ลูเท 3
3
ลูเท มี่ง เบ๊าะ เบย้า เธี้ยง ล์อ โบอาด
1ม่าย ฮนอย นาโอมี ก๊อง บั๋ว นิ่น เญย บวั์ง, “เยีย อ๋อย หฒุ ล์อ จา ปุน เม่ย ตอง เหว่ย ปุน เม่ย ตุ๊ คู่ เยียม ไม้ เฒ์ย ไฟ? 2โบอาด, ต้ง เม่ย กัน นิ่น เญย มเซียะ โปว วั้ว เต้า, เซ โหฒว เต้า บัว เญย เธียน-เธะ ไม้ เฒ์ย? อี้ ม์วน นิ่น อ๋อย เยียม เบ๊าะ เบย้า เธี้ยง สิน เบย้า บาลี.#3:2 ยิวไท เมี่ยน เบ๊าะ เหฒียง เบย้า, นิ่น บัว หล่ง กะน้าย-เธ้น ทิว เบย้า ฟ้าด ฝาว ปุน หฑยาว ป่วน ธ้วด. เยียม อิสะลาเอน เต่ย-ปูง ฆะฮ้า อ๋าน อี นอม เฒี่ยง โห่ เญย ต๋อง, ไฟ ปูง แหมง เญย หฑยาว เจี์ย กอน ป่วน หย่า ป่วน เถา หฮมวัง เล่า. เมี่ยน ฯฒฯ ปั่ง วั้ว เต๋ย เฒี่ยง โห่ สิน เบย้า. 3ญาม อ๋อย หฒุ หฑาว ซิน, ฑ้าด เต๋ย โย่ว ดาง แอ๋ง ฒุ ญาม ม่าย เก้า หลง เจี๋ย เญย ลุย-โหว. ฆะฮ้า มี่ง วั้ว เบ๊าะ เบย้า เธี้ยง มป่า ไม้ ตู๋ง ปุน นิ่น ฮิ้ว ตุ๊ เม่ย เยียม หน่าย. อ๋อย หฒุ ฒั้ว นิ่น หญั่น ลิ์ว ฮบ ลิ์ว. 4เถา นิ่น เปว๋ย เญย เฒี่ยง โห่ หมั่ง ก๋า นิ่น เปว๋ย หาย, ฯฒฯ มี่ง เฑียน ฆอย ห่ม เจี๊ยน เหฒา เญย สวัง เปว๋ย เจี๊ยน หน่าย อ๊ะ.#3:4 เอย ยิวไท เมี่ยน เญย เล์ย, มเซียะ ตอน ฮนั้ง น้าย นอ เฑียน ฆอย สวัง เปว๋ย เหฌี่ย มจั่ง ตอน เญย เหฒา-เฮลน เซ โหฒว จั๋ง-โห่ ปุน ธีง นิ่น โท้ วั้ว เต้า มจั่ง ตอน เปว เจี๊ยน นิ่น. นิ่น ฯฒฯ บั๋ว เม่ย ฮนั้ง หาย นอ โหฒว.
5ลูเท เตา, “ตะฟ่าน มา ก๊อง หาย หญู่ง เยีย เอย เจี๊ยน โหฒว เหฑ่ง.” 6นิ่น ฯฒฯ เหฌี่ย เถา เบ๊าะ เบย้า เธี้ยง หฒิว นิ่น เญย มา-ปั่ว บั๋ว เญย เหยียด ฒู้ง หว่า โหฒว เหฑ่ง.
7โบอาด หญั่น ลิ์ว ฮบ ลิ์ว, เฮญี้ยว เฌียน-โย่ว ฯฒฯ มี่ง เปว๋ย เจี๊ยน เบย้า บาลี ดุย กะเฮลน. ลูเท เฮงๆ เญย มี่ง เถา, แอ๋ง เฑียน ฆอย ห่ม เหฒา เญย สวัง เปว๋ย เจี๊ยน หน่าย เหฒา-เฮลน. 8เถา ด๊าม ม์วน โบอาด เลี่ยม เฒ่ย เญีย ต้าย, เบี๊ยน ซิน, ปวัด เต้า มเซียะ ตอน เปว๋ย เจี๊ยน นิ่น เญย เหฒา-เฮลน.
9นิ่น ฯฒฯ หน่าย, “เม่ย หาย เต้า?”
ลูเท ก๊อง, “เยีย เซ เม่ย เญย มเซียะ โปว, ลูเท. โท้ เม่ย หล่ง เม่ย เญย ลุย-จั๊วะ เฑีย เจี๊ยน เยีย,#3:9 หฒิว โล์-ฮนอย อิสะลาเอน เมี่ยน เญย เล์ย, ลูเท ฮนั้ง น้าย นอ โหฒว เหว่ย โท้ โบอาด เอย เจี๊ยน เล์ย หฒัวะ นิ่น, โก๋ว นิ่น. เอย เจี๊ยน เล์ย โบอาด หย่า อ๋อย หฒุ หล่ง นิ่น โหฒว เอ๊า เหธา เจี๊ยน. เหว่ย หฒุ เม่ย โหฒว เต้า เก้า เธียน เจี๋ย เญย เธียน-เธะ.”#3:9 เป๊ย หมั่ง ลูเท 2:20.
