1 Chroniques 25
25
Bilaŋgaaliibi kitiŋi
1Akiti ŋin tūǹ ditundi ti-Dindaan Diikunee kpilib nìn tútúǹ Daafiidi bi gāntì Asaafi nì Eeman nì Yeedutun naantiibi bí nīn kpèé dilaŋgaal tundi. Bi nìn bɔ̀ɔ́ tibati nì saŋgub, ki cákafí cancakantib ní ki gà ilan ki nàatī binib Unimbɔti bɔti. Binib bin tūǹ ditundi gbantee yiŋŋi sèé. 2Asaafi jipɔmbi di sá Sakuur nì Jooseefi nì Neetaniya nì Asaareela. Bi-baa un nìn gà ilan ki nàatī Unimbɔti bɔtee di nìn kpòotī-bi kii ubɔti nín tīī mara puee. 3Yeedutun jipɔmbi di sá Geedaliyawuu nì Seerii nì Yeesaya nì Simeeyii nì Aseebiyawuu nì Mataatiyawuu. Bi-baa un nìn cáá kubeeu ki gà ilan ki nyɔ́ŋkí ki pàkà ti-Dindaanee di nìn kpòotī bi-luutil.
4Eeman jipɔmbi di sá Buukiyawuu nì Mataatiyawuu nì Usiyeel nì Seebuyeel nì Yeereemooti nì Ananiya nì Ananii nì Eeliyata nì Giidalitii nì Roomamitii-Eeseer nì Yoosbeekasaa nì Malootii nì Ootiir nì Maasiyooti. 5Bin bí nee kɔkɔ sá Eeman un wāĺ ki nàatī ubɔti Unimbɔti bɔtee jipɔmbi ní. U nìn nāatì Daafiidi tin Unimbɔti sòon̄ kí mɔ̀tīí kūtì-u mpɔnee. Unimbɔti nìn pú Eeman mbininjabiyaamu kiba kpá saalku nì nnimpubiyaamu muta ní.
6Binib gbanti kɔkɔ nìn bí bi-baa taapu ní ki tūǹ ditundi ti-Dindaan diikun. Bi nìn cákafí cancakantib, ní ki bɔ̀ɔ́ saŋgub nì tibati. Bi nìn bí ubɔti tundin ní Asaafi nì Yeedutun nì Eeman kpòotī-bi. 7Bilaŋgaaliibi gbanti nì bi-kitiŋi yab bin bi nìn bífì bí nīn gà ilan ki nyɔ́ŋkí ti-Dindaanee nìn nyáń binib alaataa ali nì imuŋku inaa nì binib binii ní. Bi nìn bífì dilaŋgaal tundi tiŋan.
8Bi nìn tɔ́ kasi ní ki lēē bi nín làá nīn tūǹ ditundi ki fòol̄ tɔb puee. Digàntil kaa nìn bí kiwaayaaa, ukpil kansikin, àá un bífì ki nyí dilaŋgaal tiŋanee nì un dáá bíi bífée kansikin.
9Bi nín tɔ́ kasee, ukpipeepeekaa un an tāāyee di sá Asafi jipɔɔn Jooseefi.
Unililiiti di sá Geedaliyawuu, u nì u-jipɔmbi nì u-nabiyaamu binib saalaa nì bili.
10Utataati di sá Sakuur, u nì u-jipɔmbi nì u-nabiyaamu binib saalaa nì bili.
11Unanaati di sá Yiseerii, u nì u-jipɔmbi nì u-nabiyaamu binib saalaa nì bili.
12Uŋmooŋmooti di sá Neetaniyawuu, u nì u-jipɔmbi nì u-nabiyaamu binib saalaa nì bili.
13Ululuuti di sá Bukiyawuu, u nì u-jipɔmbi nì u-nabiyaamu binib saalaa nì bili.
14Ululuúti di sá Yeesareela, u nì u-jipɔmbi nì u-nabiyaamu binib saalaa nì bili.
15Uniniiti di sá Yeesaya, u nì u-jipɔmbi nì u-nabiyaamu binib saalaa nì bili.
16Uwawati di sá Mataniyawuu, u nì u-jipɔmbi nì u-nabiyaamu binib saalaa nì bili.
17Usaalaati di sá Simeeyii, u nì u-jipɔmbi nì u-nabiyaamu binib saalaa nì bili.
18Saalaa nì upeekaa di sá Asareeyeel, u nì u-jipɔmbi nì u-nabiyaamu binib saalaa nì bili.
19Saalaa nì uliliiti di sá Asafiya, u nì u-jipɔmbi nì u-nabiyaamu binib saalaa nì bili.
20Saalaa nì utataati di sá Subayeel, u nì u-jipɔmbi nì u-nabiyaamu binib saalaa nì bili.
21Saalaa nì unanaati di sá Maatitiyawuu, u nì u-jipɔmbi nì u-nabiyaamu binib saalaa nì bili.
22Saalaa nì uŋmooŋmooti di sá Yeereemooti, u nì u-jipɔmbi nì u-nabiyaamu binib saalaa nì bili.
23Saalaa nì ululuuti di sá Ananiyawuu, u nì u-jipɔmbi nì u-nabiyaamu binib saalaa nì bili.
24Saalaa nì ululuúti di sá Yoosbeekasaa, u nì u-jipɔmbi nì u-nabiyaamu binib saalaa nì bili.
25Saalaa uniniiti di sá Ananii, u nì u-jipɔmbi nì u-nabiyaamu binib saalaa nì bili.
26Saalaa nì uwawati di sá Malootii, u nì u-jipɔmbi nì u-nabiyaamu binib saalaa nì bili.
27Un pá saalaa nì uwawati puee di sá Eeliyata, u nì u-jipɔmbi nì u-nabiyaamu binib saalaa nì bili.
28Mmuŋku nì upeekaa di sá Ootiir, u nì u-jipɔmbi nì u-nabiyaamu binib saalaa nì bili.
29Mmuŋku nì uliliiti di sá Giidalitii, u nì u-jipɔmbi nì u-nabiyaamu binib saalaa nì bili.
30Mmuŋku nì utataati di sá Maasiyooti, u nì u-jipɔmbi nì u-nabiyaamu binib saalaa nì bili.
31Mmuŋku nì unanaati di sá Roomamitii-Eeseer, u nì u-jipɔmbi nì u-nabiyaamu binib saalaa nì bili.
Currently Selected:
1 Chroniques 25: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
