1 Chroniques 24

Bisaraaŋaliibi kitiŋi

1Bi nìn yākatì Aarɔn naantiibi akiti akiti. Aarɔn jipɔmbi di sá Nadaab nì Abiyuu nì Eeleeyasaar nì Itamaar. 2Nadaab nì Abiyuu nìn péeǹ bi-baa ki kpíì#24.2 Kpèè Akoo 10.1-2. kaa nìn màl̄ mbininjabiyaamu. Eeleeyasaar nì Itamaar baba di nìn kpántì bisaraaŋaliibi. 3Eeleeyasaar naantiiu Sadooki nì Itamaar naantiiu Ayiimeeleeki nìn tútúǹ Daafiidi u yākatì bisaraaŋaliibi kɔkɔ akiti akiti, ki nóó nì ditundi din bi tūǹee. 4Bi nìn dáań ki ká yii Eeleeyasaar naantiibi bininjab nìn wīikí ki jítiǹ Itamaar naantiibi yab. An pu ní bi cúú Eeleeyasaar yab ki yākatì akiti saalku nì diba, ní ki yākatì Itamaar yab akiti anii. Dikitil kamaa nìn cáá kudicaŋu kpiliu ubɔ. 5Bi nìn tɔ́ kasi ní ki yākatì yākatì akiti gbanti. Di sá yii an yaa sá Eeleeyasaar naantiibi poonaaa, Itamaar naantiibi poonaaa, «circir kɔŋkooŋŋu tɔntɔnliibi» nì «Unimbɔti tɔntɔnliibi» nìn bí ní.

6Neetaneeyeel jipɔɔn Seemaya, un sá ugbaŋŋmal Leefii naakookunee ŋmàn̄ bi-yiŋŋi ubɔti nì abɔtibil nì usaraaŋakpil Sadooki nì Abiyataar jipɔɔn Ayiimeeleeki, nì bisaraaŋaliibi nì Leefii yab dicaŋŋi kpilib kɔkɔ nimbiin. Bi yaa nìn tɔ́ kasi mili pu ki lēē Eeleeyasaar maaliŋun bikpilib bilee, ní bí tɔ̄ kasi diba pu kí lēē Itamaar maaliŋun kudicaŋu kpiliu ubɔ. 7Bi nín nìn tɔ́ kasee, unipeekaa un an nìn tāāyee di sá Yooyariib, ní uliliiti sá Yeedaya, 8ní utataati sá Ariim, ní unanaati sá Seewooriim, 9ní uŋmooŋmooti sá Maalkiya, ní ululuuti sá Miiniyaamiini, 10ní ululuúti sá Akoosi, ní uniniiti sá Abiiya, 11ní uwawati sá Yeesuwa, ní usaalaati sá Seekaniyawuu, 12ní saalaa nì upeekaa sá Eeliyasiib, ní saalaa nì uliliiti sá Yakiim, 13ní saalaa nì utataati sá Kuupa, ní saalaa nì unanaati sá Yeeseebaab, 14ní saalaa nì uŋmooŋmooti sá Biiliga, ní saalaa nì ululuuti sá Imeer, 15saalaa nì ululuúti sá Eesiir, ní saalaa nì uniniiti sá Apiiseesi, 16ní saalaa nì uwawati sá Peetaya, ní un pá saalaa nì uwawati sá Yeesikeel, 17ní mmuŋku nì upeekaa sá Yaakiin, ní mmuŋku nì uliliiti sá Gamuul, 18ní mmuŋku nì utataati sá Deelaya ní mmuŋku nì unanaati sá Maasiya.

19Akiti gbanti nìn nóó bi nín pá pá tɔb pu puee ní ki tūǹ ditundi ti-Dindaan Diikun. Bi nìn tūǹ ditundi niin ki nóó nì bi-naanja Aarɔn nín nìn tīī marab biŋyee ní. Úǹ nìn fōō marab gbanti ti-Dindaan Isirayeel Nimbɔtiu cee ní.

Leefii yab bin kíǹee yiŋŋi

20Leefii kpilib bin kíǹee yiŋŋi sèé.

Un nìn sá Amiiraam naantiibi poon ukpilee di sá Suubayeel, ní un sá Suubayeel naantiibi poon ukpilee di sá Yeediya. 21Un nìn sá Reekabiya naantiibi poon ukpilee di sá Isiya un sá u-dicaŋkun ujipɔŋkpilee. 22Isaar naantiibi poonee, Seeloomiiti di nìn sá ukpil, ní Seeloomiiti naantiibi poonee, Yakaati sá ukpil. 23Eebrɔn jipɔmbi sèé. Upeekaa di sá Yeeriya ní uliliiti sá Amaariya, ní utataati sá Yasiyeel ní unanaati sá Yeekamam. 24Usiyeel jipɔɔn di sá Miika. Miika naantiibi poonee, Samiir di nìn sá ukpil. 25Miika naal Isiya naantiibi poonee, Seekariyawuu di nìn sá ukpil. 26Meerarii jipɔmbi di sá Maalii nì Musii nì Yaasiyawuu. 27Meerarii naantiibi bin u-jipɔɔn Yaasiyawuu màl̄ee di sá Sooyam nì Sakuur nì Ibirii. 28Maalii jipɔmbi ubɔ di sá Eeleeyasaar. Úǹ kaa nìn màl̄ kibininjabiki. 29Uliliiti di sá Kiisi. Úǹ nìn màl̄ kibininjabiki bi yíì-kì Yeerameel. 30Musii jipɔmbi di sá Maalii nì Eedeer nì Yeereemooti.

Bininjab gbanti kɔkɔ nìn sá Leefii naakookun ní. Báà ŋma nìn sá u-dicaŋkun ukpil ní. 31Kii bi-nabiyaamu Aarɔn naantiibi nín ŋá puee, bi nìn tɔ́ kasi ní ki lēē bi nín làá nīn tūǹ ditundi ki pá pá tɔb pu puee. Ubɔti Daafiidi nì Sadooki nì Ayiimeeleeki, nì bisaraaŋaliibi nì Leefii yab dicaŋŋi kpilib nimbiin ní bi nìn ŋá míǹ gbanti kɔkɔ. Mimmee bi ŋá ujipɔŋkpil dicaŋku mbaantiim kii bi nín ŋá kiwaai mun dicaŋku puee dee.

Currently Selected:

1 Chroniques 24: BASSARDC

Highlight

Copy

Compare