Marc 1
1
Yoowaneesi unyiŋfaldi sòon̄ Unimbɔti bɔti
(Maat 3.1-12, Luuki 3.1-9,15-17, Yoow 1.19-28)
1Tibɔmɔntiil tin sòoǹ Yeesu Kriisitoo Unimbɔti Jipɔɔn puee kílilaŋki sèé. 2Yeesaya Unimbɔti bɔnaatiliu nìn ŋmàn̄ u-gbɔŋku poon ki síiǹ, yii:
Unimbɔti bí yii: «M-tuuŋŋu sèé!
M túnní-ŋu ŋú lìntīń a-nyɔkɔpu
kí dāá ŋāŋkì-si nsan.
3M-tuuŋŋuee di báakí kuteeun yii:
Bɔ́ntímaan ti-Dindaan saŋŋu,
kí tàntīmaan u-sàmbiyaamu kí cīití-u#1.3 Kpèè Mala 3.1, Yees 40.3.!»
4Ntuunee di sá un bi yíì Yoowaneesi u kóò kuteeun ki fùul̀ binib Unimbɔti nyimee. U nìn báakí ki tùkù binib yii: «Kpántímaan ni-bimbim kí yàntī bí fàl̀-ni nnyim, Unimbɔti ń dū ni-kpitii kí pɔ̄-ni.» 5Ní Juudee watil pú yab nì Jeerusaleem tiŋkin nib kɔkɔ nìn cá Yoowaneesi cee. Bi nìn bìitī bi-kpitii pu, ní u fùul̀-bi Unimbɔti nyim Jɔɔdan buŋŋun.
6Yoowaneesi gbanti nìn pēē ugutaamu kuti bɔkutil ní ki gbìn̄ ŋgban dambalau#1.6 Kpèè 2 Bib 1.8.. U nìn ŋmóò inaakitoon nì tisiil ní. U nìn báakí ki lì yii: 7«Ubɔ bí m-boon ki tóobiń ki cáá mpɔn ki jítiǹ man. Maa sàafì kí nīn sá u-yumbuu kí sɔ́ntí kí kútí u-naataaŋmiii gba. 8Nì nnyim ní m cáa fùul̀-ni, ama úǹ làá dāá dū Circir Fam ní kí fàl̀-ni.»
Bi fùl̄ Yeesu Unimbɔti nyim
(Kpèè Maat 3.13–4.11, Luuki 3.21-22, 4.1-13)
9Ŋyunti gbantee, Yeesu nyánní Galiilee tiŋki kin bi yíì Naasaareetee, ki dɔ́miń Yoowaneesi fùl̄-u Jɔɔdan buŋŋun. 10Yoowaneesi nín fùl̄-u ki dóò u nyēeń nnyiminee, ní u wál̀ kutagbɔŋu pīitì ní Unimbɔti Fam kpákatìń kii dibeenanjilee ki tɔ́kɔǹ u-pu, 11ní u gbìl̄ Unimbɔti sòon̄ní kutaa pu ki lī yii: «Sii di sá m-Jipɔɔn un m néeń tikpilee! M-pɔbil fáatì-si#1.11 Dūú ŋmàntī nì Ilan 2.7, Yees 42.1..»
12Kpalaa niinee ní Unimbɔti Fam yāntì u cūtì kuteeun. 13U nìn ŋá kuteeun iwiin imuŋku ili ní Sitaan cɔ́ŋkì-u. U nì ipeel di nìn kíǹ ki bí, ní Unimbɔti tuuŋyi bí u-cee ki kèetī-u.
Yeesu yíiń bijɔncuuliibi binaa
(Kpèè Maat 4.12-22, Luuki 4.14-15, 5.1-11)
14Bi nìn cúú Yoowaneesi ki pīiǹ kudii. Míǹ boonee ní Yeesu cūtì Galiilee ki kíĺ ki bíi sòoǹ Unimbɔti bɔmɔntiiti ki tùkù-bi yii: 15«Ŋyunti bāań. Unimbɔti Beel sútì ki pìlīń-ni. Fámaan ni-kpitii kí fōōmaan tibɔmɔntiil nee kí kíí!»
