สีง ฑูง 91
91
สีง ฑูง 91
ทิน-ฮู่ง ต้ง เปว ว้วน เยีย บัว วั้ว เต้า
1หาย เต้า เยียม ฮลัง เจี๋ย วั้ว เต้า เญย ท้อง ล่าง ต๋อง,
เซ หฒัน เยียม เน่น เจี๋ย วั้ว เต้า#91:1 ฮิบลู หว่า ก๊อง ซัดได. เญย ต้ง ลิ่น กะญั์ว,
2วั้ว เต้า ฯฒฯ ก๊อง บั๋ว เฒี้ยว,
“เม่ย เซ เยีย ด้าว เขา เญย ต๋อง, เหธา เว่ย ว้วน เญย ต๋อง,
เยีย เญย ทิน-ฮู่ง, ต้ง เยีย เขา วั้ว เต้า.”
3นิ่น อ๋อย เหฌียว เม่ย ซิ้ม ดุ๊ด แฒง เหนาะ เมี่ยน เญย โขว,
เหธา โตะ ไห่ เญย ววน-แป่ง.
4นิ่น ฒู้ง หล่ง นิ่น เญย ด๊าด ก๊ม เจี๊ยน เม่ย.
เยียม นิ่น เญย ด๊าด กะเดี๊ย ฯฒฯ ปุน เม่ย ม่าย ด้าว เขา เญย ต๋อง.
นิ่น เหฒียบ ฒัวะ เญย เฮญี้ยว โหฒว ต้ม ท้อง-ป้าย, ฟิ้ว-ท้อง-ป้าย เปว เจี๊ยน.
5เม่ย หย่า ไม้ หฒุ กั้ม เหฑีย ลู่ง ม์วน-หฒั่น เญย เฮ้ย สี่,
ไฟ ลู่ง ฮนอย หฒั่น ป๊วน ต้าย เญย ฟอง-ธัง,
6ไฟ ลู่ง ม์วน หฒั่น ต้าย เญย ต้ม ววน-แป่ง,
ไฟ ลู่ง อ๋าน หฒั่น ปุน เมี่ยน หฒุ เหมียด เญย เหฒะ หน่าน.
7เหฑีย ไฮ่ ม่าย เหยียด ธิน เต้า เมี่ยน คีง เหฌี่ย เม่ย เญย กะเฮลน,
เหยียด หว่าน เต้า คีง เหฌี่ย เม่ย เญย บย่าว แหมง,
มป่า น้าย เต๋ย สี่ ไม้ ต้าย นิด ฟัด เม่ย.
8เม่ย กั้น เญย มฒีง ฯฒฯ หมั่ง ปวัด
วิ่น ปุน เอ๊าะ เมี่ยน หฒุ ตี่ง เญย ฒุ์ย.
9เหว่ย หฒุ เม่ย ปุน เฒี้ยว, โหฒว เม่ย#91:9 ฮิบลู หว่า ก๊อง เยีย. ด้าว เขา วั้ว เต้า,
เซ เยียม ฮลัง เจี๋ย วั้ว เต้า, เป๋น เม่ย เยียม เญย ต๋อง,
10ไม้ ม่าย หาย หญู่ง เธี้ยว เญย สี่ ด๊อด หฒุ เม่ย.
ไม้ ม่าย หาย หญู่ง เซียม เญย เหฒะ หน่าน ต้าย นิด ฟัด เม่ย เญย เปย๊า,#91:10 ฮิบลู หว่า ก๊อง ด๊บ-ลิ่ว.
11เหว่ย หฒุ ทิน-ฮู่ง อ๋อย พ้าย นิ่น เญย ฟิน-เมี่ยน โก๋ว เจี๊ยน เม่ย,
เปว เจี๊ยน เม่ย ไม้ กุ๊น เม่ย มี่ง เถา หาย.#มัดทาย 4:6; ลูกา 4:10-11
12นิ่น บัว อ๋อย หล่ง ปั์ว โป้ว เจี๊ยน เม่ย,
ไม้ ปุน เม่ย เญย เหฒา ฒง หฒุ หละเปย๊ย.
13เม่ย อ๋อย ธ้าย เซี่ยน เหธา นาง-เจี๊ยะ,
อ๋อย ดั่ม เซี่ยน หลุน เหธา ต้ม นาง.#ลูกา 10:19
14ทิน-ฮู่ง ก๊อง, “เหว่ย หฒุ นิ่น หล่ง เฮญี้ยว ฮนั้ม เยีย, เยีย ฯฒฯ เตา นิ่น.
เยีย อ๋อย เปว เจี๊ยน นิ่น, เหว่ย หฒุ นิ่น เหญี่ยม เยีย เญย บั๋ว.
15สี ก๊อง นิ่น เห่ว เยีย, เยีย ฯฒฯ เตา นิ่น.
นิ่น ปวั้ง หฒุ หาย หญู่ง หน่าน ฒี่ง, เยีย อ๋อย เหธา นิ่น เยียม.
เยีย อ๋อย เหฌียว นิ่น หย่า ท่าย นิ่น.
16เยีย อ๋อย ปุน นิ่น ปวั๊ง เอ๋ย ตุ๊ เสี่ยว ญ่วน ด๊าว,
หย่า ปุน นิ่น ปวัด เยีย เญย เหฌียว เอน.”
Currently Selected:
สีง ฑูง 91: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
