ลูเท 4
4
โบอาด เหธา ลูเท ตอง จา
1โบอาด มี่ง วั้ว ฒี่ง แก้ง, เมี่ยน กั๊บ ฒุ้น เญย ต๋อง, เฒว์ย เจี๊ยน. ต้ง โบอาด ก๊อง วั้ว เต้า เก้า เธียน เจี๋ย เญย เธียน-เธะ หย่า เจี๋ย วั้ว. โบอาด ก๊อง, “โล์-แกง อ่า, ต้าย เฒว์ย เจี๊ยน น้าย โอ่.” วั้ว เต้า ฯฒฯ มี่ง เฒว์ย เจี๊ยน.
2โบอาด ฯฒฯ เห่ว เหฒียบ เต้า วั้ว นอม ฒี่ง เญย เมี่ยน โก๋ ต้าย หย่า บั๋ว นิ่น บัว, “โท้ ต้าย เฒว์ย เจี๊ยน น้าย โอ่.” นิ่น บัว ฯฒฯ เฒว์ย เหฌี่ย. 3โบอาด บั๋ว เก้า เธียน เจี๋ย วั้ว เต้า เธียน-เธะ,#4:3 เป๊ย หมั่ง ลูเท 2:20. “นาโอมี เยียม โมอับ เต่ย-ปูง หฑวน ต้าย. นิ่น อ๋อย หม่าย บัว เญย เธียน-เธะ, เอลีเมเล้ก, เญย วั้ว ฑง เดา. 4เยีย ฯฒฯ ฮนั้ม ต้าย อ๋อย หฒุ ปุน เม่ย ฮิ้ว ตุ๊ น้าย เต๋ย เจ๊า-โหล่ว, หย่า ปุน เม่ย ตอง เจี๊ยน เฒว์ย น้าย เญย เมี่ยน โก๋ เหธา เยีย เญย ป๊วน-มู้ง เญย เมี่ยน โก๋ หฒัวะ น้าย ฑง เดา. สี ก๊อง เม่ย อ๋อย หฒัวะ นอ, กุ๊น หฒัวะ. ไม้ อ๋อย นอ, โท้ บั๋ว เยีย, เยีย ฯฒฯ ฮิ้ว. ธ้วด ลิ์ว เม่ย, ไม้ ม่าย หาย เต้า ม่าย เล์ย หฒัวะ. เจี๋ย มี่ง วั้ว เต้า แอ๊ะ, เซ เยีย.”
วั้ว เต้า เมี่ยน ก๊อง, “เยีย อ๋อย หฒัวะ เญย.”
5โบอาด ก๊อง, “ฮนั้ง หน่าย, เม่ย ม์าย นาโอมี เญย เดา วั้ว ฮนอย, เม่ย หย่า ตุ๊ วั้ว เต้า โมอับ เมี่ยน เอ๊า-กว๊า, ลูเท, โหฒว เม่ย เญย เอ๊า, เหว่ย ปุน ไต่ มี่ง เญย เมี่ยน เญย บั๋ว เยียม นิ่น หฑิบ เญย เดา.”
6วั้ว เต้า เมี่ยน ก๊อง, “ฮนั้ง หน่าย เยีย ไม้ ม์าย อ๊ะ. เหฑีย ไฮ่ หละเญ้า หฒุ เยีย กั้น หฑิบ เญย ป่วน. เม่ย กั้น กุ๊น หฒัวะ อ๊ะ. เยีย ไม้ ไฮ่.”
7โล์-ฮนอย เยียม อิสะลาเอน เต่ย-ปูง หฒิว นิ่น บัว เหลียบ ต้าย เญย เล์ย, ม่าย เมี่ยน หฒัวะ ไฟ เหยี่ยน หาย หญู่ง นอ, ม่าย เต้า อ๋อย หฒุ ทุด เจี๊ยะ เฮ่ ต้าย ธุ้น วั้ว เต้า. นิ่น บัว ฮนั้ง หน่าย โหฒว ฒอง-เหฒง ปุน ธีง เอย เจี๊ยน เล์ย ซูง หมี่ อ๊ะ.#หฑั่ม เล์ย-หลัด 25:9
8เก้า เธียน เจี๋ย วั้ว เต้า เธียน-เธะ ก๊อง, “เม่ย กั้น ม์าย ม่าะ!” วั้ว หฒั่น, นิ่น ฯฒฯ ทุด ฆอย นิ่น กั้น เญย เฮ่ ปุน โบอาด.#4:8 ฮิบลู หว่า ไม้ ก๊อง ปุน โบอาด มป่า เอ๋ย เล์ย เซ ฮนั้ง หน่าย. เป๊ย หมั่ง ลูเท 4:7.