16Ŋwiin ŋubɔ, Yeesu bíi kpàkaǹ Galiilee mɔɔlee ní ki ká bijɔncuuliibi bili, Siimɔn nì u-naal Andree bí ki tòó kulaaŋŋu dimɔɔlin. 17Ní Yeesu bí-bi yii: «Dāá nīn nóómaan-mi. Ni sá bi-jɔncuuliibi ní, ama m làá dū-ni kí kpántí bin nyàabìń binib ki cāabìń m-ceeyee.» 18Ní bi yāntì bi-laanti dicilpu niin ki táá-u. 19U cōom̀ ki cūtì ndan fiiiyee, ní ki gíti ká Seebeedee jipɔmbi Yakubu nì Yoowaneesi kā buŋalimbun ki ŋáŋkí tilaandi. 20Kpalaa niinee ní Yeesu yíiń-bi ní bi yāntì bi-baa Seebeedee nì bitɔntɔnliibi buŋalimbun ki táá-u.
Yeesu cáaǹ uwaati ubɔ Kapeernayum
(Kpèè Luuki 4.31-37)
21Yeesu nì u-boonnooliibi cūtì Kapeernayum tiŋkin. Ŋwiŋŋuŋfikaa bāańee, ní Yeesu kɔ́ kukpafidiin ki kíĺ ki bíi dàkà binib Unimbɔti bɔti. 22Binib bin nìn bíi pílifíǹ-uee nìn bākatì tikpil nì u-dàkatam. Kun puee u-dàkatam nìn cáá mpɔn kaa náań nì bimaradakaliibi yam.
23Kpalaa niinee, unil ubɔ un pu arasinii kēe téeń kukpafidiin niin yii: 24«Yeesu Naasaareeti yɔu, a nyàab̀-ti nì tilati ní? A dɔ́miń kí kúntí-ti níii? M nyí un ní a sée! A sá circirdaan un nyánní Unimbɔti ceeyee ní!» 25Ní Yeesu kpātì arasiniiyee pu, yii: «Á ŋmīĺee kí nyā uninja nee ni!» 26Ní arasinii yāntì uninjee wunti fáá dijinjikil ŋkpitim pu, ní u tīl̀ mbiil mpɔn, ní ki nyáń u-ni. 27Báà ŋma bākatì sèeee, ní ki bàlifī tɔb yii: «Ba bɔti ní ti nín ká na? Tibɔcan sèé! Nì mpɔn ní u pūǹ kinyɔkɔ ki kpáaǹ arasiniibi bí nyā, ní bi pílifíǹ-u!» 28Ní Yeesu yindi gbītì kpalaa Galiilee jaŋŋi kɔkɔn.
Yeesu cáaǹ bibunliibi tikpil
(Kpèè Maat 8.14-17, Luuki 4.38-41)
29Bi nyáń kukpafidiin kpalaayee ní u nì Yakubu nì Yoowaneesi búntì Siimɔn nì Andree dumpu. 30Siimɔn nimpuu na nìn būǹ ki dɔ̄ u-wunti píĺ kpaŋkpam. Bi bàn̄ kpalaayee ní bi tùkū Yeesu unimpuee bumbunti pu, 31ní u kɔ́ unimpuee cee ki cúú u-ŋal ki yáatì-u ki kāaǹ. Niin ní u-wunti sɔ̄ŋkì ní u pɔ́ɔkì, ní u yíkì ki kíĺ ki bíi ŋáań tijin kí tīī-bi.
32Kujoou, ŋwìiń jéetèe, bi cūnnì Yeesu cee bibunliibi nì binib bin pu arasiniibi kēe kɔkɔ, 33ní kitiŋin yab kɔkɔ kóoǹ ki kpáfì kudii kun ni u nìn bée nyɔkɔpu. 34Binib kupaau nìn būǹ igbaŋween nín bí pu i-ba i-bee ní u cáaǹ-bi, ní ki jìn̄ arasiniibi tikpil ki nyántì, kaa pú-bi kinyɔkɔ bí sòoǹ, kun puee bi nìn nyí un ní u sée.
Yeesu yìin̄ ki dàkā Unimbɔti bɔti Galiilee timmun
(Kpèè Luuki 4.42-44)
35Kutaa wúntì ntaafaabɔmbɔminee Yeesu péé ki nyáń ki búntì ŋkpaanceeti kumooun kí mèè Unimbɔti. 36Siimɔn nì u-jutiibi nìn cūtìi bíi nyàab̀-u. 37Bi ká-uee, ní ki bí-u yii: «Báà ŋma bíi nyàab̀-si.» 38Ní u kíí-bi yii: «Tí cùmaan ntiŋgbamu mun kíǹee mun poon, ḿ sòoǹ nì bi mun Unimbɔti bɔti. Míǹ pu ní m dɔ́miń kitiŋ pu.» 39Ní u cūtì ki māntì Galiilee jaŋŋi kɔkɔ ki sòon̄ Unimbɔti bɔti akpafidiinni ní ki jìn̄ arasiniibi biwaatiibi pu.
