HOSEA, 3
3
O LE MATAUPU III.
O le leaga o Isaraelu.
1Ua fetalai mai Ieova ia te au, Ia e toe alu, ia e loto atu i se fafine o le ua loto i ai lana uo, a o le fafine mulilua ia, e pei ona alofa o Ieova i le fanauga a Isaraelu o e faasagasaga i atua ese, ma mananao i ipu uaina. 2Ona ou faatauina ai lea o ia ma‘u i tupe e sefulu ma le lima, ma le omera o karite, ma le leteka o karite. 3Na a‘u fai atu foi ia te ia, E te nofo faatali mai ia te au i aso e tele, aua e te faitaaga, aua e te nofo i se tane; ou te nofo faatali foi ia te oe. 4Auā e tele aso e nonofo ai le fanauga a Isaraelu, e leai se tupu, e leai se alii, e leai se taulaga, e leai se fata faitaulaga, e leai foi se efota po o se tupua. 5E mulimuli ane, e toe foi mai le fanauga a Isaraelu, latou te saili ia Ieova lo latou Atua, ma Tavita lo latou tupu; latou te matatau foi ia Ieova ma lona agalelei i ona po e gata ai.
Currently Selected:
HOSEA, 3: SOV
Highlight
Share
Copy
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
