FAILAUGA, 11
11
O LE MATAUPU XI.
O le amio alofa ma le faautauta lelei; o le oti ma le aso faamasino.
1Ina lafo ia lau mea e ‘ai i luga o le vai; auā a mavae aso e tele e te toe maua. 2Avatu se tufaaga i le toafitu, po o le toavalu; auā e te le iloa pe se a se mea leaga e tupu i le lalolagi. 3Afai e tutumu ao, e totō ifo ai le ua i le lalolagi; afai foi e paū se laau i le itu i toga, po o le itu i matu, o le mea e paū i ai le laau, e i ai pea ia. 4O le na te manatunatu i le matagi e le lulu saito e ia; o le na te vaavaai foi i ao e le selesele lava o ia. 5E pei ona le iloa e oe le ala o le matagi, ma ona tutupu o ivi i le manava o le ua to, e faapea foi ona le iloa e oe le galuega a le Atua, o le na te faia mea uma lava. 6O le taeao ia e lulu ai au saito, aua foi le mapu lou lima i le afiafi; auā e te le iloa po o le fea e manuia, o lenei, po o lena, pe gatusa ona lelei o ia mea e lua.
7E lelei lava le malamalama, o le mea foi e fiafia ai mata pe a iloa atu le la; 8a e afai e ola se tagata i tausaga e tele, ma olioli i ia tausaga uma; a ia manatu o ia i aso e pouliuli ai, auā e tele ia; o mea uma foi e oo mai, o mea faatauvaa lava ia. 9Le taulealea e, ina olioli ia i lou tama itiiti, ia fiafia foi lou loto i aso o lou taulealea, ma ia e savali i ala ua e loto i ai, ma mea e vaai i ai ou mata; a ia e iloa e faamasinoina oe e le Atua ona o na mea uma. 10O lenei, ina faatea ese atu ia le tiga i lou loto, ma tuu ese atu le leaga i lou tino; auā o le tama itiiti ma le taulealea e faatauvaa ia.
Currently Selected:
FAILAUGA, 11: SOV
Highlight
Share
Copy
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
