FAILAUGA, 10
10
O LE MATAUPU X.
O le amioga a e popoto ma e valelea.
1O lago mamate e elo ai ma masa ai le suāuu manogi a le fai mea manogi; o le valea itiiti foi e leaga ai le ua ta‘ua o le poto ma le mamalu.
2O le loto o le tagata poto ua i lona lima taumatau; a o le loto o le vale ua i lona lima tauagavale. 3A savali le vale i le ala, ua leai sona mafaufau, ua fai atu foi o ia i tagata uma, o ia o le vale.
4Afai e tupu le ita o le faipule ia te oe, aua e te tuua le mea ua e i ai; auā o le agamalu e moe ai le ita i agasala tetele. 5O le tasi mea leaga ua ou iloa i lalo o le la, o le mea sese e tupu mai i le alii; 6ua tofia le valea i mea silisili, a ua nonofo e ua mauoa i le mea maulalo. 7Ua ou iloa auauna e tietie i solofanua, a o alii e savavali i le eleele e pei o auauna.
8O le na te eli se lua e paū o ia i ai; o ia foi na te lepeti se aupa, e utia o ia e se gata. 9O le na te aveesea maa e tiga ai o ia; o le na te isia laau e lavea ai o ia. 10Afai e foi e matatupa le uamea, a le faamaaia foi e ia lona mata, ona faatele lea i ai o lona malosi; a o le poto, o le mea aoga lea e faatonu a‘i. 11Afai e u se gata, a o le faaoleoleina, ona leai lea o se mea e maua e le na te faaoleoleina. 12O upu a le tagata poto o upu alofa ia; a o le gutu o le vale e malaia ai o ia. 13O le amataga o upu a lona gutu o le valea lea, o le iuga foi o lana tautala o le valea leaga lea. 14Ua faateleina foi upu e le vale; e le iloa foi e le tagata se mea e tupu; o ai foi se na te faailoa ia te ia se mea e tupu pe a mavae atu o ia? 15O le galuega a e valelea ua lailoa ai i latou; auā e leai so latou e iloa ona alu i le aai.
16Le nuu e, oi talofa ia te oe pe a se tama lou tupu, ua ala aai foi ou alii! 17Le nuu e, amuia oe pe a fai mou tupu le alo o se alii, e aai foi ou alii i le itu aso e tatau ai, ia malolosi ai, a e le ina ia onā ai. 18O le paie tele e pala ai le paelaau, o le le tago foi o lima i mea, e tutulu ai le fale. 19Ua latou faia le tausamiga e featani ai, o le uaina foi e fiafia ai tagata ola; a o tupe e aoga i mea uma.
20Aua e te fetuu i le tupu i lou lava manatu; aua foi e te fetuu i le mauoa i lou lava potu moe; auā e ave le leo e se manu lele, e faailoa atu foi le upu e le mea ua fai apaau.
Currently Selected:
FAILAUGA, 10: SOV
Highlight
Copy
Compare
Share
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