9โบอาด ฯฒฯ ก๊อง บั๋ว วั้ว เต๋ย เมี่ยน โก๋ เหธา เยียม วั้ว เญย หฒวัง เมี่ยน, “เม่ย บัว อี้ ฮนอย โหฒว ฒอง-เหฒง เมี่ยน. เยีย เถง นาโอมี ม์าย เอลีเมเล้ก เหธา คิลิโอน เหธา มาโลน เญย เหยียด ฒู้ง จา-ตี้ง. 10เยีย หย่า ตุ๊ มาโลน เญย เอ๊า-กว๊า, โมอับ เมี่ยน มเซียะ ตอน, ลูเท, โหฒว เยีย เญย เอ๊า เหว่ย ปุน ไต่ มี่ง เญย เมี่ยน เญย บั๋ว เยียม นิ่น หฑิบ เญย เดา. ฮนั้ง หน่าย ฯฒฯ ปุน นิ่น เญย บั๋ว เยียม นิ่น เญย ป๊วน-ฝีง ป๊วน-มู้ง บุด๋ง ไม้ หฒุด. เม่ย บัว อี้ ฮนอย เป๋น ฒอง-เหฒง เมี่ยน อ๊ะ.#หฑั่ม เล์ย-หลัด 25:5-6
11เยียม ฒี่ง แก้ง เญย เมี่ยน โก๋ เหธา หฒวัง เมี่ยน ก๊อง, “เยีย บัว โหฒว ฒอง-เหฒง เมี่ยน. โท้ เฒี้ยว ปุน อ๋อย เปียะ เม่ย เญย เปย๊า น้าย เต้า มเซียะ ตอน ฮนั้ง ลาเซน เหธา เลอา,#4:11 เซ น้าย เต๋ย อี เต้า มเซียะ ตอน โหฒว อิสะลาเอน ฝีง เญย มกู๋ ถาย แงะ. ต้ง เถง เจี๊ยน เหธย เจี์ย อิสะลาเอน ฝีง วั้ว เต๋ย อี เต้า. โท้ เฒี้ยว ปุน เม่ย เยียม เอฟาทา ปุ๊ด ฒ่อย, หย่า เยียม เบดเลเฮม ม่าย เม่ง โห่. 12โท้ เฒี้ยว ปุน เม่ย เยียม น้าย เต้า มเซียะ ตอน ตุ๊ ต้าย เญย ฝุเจว๊ย ฟุน-ฟะ ฮนั้ง เปเล้ด, ต้ง ทามา ยู์ง ปุน ยูดา วั้ว เต้า ฟุน-ฟะ.”#ทิน เต่ย โต้ว 38:27-30
ดาวิด ฮู่ง เญย โต้ว ฒง
13ฮนั้ง หน่าย โบอาด ฯฒฯ ต้อ ลูเท มี่ง โหฒว เอ๊า. หล่ง เจี๊ยน, เฒี้ยว ปุน นิ่น ไฮ่ ม่าย กู้งว์า, ยู์ง ตุ๊ เต้า ตอน. 14มู้ง หฒั่ง เญย มเซียะ ตอน ก๊อง บั๋ว นาโอมี, “เธง เฒี้ยว เหว่ย หฒุ อี้ ฮนอย นิ่น ไม้ กวั่ง เม่ย ไม้ ม่าย เธียน ไห่ เญย เธียน-เธะ. โท้ เฒี้ยว ปุน น้าย เต้า ตอน เยียม อิสะลาเอน เมี่ยน บุด๋ง ม่าย เม่ง โห่. 15น้าย เต้า ตอน ไฮ่ ปุน เม่ย เญย แหม่ง แอ๋ง หลง เจี์ย ต้าย. โก๋ เญย เฒี่ยง โห่ นิ่น หย่า อ๋อย ยู์ง เม่ย, โก๋ว เม่ย, เหว่ย หฒุ เม่ย เญย บวั์ง ยู์ง นิ่น ต้าย. น้าย เต้า บวั์ง ฮนั้ม ไห่ เม่ย หย่า เหว่ย เม่ย โหฒว เญย เซ เก้า หลง เสี่ย เต้า ตอน.”
16นาโอมี ฯฒฯ ฮล้อบ เจี๊ยน น้าย เต้า กู้งว์า-ฟุน, เฒว์ย เหฌี่ย อัน เจี๊ยน ธั่ม ฒุ่ย เหว่ย ฝุน เป๋น นิ่น เญย ตอน, หย่า ต้อ นิ่น. 17เยียม วั้ว นอม มู้ง เญย มเซียะ ตอน ก๊อง, “นาโอมี ตุ๊ เต้า ตอน-ฟุน ต้าย อ๊ะโล่ะ!” นิ่น บัว ฯฒฯ เถง นิ่น ธ้วด บั๋ว เห่ว โอเบด.#4:17 โอเบด น้าย นอม บั๋ว ไฮ์ ฮนั้ง ฮิบลู หว่า ก๊อง โปว. โอเบด โหฒว เจียดซี เญย เตีย. เจียดซี โหฒว ดาวิด เญย เตีย.
18เยียม น้าย มี่ง ก๊อง เปเล้ด เญย เฒ้ย-ฟุน.
เปเล้ด โหฒว เฮ้ดโลน เญย เตีย,
เฮ้ดโลน โหฒว ลาม เญย เตีย,
19ลาม โหฒว อัมมีนาดับ เญย เตีย,
20อัมมีนาดับ โหฒว นาโซน เญย เตีย,
นาโซน โหฒว สันโมน#4:20 ม่าย เต๋ย โล์-ฮนอย โซว ก๊อง สันมา. เญย เตีย,
21สันโมน โหฒว โบอาด เญย เตีย,
โบอาด โหฒว โอเบด เญย เตีย,
22โอเบด โหฒว เจียดซี เญย เตีย,
เจียดซี โหฒว ดาวิด เญย เตีย.
Currently Selected:
ลูเท 4: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007