1 Chroniques 9

1Bi kàan̄ Isirayeel yab kɔkɔ nyɔkɔm ní ki ŋmàn̄ ki ŋá Isirayeel Bɔtiibi gbɔŋku poon ki nóó nì bi nín pēē pēē mmaal puee.

Binib bin kóò Jeerusaleem tiŋkinee

Juuda yab fātì bi-boon ki tīī Unimbɔti ní Unimbɔti yāntì bi cáá-bi ki cūnnì kuyuŋu Babiloon tiŋkin. 2Bi nín dāa gítìń kuyuŋu púee, bi-kansikin bin nìn péé péé ki fātìi kāl̀ bi-timmu pu bi-tinjaŋŋi poonee di sá Isirayeel yab nì bisaraaŋaliibi nì Leefii yab nì kunimbɔtidiin tɔntɔnliibi.

3Juuda yab nì Beenjameen yab nì Eefiraayiim yab nì Manasee yab di nìn gítìń ki kāl̀ Jeerusaleem tiŋkin#9.3 B. 2-3: kpèè Eesi 2.70, Neey 7.72..

4Juuda naakookunee, Amiiwuudi jipɔɔn Utayii nìn bí. Amiiwuudi nìn sá Oomirii jipɔɔn nì Oomirii naantiiu nì Banii naantitɔntɔkɔl ní ki nìn sá Peereesi maaliŋun. 5Seera maaliŋunee, Asaaya nì u-jipɔmbi nìn bí. Asaaya nìn sá u-dicaŋkun ujipɔŋkpil. 6Seera maaliŋunee, Jeewuyeel nìn bí. Juuda yab bin nìn gítìń ki kāl̀ Jeerusaleem tiŋkinee nìn sá binib saalaa kpá alaataa aluli ní.

7Beenjameen naakookunee, Meesulam jipɔɔn Salu nìn bí. U nìn sá Oodafiya naantiiu nì Aseenuwa naantitɔntɔkɔl. 8Jeeroowaam jipɔɔn Ibineeya nì Usi jipɔɔn Eela nìn bí. Eela naanja di sá Miikirii. Seefatiya jipɔɔn Meesulam mun nìn bí. U-naanjab di sá Reewuyeel nì Ibineeya. 9Bin bí nee kɔkɔ nìn sá adican kpilib ní. Beenjameen yab bin nìn gítìń ki kāl̀ Jeerusaleem tiŋkinee nìn sá binib alaataa awa nì binib binaa kpá imuŋku ita ní.

10Bisaraaŋaliibi kansikinee, Yeedaya nì Yooyariib nì Jaakin nì 11Asariya nìn bí. U-naanjab di nìn sá Ilikiya, Meesulam jipɔɔn nì Meesulam, Saadooki jipɔɔn nì Saadooki, Meerayooti jipɔɔn nì Meerayooti, Ayiituub jipɔɔn nì Ayiituub u-ba un nìn sá bin kpèé kunimbɔtidiiyee kpiliuee. 12Adaaya mun nìn bí. U-naanjab di sá Yeeroowaam nì Pasuur nì Maalkiya. Masayi mun nìn bí. U-naanjab di sá Adiyeel nì Jaseera nì Meesulam nì Meesileemiiti nì Imeer. 13Bisaraaŋaliibi yaa kútèe, adican kpilib gbanti nìn nyáń binib kutuku ubɔ nì alaataa aluli nì binib imuŋku ita ní. Bi-kɔkɔ nìn sá bibaatandambi ní ki nìn tūǹ kunimbɔtidiin ditundi.

14Leefii yab kansikinee, Seemaya nìn bí. U-naanjab di sá Asuub nì Asiirikam nì Asabiya nì Meerarii. 15Bakibakaar nì Eereesi nì Galaal nì Mataniya mun bí. Bi-naanjab di sá Sikirii nì Asaafi. 16Oobadiya mun nìn bí. U-naanjab di sá Seemaya nì Galaal nì Yeedutun. Beereekiya mun nìn bí. U-naanja di sá Asaa nì Eelkana un nìn kóò Neetoofa yab timbiliiki kibanee.

17Bipunyɔɔciitiliibi kansikinee, Saluum un sá ukpilee nì u-nabiyaamu Akuub nì Talmɔn nì Ayiiman nìn bí. 18Bi-naantiibi dáá gbíntìi cí kipunyɔkɔ kin bí ŋwìiń nyalaŋki pú, bi yíì-kì yii ubɔti punyɔkɔkee. Bi-naanjab di nìn sá Leefii yab naapaal punyɔɔciitiliibi. 19Saluum nìn sá Kooree jipɔɔn nì Abiyasafi naantiiu nì Kooree naantitɔntɔkɔl ní. U nì Kooree dicaŋkun yab bin kíǹee di nìn cí circir kɔŋkooŋŋu punyɔkɔki. Bi-naanjab di nìn cí ti-Dindaan nibul naapaal. 20Njaminee, Eelasaar jipɔɔn Piinaasi di nìn sá bi-kpiliu, kun puee ti-Dindaan nìn bí u-cee. 21Meeseeleemiyawuu jipɔɔn Seekariya mun nìn sá dikpafindi tantiu ciitiliu ubɔ ní.