10โบอาด ก๊อง, “เซียะ อ่า, โท้ เฒี้ยว เหธย ฟุ ปุน เม่ย. เม่ย อี้ หฒั่น เญย เอน-ฒี่ง ปุน ธีง เซ เก้า โฮล ฒิ่น ด่าง เญย เอน-ฒี่ง เหว่ย หฒุ เม่ย ไม้ มี่ง ล์อ เมี่ยน หลุน เมี่ยน ไม้ กุ๊น ม่าย ไฟ จ่ม. 11เซียะ อ่า, ไม้ ตู๋ง กั้ม เหฑีย. เม่ย โท้ เญย หญู่งๆ เยีย อ๋อย เถง เม่ย โหฒว. เยีย เญย ป๊วน-มู้ง เมี่ยน เหยียด ฒู้ง ฮิ้ว ตุ๊ เม่ย เซ เฒี่ยง ฮ่อง เญย มเซียะ ตอน. 12ไม้ กุ๊น เยีย โหฒว เต้า เก้า เธียน เจี๋ย เญย เธียน-เธะ, แอ๋ง ม่าย เต้า หธ่อ เก้า เธียน เยีย.#ลูเท 2:20 13อี้ ม์วน เม่ย เปว๋ย น้าย. ฌัง ฮนอย หมั่ง ก๋า นิ่น อ๋อย หฒิว เก้า เธียน เจี๋ย เญย เธียน-เธะ เญย เล์ย โหฒว ไฟ? สี ก๊อง นิ่น อ๋อย นอ, หลง อ๊ะ. ไม้ อ๋อย นอ, เยีย เฒี้ยง เจี๊ยน เหยียด ลิ์ว เฒี่ยง เญย ทิน-ฮู่ง แล์ง หว่า. เยีย แล์ง เอย เจี๊ยน น้าย เก้า เธียน เจี๋ย เญย เธียน-เธะ เญย เล์ย โหฒว. กุ๊น เปว๋ย น้าย เถา ลู่ง ดอม.”
14ลูเท ฯฒฯ เปว๋ย เจี๊ยน โบอาด เญย เหฒา-เฮลน เถา ลู่ง ดอม, มป่า นิ่น เจี์ย ซิน เฑี้ยว เญย, หธ่อ เฒียะ ไม้ ตุ๊ เมี่ยน เญย เฒี่ยง โห่ เหว่ย หฒุ โบอาด ก๊อง, “ไม้ ตู๋ง ปุน เมี่ยน ฮิ้ว ตุ๊ ม่าย มเซียะ ตอน ต้าย น้าย เบ๊าะ เบย้า เธี้ยง.”
15โบอาด แอ๋ง ก๊อง, “เฒาะ เม่ย ปุ๋ย เจี๊ยน บะเต้า น้าย คว้าย เดีย แฒง เจี๊ยน โอ่.” ลูเท แฒง เจี๊ยน, โบอาด ฯฒฯ ฮลาว เหยียด ท้ง#3:15 ฮิบลู หว่า ก๊อง จุ๊ กะน้าย-ฮลาว. ไม้ ม่าย หาย เต้า ฮิ้ว ตี่ง เหยียด กะน้าย-ฮลาว ฝุน บัวะ เหฒีย. มป่า ม่าย เต๋ย ฝุน น้าย เต๋ย เบย้า ต๋าย เล่ย ไม้ โก เหยียด ท้ง เญย ต๋อง (22 ลิด). เบย้า บาลี หย่า เถง นิ่น โป้ว ฝาว บะเต้า. ลูเท#3:15 ฮิบลู หว่า ขูง ก๊อง นิ่น... ไม้ ฮิ้ว ตุ๊ ก๊อง หฒุ โบอาด ไฟ ลูเท. ฯฒฯ เปียะ ฒี่ง หมี่ อ๊ะ.
16ลูเท หฑวน เถา นิ่น เญย มา-ปั่ว วั้ว, นาโอมี หน่าย ก๋า, “ญาม อ่า, ฮนั้ง หาย นอ?”
ลูเท ก๊อง เหฑ่ง โบอาด ฮนั้ง หาย นอ เถง นิ่น ปุน นิ่น เญย มา-ปั่ว หมวัง. 17นิ่น แอ๋ง ก๊อง, “นิ่น หย่า ปุน น้าย เหยียด ท้ง เบย้า เยีย หย่า ก๊อง, ‘ไม้ ตู๋ง ขูง-ปั์ว แปะ เหฒา หฑวน เม่ย เญย มา-ปั่ว วั้ว.’”
18นาโอมี ก๊อง บั๋ว นิ่น, “ญาม อ่า, ฒั้ว เจี๊ยน หมวัง ก๋า น้าย เต๋ย สี่ อ๋อย ธ้วด ต้าย ฮนั้ง หาย นอ. อี้ ฮนอย วั้ว เต้า เมี่ยน ฒู้ง ไม้ ฮิด ขวน เถา เบ่น ซูง น้าย เต๋ย สี่.”
Currently Selected:
ลูเท 3: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007