FAATAOTO, 29
29
O LE MATAUPU XXIX.
O pule eseese i le malo ma le aiga.
1O le tagata ua aoaiina soo, a e faamaaa lona ua, e faafuasei ona nutimomoia o ia, a e leai se fofo. 2A pule ē amiotonu, ua olioli ai le nuu; a e a pule ē amio leaga, ua mapuitiga le nuu. 3O le tagata ua manao i le poto, na te faatupuina le fiafia o lona tamā; a o lē aumea ma fafine talitane, na te faaumatia oloa. 4E faatumauina le nuu o le tupu i le faamasinoga; a o le tagata ua tali mea alofa, na te lepetia ai le nuu. 5O le tagata ua faaoleole i lē la te tuaoi; na te folasia le upega i le mea e ui ai o ia. 6O i ai le mailei i le soliga o le tulafono e le tagata amio leaga; a o le tagata amiotonu, ua pese ma olioli o ia. 7Ua manatu le tagata amiotonu i le finauga a le ua mativa; a o lē amio leaga, ua le mafaufau o ia ina ia iloa. 8O tagata faatauemu, latou te faamuina le aai; a o e popoto, latou te faaliliueseina le ita. 9O le tagata poto ua finau ma le tagata valea, pe ita, pe ‘ata‘ata, e leai se filemu. 10O tagata totolima, ua ‘ino‘ino i latou i le ua sa‘o lana amio; a o e amiotonu, latou te saili ia ola o ia. 11O le vale, e sasaa uma mai e ia lona loto; a o le tagata poto, e taofiofi e ia lona loto i tua. 12O le faipule e uai atu ona taliga i upu pepelo, e amio leaga ana auauna uma lava. 13O le ua mativa, ma le tagata faasaua, la te fetaiai; o Ieova na te faatau faamalamalamaina o laua mata. 14O le tupu, o le na te faamasinoina ma le faamaoni ē matitiva, e faatumauina lona nofoālii e faavavau. 15O le sasa ma le aoaiga e tupu ai le poto; a o le tama ua tuulafoaiina, e tupu ai le mā o lona tinā. 16A faatoateleina ē amio leaga, ua faateleina le solitulafono; a o e amiotonu, latou te iloa atu lo latou malaia. 17Ia e aoai i lou atalii, ona e maua ai lea se filemu; e tupu ai le fiafia i lou loto. 18A leai se faaliga, e faasalalauina le nuu; a o le ua tausiusi i le tulafono, amuia o ia. 19E le mafai ona aoaiina o le auauna, i upu; auā ua lagona e ia, a e le tali atu i ai. 20Ua e iloa ea le tagata ua faataalise i ana upu? e fai le faamoemoe o tagata i le vale, a e le ia te ia. 21O le ua faapelepele i lana auauna e afua mai ina itiiti, mulimuli ane e fai o ia ma ataliii. 22O le tagata itagofie na te faatupuina le misa; ma le tagata lotoa na te faateleina soliga o le tulafono. 23O le faamaualuga o le tagata e faamaulaloina ai o ia; a o le faamaulalo o le loto e maua ai le viiga. 24O le ua vaelua mea faatasi ma le gaoi, ua ‘ino‘ino o ia ia te ia lava; e faalogo o ia i le tauto, a e le faaali atu. 25O le fefe i tagata e tupu ai le mailei; a o lē faatuatua ia Ieova e faamamaluina o ia. 26E toatele o e saili i le faipule; a o loo ia Ieova le faamasinoga o tagata. 27O e amiotonu latou te ‘ino‘ino i le tagata agapiopio; a o e amio leaga, latou te ‘ino‘ino i le ua sa‘o lona ala.
Currently Selected:
FAATAOTO, 29: SOV
Highlight
Share
Copy
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