Yeesu cáaǹ unyaŋgbanti ubɔ
(Kpèè Maat 8.1-4, Luuki 5.12-16)
40Ŋwiin ŋubɔee, uninja ubɔ dɔ́miń Yeesu cee u-wunti píń dinyaŋgbandi. U gbāaǹ Yeesu nimbiin ní ki gbāam̀-u ki lī yii: «A yaa là, a ŋūǹ kí cáaǹ-mi m-wunti ń ŋāŋkì.» 41Ní Yeesu súń u-saai ki tāntì u-ŋal ki gbēē-u ní ki bí-u yii: «M là! Pɔ̄ɔkìm̄.» 42Niinee, dinyaŋgbandi kpáàa wáŋkì, ní u-wunti ŋáŋkì. 43Yeesu ŋée, ní ki jìn̄-u ú fàtīí gítí malaa, 44ní ki kpáafì-u tiŋan ki lī yii: «Taa pée tùkù báà ubɔ tibɔti nee. Cáá a-ba kí dàkà usaraaŋal, kí ŋá saraa kii Mooyiisi marau nín lī puee kí dàkà yii a pɔ́ɔkì an nīn sá-bi seera#1.44 Kpèè Akoo 14.2-32..» 45Nì min kɔkɔ bi kpáafì-uee, u nín pée búntèe, u kíĺ ki máafí báà ŋma tin jítì u-puee, ki yāntì tibɔti gbītì ilaan kɔkɔ. An puee, Yeesu kaa nìn gíti ŋūǹ kí kɔ́ kitiŋ poon binib kansikin. U nìn kíǹ ki bí ikpaanceeti ní binib nyēeń ajan kɔkɔ pu ki dòoń u-cee.
Currently Selected:
Marc 1: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Marc 1
1
Yoowaneesi unyiŋfaldi sòon̄ Unimbɔti bɔti
(Maat 3.1-12, Luuki 3.1-9,15-17, Yoow 1.19-28)
1Tibɔmɔntiil tin sòoǹ Yeesu Kriisitoo Unimbɔti Jipɔɔn puee kílilaŋki sèé. 2Yeesaya Unimbɔti bɔnaatiliu nìn ŋmàn̄ u-gbɔŋku poon ki síiǹ, yii:
Unimbɔti bí yii: «M-tuuŋŋu sèé!
M túnní-ŋu ŋú lìntīń a-nyɔkɔpu
kí dāá ŋāŋkì-si nsan.
3M-tuuŋŋuee di báakí kuteeun yii:
Bɔ́ntímaan ti-Dindaan saŋŋu,
kí tàntīmaan u-sàmbiyaamu kí cīití-u#1.3 Kpèè Mala 3.1, Yees 40.3.!»
4Ntuunee di sá un bi yíì Yoowaneesi u kóò kuteeun ki fùul̀ binib Unimbɔti nyimee. U nìn báakí ki tùkù binib yii: «Kpántímaan ni-bimbim kí yàntī bí fàl̀-ni nnyim, Unimbɔti ń dū ni-kpitii kí pɔ̄-ni.» 5Ní Juudee watil pú yab nì Jeerusaleem tiŋkin nib kɔkɔ nìn cá Yoowaneesi cee. Bi nìn bìitī bi-kpitii pu, ní u fùul̀-bi Unimbɔti nyim Jɔɔdan buŋŋun.
6Yoowaneesi gbanti nìn pēē ugutaamu kuti bɔkutil ní ki gbìn̄ ŋgban dambalau#1.6 Kpèè 2 Bib 1.8.. U nìn ŋmóò inaakitoon nì tisiil ní. U nìn báakí ki lì yii: 7«Ubɔ bí m-boon ki tóobiń ki cáá mpɔn ki jítiǹ man. Maa sàafì kí nīn sá u-yumbuu kí sɔ́ntí kí kútí u-naataaŋmiii gba. 8Nì nnyim ní m cáa fùul̀-ni, ama úǹ làá dāá dū Circir Fam ní kí fàl̀-ni.»
