NAUMA, 2
2
O LE MATAUPU II.
O le valoaga i le faatoilaloina ma le faatafunaina o Nineva.
1Ua alu ae i ou lava luma le na te faataapeapeina; ina leoleo ia le ‘olo, vaavaai i le ala, ia fusi ae sulugatiti, ia matuā faateleina lou malosi. 2Auā e ui lava ina tafia i latou e i latou o e tafi, ma latou faataumaoi foi a latou la laau, a e toe faafoisia e Ieova le mamalu o Iakopo, e faapea foi le mamalu o Isaraelu. 3O talita o ona tagata totoa ua faalanu ulaula ia, o tagata fitafita foi ua oofu i latou i ofu mūmū; e fepulafi faaafi o uamea o kariota i le aso e sauniuni ai o ia; e fuafua foi o latou tao. 4E matuā feasofai kariota i ala tele, e soona fetaufetuliai i malae; e tino mai pei o sulu, e tele vavave pei o le uila. 5Ua manatua e ia ona alii sili, ua latou tautevateva i lo latou savali, ua latou faatelelise i lona pa, ua saunia foi le talipupuni. 6Ua tatalaina puipui o vaitafe, ua sŏloia foi le maota. 7Na faatumauina o ia, a ua faalelavalavaina, ua ta‘ita‘iina ae o ia, ua gaegae foi ana auauna fafine e pei o leo o lupe, latou te taufaitu‘i i o latou fatafata. 8O Nineva foi na faapei o le vailepa ia talu mai anamua, a ua latou sosola lava. Tutū mai ia, ina tutū mai; a e leai se tepa i tua. 9Ia outou vete ario, ina vete ia o auro; e le uma le oloa lelei, ua faulai mea uma e manaomia. 10Ua gaogao, ua faagaogaoina, ua faatafunaina; ua faavaivai le loto, ua gatete tulivae, ua tiga tele tua uma, o latou mata uma foi ua matamatavale. 11O ifea ea le ana o leona, ma le mea na aai ai leona taanoa, o le mea na fealuai ai le leona, le leona avilu, atoa ma le tamai leona, e leai foi se tasi na faamatau atu ai? 12Na saei e le leona ia maoona ai ana fanau, ua na titina manu foi mo ana leona fafine, ua na faatumuina ona lua i mea na maua, o ona ana foi ua faatumuina ia i mea ua saeia. 13O loo faapea mai o Ieova o ‘au, Faauta, ou te tetee ia te oe, ou te susunu foi ia liu asu ona kariota, e faaumatia au leona taanoa i le pelu; ou te aveeseina foi i le nuu au mea na saeia; e le toe lagona foi leo o au sāvali.
Currently Selected:
NAUMA, 2: SOV
Highlight
Share
Compare
Copy
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