22Binib bin bi nìn lēē bí nīn sá bipunyɔɔciitiliibee nìn sá binib alaataa ali nì saalaa nì bili ní. Bi nìn kàan̄-bi ki ŋmàn̄ bi-yiŋŋi ki ŋá ntimu mun poon bi nyánnée gbɔntin ní. Ubɔti Daafiidi nì Unimbɔti bɔnaatiliu Samiyeel di nìn dū ditundi gbanti ki ŋúbiǹ-bi bí nīn tūǹ kí nīn cáa cá jaanjaan. 23Ní bi nì bi-naantiibi gbíntìi bí ki kpèé ti-Dindaan Diiku, ki cí ki-punyɔmmu.

24Bipunyɔɔciitiliibi nìn bí ki cí mpunyɔmu naatil, an dàkà yii ŋgan pú nì ŋgiil pú nì ŋwìiń nyalaŋki pú nì ŋwìiń jeetilaŋki pú. 25Bi-nabiyaamu mun nìn kóò ntimbilimunee nìn dòoń múlmul ki cīití kinyɔŋ kiba kiba. 26Bipunyɔɔciitiliibi bikpilib naatil nìn pée bí niin ní. Bíǹ di sá Leefii yab bin cí Unimbɔti diiku dibiyaamu nì ku-gaajawantee. 27Bi nìn màntīí tū kunimbɔtidii áli kutaa ń dāá wúntí, kun puee bi-tundi di nìn sá bí nīn cí-ku ní kí nīn pìitī ku-punyɔmmu kutaafaau kamaa.

28Bipunyɔɔciitiliibi biba tundi di nìn sá bí nīn kpèé tiwan tin bi cáa ŋáań saraabee. Bi yaa nìn nyántì-tèe, bi nìn kàaǹ-tì ní ní bi yaa làá kɔ́ǹ-tèe, bí fàtīí kàaǹ-tì. 29Bi-kansikin biba mun tundi di nìn sá bí nīn kpèé asambil ŋin kíǹee, nì circir wanti kɔkɔ, nì ŋyim nì ndamam nì ŋkpam nì talaalutuukaa nì talaaluyaaŋkaa. 30Ama ní bisaraaŋaliibi di nìn bɔ́ntí tiwan tin bi ŋmàlintí ki cáa ŋáań talaalubee.

31Leefii yab kansikinee, Saluum un sá Kooree maaliŋunee jipɔŋkpiliu Matatiya tundi di nìn sá ú nīn pūul̀ ŋkpɔnɔbiyaamu mun bi cáa ŋáań saraabee. 32Leefii yab bin sá Keeyaati maaliŋunee biba tundi di nìn sá bí nīn pūul̀ kpɔnɔb bin bi cáa ŋáań Unimbɔti saraa ŋwiŋŋuŋfikaa kamaayee.

33Leefii yab dicaŋŋi kpilib bin nìn sá bilaŋgaaliibee bíǹ nìn bí bíǹ bi-ba diiŋŋin ní. Baa nìn gíti cáá ditundi diba ki kútì, kun puee bíǹ nìn pée bí ditundin ŋwiimpu nì kunyeeu ní.

34Leefii yab kpilib dee, ki nóó nì bi nín pēē pēē mmaal puee. Bi nìn kóò Jeerusaleem tiŋkin ní.

Saayuul dicaŋku yab

(Kpèè 1 Kroo 8.29-38)

35Yeeyeel un náań Gabawɔn tiŋkee kóò Gabawɔn tiŋki gbantin ní, u nì u-nimpuu Maaka, 36nì u-jipɔŋkpiliu Abidɔn nì u-jipɔmbi bin kíǹee, an dàkà yii Suur nì Kiisi nì Baal nì Neer nì Nadaab, 37nì Geedɔɔr nì Ayiiyoo nì Seekariya nì Miikilooti. 38Miikilooti di màl̄ Simeeyam. Ama bíǹ nìn kóò Jeerusaleem tiŋkin ní, bi nì bi-nabiyaamu.

39Neer di màl̄ Kiisi, ní Kiisi màl̄ Saayuul, ní Saayuul màl̄ Joonatan nì Malkisuwa nì Abinadaab nì Eesbaal. 40Joonatan jipɔɔn di sá Meeriibaal, ní Meeriibaal màl̄ Miika. 41Miika jipɔmbi di sá Piitɔn nì Meeleeki nì Tareeya. 42Ayaasi di màl̄ Yaara, ní Yaara màl̄ Aleemeeti nì Asimafeeti nì Simrii, ní Simrii màl̄ Moosa, 43ní Moosa màl̄ Biineeya, ní Biineeya màl̄ Reefaya, ní Reefaya màl̄ Eelaasa, ní Eelaasa màl̄ Aseel. 44Aseel màl̄ mbininjabiyaamu muluu ní. Bi-yiŋŋi di sá Asiirikam nì Bookiru nì Isimaayeel nì Seeyariya nì Oobadiya nì Anan. Aseel jipɔmbi dee.

Currently Selected:

1 Chroniques 9: BASSARDC

Highlight

Copy

Compare