Bi fùl̄ Yeesu Unimbɔti nyim
(Kpèè Maat 3.13–4.11, Luuki 3.21-22, 4.1-13)
9Ŋyunti gbantee, Yeesu nyánní Galiilee tiŋki kin bi yíì Naasaareetee, ki dɔ́miń Yoowaneesi fùl̄-u Jɔɔdan buŋŋun. 10Yoowaneesi nín fùl̄-u ki dóò u nyēeń nnyiminee, ní u wál̀ kutagbɔŋu pīitì ní Unimbɔti Fam kpákatìń kii dibeenanjilee ki tɔ́kɔǹ u-pu, 11ní u gbìl̄ Unimbɔti sòon̄ní kutaa pu ki lī yii: «Sii di sá m-Jipɔɔn un m néeń tikpilee! M-pɔbil fáatì-si#1.11 Dūú ŋmàntī nì Ilan 2.7, Yees 42.1..»
12Kpalaa niinee ní Unimbɔti Fam yāntì u cūtì kuteeun. 13U nìn ŋá kuteeun iwiin imuŋku ili ní Sitaan cɔ́ŋkì-u. U nì ipeel di nìn kíǹ ki bí, ní Unimbɔti tuuŋyi bí u-cee ki kèetī-u.
Yeesu yíiń bijɔncuuliibi binaa
(Kpèè Maat 4.12-22, Luuki 4.14-15, 5.1-11)
14Bi nìn cúú Yoowaneesi ki pīiǹ kudii. Míǹ boonee ní Yeesu cūtì Galiilee ki kíĺ ki bíi sòoǹ Unimbɔti bɔmɔntiiti ki tùkù-bi yii: 15«Ŋyunti bāań. Unimbɔti Beel sútì ki pìlīń-ni. Fámaan ni-kpitii kí fōōmaan tibɔmɔntiil nee kí kíí!»
16Ŋwiin ŋubɔ, Yeesu bíi kpàkaǹ Galiilee mɔɔlee ní ki ká bijɔncuuliibi bili, Siimɔn nì u-naal Andree bí ki tòó kulaaŋŋu dimɔɔlin. 17Ní Yeesu bí-bi yii: «Dāá nīn nóómaan-mi. Ni sá bi-jɔncuuliibi ní, ama m làá dū-ni kí kpántí bin nyàabìń binib ki cāabìń m-ceeyee.» 18Ní bi yāntì bi-laanti dicilpu niin ki táá-u. 19U cōom̀ ki cūtì ndan fiiiyee, ní ki gíti ká Seebeedee jipɔmbi Yakubu nì Yoowaneesi kā buŋalimbun ki ŋáŋkí tilaandi. 20Kpalaa niinee ní Yeesu yíiń-bi ní bi yāntì bi-baa Seebeedee nì bitɔntɔnliibi buŋalimbun ki táá-u.
Yeesu cáaǹ uwaati ubɔ Kapeernayum
(Kpèè Luuki 4.31-37)
21Yeesu nì u-boonnooliibi cūtì Kapeernayum tiŋkin. Ŋwiŋŋuŋfikaa bāańee, ní Yeesu kɔ́ kukpafidiin ki kíĺ ki bíi dàkà binib Unimbɔti bɔti. 22Binib bin nìn bíi pílifíǹ-uee nìn bākatì tikpil nì u-dàkatam. Kun puee u-dàkatam nìn cáá mpɔn kaa náań nì bimaradakaliibi yam.
23Kpalaa niinee, unil ubɔ un pu arasinii kēe téeń kukpafidiin niin yii: 24«Yeesu Naasaareeti yɔu, a nyàab̀-ti nì tilati ní? A dɔ́miń kí kúntí-ti níii? M nyí un ní a sée! A sá circirdaan un nyánní Unimbɔti ceeyee ní!» 25Ní Yeesu kpātì arasiniiyee pu, yii: «Á ŋmīĺee kí nyā uninja nee ni!» 26Ní arasinii yāntì uninjee wunti fáá dijinjikil ŋkpitim pu, ní u tīl̀ mbiil mpɔn, ní ki nyáń u-ni. 27Báà ŋma bākatì sèeee, ní ki bàlifī tɔb yii: «Ba bɔti ní ti nín ká na? Tibɔcan sèé! Nì mpɔn ní u pūǹ kinyɔkɔ ki kpáaǹ arasiniibi bí nyā, ní bi pílifíǹ-u!» 28Ní Yeesu yindi gbītì kpalaa Galiilee jaŋŋi kɔkɔn.
