1 Rois 4
4
Saloomɔn mɔ̄tìi bɔ́ntì u-beel
1Saloomɔn di nìn sá Isirayeel tiŋki kɔkɔ pu ubɔti. 2Bin nìn sá u-kàliŋkpilib ki bí u-tundinee yiŋŋi sɔ̀. Sadooki jipɔɔn Asariyawuu di nìn sá usaraaŋakpil#4.2 Kpèè 2 Sami 8.15-18.. 3Siisa jipɔmbi Eeliiwooreefi nì Awiiya di nìn sá bigbaŋŋmaliibi, ní Ayiiluudi jipɔɔn Jeewoosafaati sá un ŋúb́ ubɔti jaliiki kin u cáa nyìitī tiwan kí dàkà yii úǹ di yì-tèe. 4Yeewooyadaa jipɔɔn Beenayawuu di nìn sá ujanjakpil, ní Sadooki nì Abiyataar nìn sá bisaraaŋaliibi. 5Naatan jipɔɔn Asariyawuu di nìn sá kɔmandambi kpiliu, ní Naatan jipɔɔn Sabuudi sá usaraaŋal nì ubɔti saŋkiliu. 6Ayiisaar di nìn sá ubɔti cindi tɔntɔnliibi kpiliu, ní Abidaa jipɔɔn Adooniiram sá bin kpèé diwɔ́bil tundee.
7Ubɔti nìn gíti cáá kɔmandambi saalaa nì bili bin u kāaǹ Isirayeel tiŋki kɔkɔ puee. Bíǹ di nìn nyàab̀ tijin ki tìì ubɔti nì u-dicaŋkun yab. Bi-kansikin báà ŋma nìn cáá uŋmal ubɔ dibindi poon kí nyàab̀ tijin kí tīī ubɔti nì u-dicaŋku. 8Kɔmandambi gbanti yiŋŋi sɔ̀.
Uur jipɔɔn di nìn kpèé Eefiraayiim jooŋŋi,
9ní Deekeeri jipɔɔn kpèé Makaasi nì Saalbiim nì Beeti-Seemeesi nì Eeloon-Beeti-Anaani,
10ní Eeseedi jipɔɔn kpèé Arubooti tiŋki. Úǹ di nìn kpèé ki kpáaǹ Sookoo nì Eefeer timmu kɔkɔ,
11ní Abinadaab jipɔɔn kpèé Dɔɔr tiŋki kɔkɔ. Úǹ di nìn cáá Saloomɔn bisal Tafaati,
12ní Ayiiluudi jipɔɔn Baana kpèé Taanaki nì Meegiidoo nì Beeti-Seeyan timmu kɔkɔ - Beeti-Seeyan tiŋki nìn bí ki pìl̄ Saartan nì Jisirayeel ŋgan pú kí yòon̄ Abeel-Meewoola kí cáá sāā Yookimoowaam tiŋki.
13Geebeer jipɔɔn di nìn kpèé Ramooti tiŋki kin bí Galaadee nì Manasee jipɔɔn Yayiir timbilimmu mun bí Galaadi tiŋkpaaŋkinee nì Argoob tiŋki kin bí Baasan tiŋkpaaŋkinee. Kitiŋkpaaŋŋi gbanti nìn cáá ntimu imuŋku ita bi máń agun ki tú-mu. Mu nìn cáá punuubi bin bi cáá tasa kúti kpàlkaati ki kpàl̀ee,
14ní Idoo jipɔɔn Ayiinadaab kpèé Mayanayiim tiŋkpaaŋki,
15ní Ayiimaasi kpèé Neefitalii tiŋkpaaŋki. U mun nìn tí cáá Saloomɔn bisal ubɔ ní, bi yíì-u Basmaati.
16Usayii jipɔɔn Baana di nìn kpèé Aseer nì Beeyalooti timmu,
17ní Paruuya jipɔɔn Yeewoosafaati kpèé Isakaar tiŋkpaaŋki,
18ní Eela jipɔɔn Simeeyii kpèé Beenjameen tiŋkpaaŋki,
19ní Urii jipɔɔn Geebeer kpèé Galaadi tiŋki nì Amɔɔr yab bɔtiu Siiwɔn nì Baasan bɔtiu Ɔɔgi timmu.
Kɔmandan ubɔ mun nìn gíti bí Juuda tiŋkin.
20Juuda yab nì Isirayeel yab nìn wīikí kii tiŋku gbandi bulee ní. Bi nìn jīǹ ki nyù ní ki bí dipɔɔpindin.
Currently Selected:
1 Rois 4: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
