Ezekiel 19
19
Hay Miyebel hi un way Matoy hinan Alid Israel
1Ya inalin goh Apo Dios ay ha"in di, “Iyebelmu ni' heteh un way matoy hinan imbabaluy nan alid Israel 2an alyom di,
Da'yun holag Israel ya paddungnay hi inayu nan ohan mabi'ah ya na'atullid an layon#19:2 Hay ipa"elna ya mabalin nan i'Israel, unu nan iJudah, unu nan iJerusalem.
an impapto'nay imbabaluynah engganay unda immilog.
An ta"on hi unda wah nan nunlene'wohday mun'abungot goh an layon.
3Ya impapto'na nan ohan imbaluyna,#19:3 Hay ipa"elna ya nan Alin hi Jehoahaz (unu hi Shallum), ya hay nun'alianad Judah ya tuluy bulan hidin 609 B.C. (II Ki. 23:31-34; Jer. 22:10-12).
at ma'abbi'ah,
ya intuduwana ta abalinanan umanup,
ya ininnilanan umihdah tagu.#19:3 Hay ipa"elna ya nan anidugah di nappuhin ina'inatna (Jer. 22:13).
4At nundongol di aatnah nan abablubabluy,
ya tiniliwda an paddungnay binituda.
Ya gino'danda,
ya inyuydad Egypt.
5Mu hidin hehennod inana ya mi'id heden imbaluynan mumbangngad
at itudduwana goh nan ohan imbaluyna ta numbalin hi mabi'ah an layon.#19:5 Hay ipa"elna ya nan Alin hi Jehoiachin an hay nun'alianad Judah ya tuluy bulan hidin December, 598-March 16, 597 B.C. (II Ki. 24:8).
6Ya niddum hidin i'ibbanan layon,
at natuduwan an umanup ya uman hi tagu.
7At numpa"inay allup,
ya numpa"ina goh nan babluy nan tatagu,
at hiyanan dengngol ay nan tatagun munheel ya nidugah di ta'otda.
8Ya waday immali goh hi tatagun nalpuh nan numbino'ob'on an babluy hinan nunlene'wohda
ta lini'ubda ya tiniliwda an paddungna goh di binituda.
9Ya umat goh an imbaludda ya inyuydad Babylon,
at heten Alin hi Jehoiachin an nipaddung eden layon ya imbaludda,
at mi'id di gun madngol hi paddungnay heelnah nan aduntuduntug ad Israel.
10Ya paddungna goh di hi inayu#19:10 Bahaom nan footnote di Ezek. 19:2 ta innilaom di pohdonan hapiton. ya nan greyp
an nitanom hinan pingit di ginnaw an punnonngan di danum,
at maphod an mumballuy tubuna,
ya mamunga.
11Ya ma'ulhiy hapangna,
at mabalin an miyammah ma'alih scepter,#19:11 Hiyah ne ho'ho'dod an ayiw an odnan nan ali.
Ya hemme'on,
ya nidugah an ata'nang,
at ma"attig ahan.
12Mu dumalat nan nidugah an bungot'un da'yun iJudah
ya paddungnay bu'nuto' ya intapal'u da'yu.
Ti umalida nan iBabylon ta gubaton da'yu,
at ma'ubah ayu.
An diday ipaddungan nan tuyup an malpuh buhu'an di algaw,
ya umat ayun nen greyp an matuyupan ta ma'leng,
mu ta"on hi un nan hapengna ya ma'leng,
at mapuulan.
13Mu waday hapengnan nitanom hinan mapulun
an lumahu ya mamagan luta.#19:13 Hay ipa"elna ya ad Babylon.
14Mu palpaliwan ya dimmalang#19:14 Hay ipa"elna ya nan nun'abaholan da Zedekiah ad Judah (II Ki. 24:20b). din greyp,
at noghob an amin nan bungana ya nan hapengna,
at mi'id di mabalin hi miyammah ma'alih scepter di ali.
Hiyah ne miyebel hi un way matoy.”
Currently Selected:
Ezekiel 19: NHAD
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