Yeesu cáaǹ bibunliibi tikpil
(Kpèè Maat 8.14-17, Luuki 4.38-41)
29Bi nyáń kukpafidiin kpalaayee ní u nì Yakubu nì Yoowaneesi búntì Siimɔn nì Andree dumpu. 30Siimɔn nimpuu na nìn būǹ ki dɔ̄ u-wunti píĺ kpaŋkpam. Bi bàn̄ kpalaayee ní bi tùkū Yeesu unimpuee bumbunti pu, 31ní u kɔ́ unimpuee cee ki cúú u-ŋal ki yáatì-u ki kāaǹ. Niin ní u-wunti sɔ̄ŋkì ní u pɔ́ɔkì, ní u yíkì ki kíĺ ki bíi ŋáań tijin kí tīī-bi.
32Kujoou, ŋwìiń jéetèe, bi cūnnì Yeesu cee bibunliibi nì binib bin pu arasiniibi kēe kɔkɔ, 33ní kitiŋin yab kɔkɔ kóoǹ ki kpáfì kudii kun ni u nìn bée nyɔkɔpu. 34Binib kupaau nìn būǹ igbaŋween nín bí pu i-ba i-bee ní u cáaǹ-bi, ní ki jìn̄ arasiniibi tikpil ki nyántì, kaa pú-bi kinyɔkɔ bí sòoǹ, kun puee bi nìn nyí un ní u sée.
Yeesu yìin̄ ki dàkā Unimbɔti bɔti Galiilee timmun
(Kpèè Luuki 4.42-44)
35Kutaa wúntì ntaafaabɔmbɔminee Yeesu péé ki nyáń ki búntì ŋkpaanceeti kumooun kí mèè Unimbɔti. 36Siimɔn nì u-jutiibi nìn cūtìi bíi nyàab̀-u. 37Bi ká-uee, ní ki bí-u yii: «Báà ŋma bíi nyàab̀-si.» 38Ní u kíí-bi yii: «Tí cùmaan ntiŋgbamu mun kíǹee mun poon, ḿ sòoǹ nì bi mun Unimbɔti bɔti. Míǹ pu ní m dɔ́miń kitiŋ pu.» 39Ní u cūtì ki māntì Galiilee jaŋŋi kɔkɔ ki sòon̄ Unimbɔti bɔti akpafidiinni ní ki jìn̄ arasiniibi biwaatiibi pu.
Yeesu cáaǹ unyaŋgbanti ubɔ
(Kpèè Maat 8.1-4, Luuki 5.12-16)
40Ŋwiin ŋubɔee, uninja ubɔ dɔ́miń Yeesu cee u-wunti píń dinyaŋgbandi. U gbāaǹ Yeesu nimbiin ní ki gbāam̀-u ki lī yii: «A yaa là, a ŋūǹ kí cáaǹ-mi m-wunti ń ŋāŋkì.» 41Ní Yeesu súń u-saai ki tāntì u-ŋal ki gbēē-u ní ki bí-u yii: «M là! Pɔ̄ɔkìm̄.» 42Niinee, dinyaŋgbandi kpáàa wáŋkì, ní u-wunti ŋáŋkì. 43Yeesu ŋée, ní ki jìn̄-u ú fàtīí gítí malaa, 44ní ki kpáafì-u tiŋan ki lī yii: «Taa pée tùkù báà ubɔ tibɔti nee. Cáá a-ba kí dàkà usaraaŋal, kí ŋá saraa kii Mooyiisi marau nín lī puee kí dàkà yii a pɔ́ɔkì an nīn sá-bi seera#1.44 Kpèè Akoo 14.2-32..» 45Nì min kɔkɔ bi kpáafì-uee, u nín pée búntèe, u kíĺ ki máafí báà ŋma tin jítì u-puee, ki yāntì tibɔti gbītì ilaan kɔkɔ. An puee, Yeesu kaa nìn gíti ŋūǹ kí kɔ́ kitiŋ poon binib kansikin. U nìn kíǹ ki bí ikpaanceeti ní binib nyēeń ajan kɔkɔ pu ki dòoń u-cee.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.