kunimbigbaau ki ŋéeb́ soojab nyɔmmu, 13ní ki tùkū-bi yii: «Ní lì yii, kunyeeu timbi dɔ̄ ki gèeǹee, ní u-boonnooliibi dɔ́miń ki yùn̄ u-wunti#28.13 Dūú ŋmàntī nì 27.64.. 14Báà gɔmina yaa gbìl̄aaa, timbi làá sɔ̀kɔl̀-u kí nyāntí-ni tibɔtin.» 15Ní soojab fōō animbil, ní ki ŋá bi nín bí bí ŋá puee. Ní an bɔtee gbītì Juuda yab kansikin ki dāa sāā díǹ.
Yeesu boonnooliibi ká-u
(Kpèè Maar 16.14-18, Luuki 24.36-49, Yoow 20.19-23)
16Yeesu boonnooliibi saalaa nì ubɔee búntì Galiilee gbantaŋki kiba pu, laakin Yeesu nìn bí bí kíntí-uee#28.16 Kpèè 26.32.. 17Bi nín ká-uee, ní bi gbāaǹ ki jáam̀-u, ama nì míǹ kɔkɔee, bi-kansikin biba nìn dàkafī mili mili. 18Ní Yeesu sútìń ki sòon̄ nì bi, yii: «M fōō yilpu nì taapu kɔkɔ pu mpɔn. 19Míǹ puee, nín̄ cámaan atimbun kɔkɔ nib cee kí dū-bi kí kpántí m-boonnooliibi#28.19 Dūú ŋmàntī nì Atuun 1.8., kí fàl̀-bi Unimbɔti nyim, Ubaati, nì man u-Jipɔɔn nì Circir Fam yindi pu. 20Ní dàkà-bi bí nīn ŋúb́ tin kɔkɔ m tīī-ni ní ŋée. Ní nīn nyí yii m bí ni-cee baabadal áli duulinya kúntitam.»
Currently Selected:
Matthieu 28: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Matthieu 28
28
Yeesu fìkititam
(Kpèè Maar 16.1-8, Luuki 24.1-12, Yoow 20.1-10)
1 Ŋwiŋŋuŋfikaa jítì ku wúntì kɔɔsil ntaafaabɔmbɔminee, Maarii un sá Magidalaa tiŋkinee, nì Maarii un kíǹee#28.1 Kpèè 27.56. cūtì kí kpèè dikaakul. 2Kpalaayee kitiŋ cīŋkì tikpil, ní Unimbɔti tuuŋŋu ŋubɔ nyánní yilpu ki dɔ́miń ki cúú ditaŋkpakpaandee ki bíntì ní ki kāl̀ di-pu. 3U nìn jìl̀ kii ntaaŋmɔŋmɔee, ní u-wampeeŋkaati pīiǹ káŋkaŋ. 4Soojab nín wál̀-uee, ní bi fāŋkì tikpil, bi-wunti bíi jìkì ní bi fìkī. 5Ní Unimbɔti tuuŋŋuee bí binimpoobee yii: «Nimbi taa fàŋkìmaan! M nyí ni nín nyàab̀ Yeesu un bi kpáá ndɔpuntikaa puee. 6Waa bí doo, u fīkitì, kii u nín nìn pée lī puee. Dāan̄ kí kpèèmaan laakin u nìn dɔ̄ee, 7kí nīn cámaan malaa, kí tùkù u-boonnooliibi yii u fīkitì ditaŋkpiilin. U làá lìntī kí cù Galiilee#28.7 Kpèè 26.32., niin ní ni làá tin ká-u. Tin m cáá kí tùkù-nee dee.»
8Niinee ní bíǹ búntì malaa, tifaandi nì dipɔɔpiŋkpaandi kɔkɔ ŋmàl̄, ki sáń ki cá kí cáá dinyɔɔbundee kí tùkù Yeesu boonnooliibi. 9Niin kpalaa ní Yeesu tú-bi nsan ní ki jáam̀-bi, ní bi sútì ki pìl̄-u ní ki tātìi gbāaǹ u-taaŋi taapu ki jáam̀-u. 10Ní Yeesu bí-bi yii: «Taa fàŋkìmaan! Cù kí tùkùmaan m-nabiyaamu yii bí nīn cá Galiilee. Niin ní bi làá tin ká-mi.»
Soojab máafì tin bi kée
11Ŋyunti ŋun binimpoobee dáá bí nsanni ki cée, ní soojab bin nìn cí dikaakulee biba cūtì kitiŋin ki máafì bisaraaŋakpilib tin jítèe kɔkɔ. 12Ní bíǹ kpáfì Juuda yab tindaŋkpilib ki sòon̄ ki gbìlīǹ tɔb, ní ki nyàab̄ kunimbigbaau ki ŋéeb́ soojab nyɔmmu, 13ní ki tùkū-bi yii: «Ní lì yii, kunyeeu timbi dɔ̄ ki gèeǹee, ní u-boonnooliibi dɔ́miń ki yùn̄ u-wunti#28.13 Dūú ŋmàntī nì 27.64.. 14Báà gɔmina yaa gbìl̄aaa, timbi làá sɔ̀kɔl̀-u kí nyāntí-ni tibɔtin.» 15Ní soojab fōō animbil, ní ki ŋá bi nín bí bí ŋá puee. Ní an bɔtee gbītì Juuda yab kansikin ki dāa sāā díǹ.
Yeesu boonnooliibi ká-u
(Kpèè Maar 16.14-18, Luuki 24.36-49, Yoow 20.19-23)
16Yeesu boonnooliibi saalaa nì ubɔee búntì Galiilee gbantaŋki kiba pu, laakin Yeesu nìn bí bí kíntí-uee#28.16 Kpèè 26.32.. 17Bi nín ká-uee, ní bi gbāaǹ ki jáam̀-u, ama nì míǹ kɔkɔee, bi-kansikin biba nìn dàkafī mili mili. 18Ní Yeesu sútìń ki sòon̄ nì bi, yii: «M fōō yilpu nì taapu kɔkɔ pu mpɔn. 19Míǹ puee, nín̄ cámaan atimbun kɔkɔ nib cee kí dū-bi kí kpántí m-boonnooliibi#28.19 Dūú ŋmàntī nì Atuun 1.8., kí fàl̀-bi Unimbɔti nyim, Ubaati, nì man u-Jipɔɔn nì Circir Fam yindi pu. 20Ní dàkà-bi bí nīn ŋúb́ tin kɔkɔ m tīī-ni ní ŋée. Ní nīn nyí yii m bí ni-cee baabadal áli duulinya kúntitam.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.