สีง ฑูง 90
90
ตะเฝย ป๊วน
(สีง ฑูง 90—106)
สีง ฑูง 90
เหยียด ลิ์ว เฒี่ยง เญย ทิน-ฮู่ง เหธา ไฮ่ ไต่ เญย ป้าม เมี่ยน
ทิน-ฮู่ง เญย เมี่ยน, โมเซ, เต๋า เก๋า เญย หว่า.
1เฒี้ยว อ่า, หม่าน โก๊ว หม่าน ต่อย
เม่ย โหฒว เยีย บัว เยียม เญย ต๋อง.#90:1 ม่าย เต๋ย ฟาน ต้าย ก๊อง ด้าว เขา เญย ต๋อง.
2ฒิ่น ด่าง เม่ย ไม้ แก้ง เหฒย ธ้วด บง,
หย่า ไม้ แก้ง เหฒย เดา-เป้ย เหธา ป้าม เกน,
เยียม โล์! ฮนอย เถา ฆะฮ้า ฮี้ง เม่ย มต้าย โหฒว ทิน-ฮู่ง เถา เหยียด ลิ์ว.
3เม่ย ปุน เมี่ยน หฑวน เป๋น เนีย-บูง.
เม่ย ก๊อง, “ป้าม เมี่ยน เญย น่าม โญ์ว อ่า,
อ๋อย หฒุ หฑวน เป๋น เนีย-บูง.”
4เหว่ย หฒุ หฒิว เม่ย หมั่ง,
เหยียด ธิน หฮญัง เซ ฮนั้ง เจี๋ย ลิ์ว เญย เหยียด ฮนอย,
ไฟ ฮนั้ง ลู่ง ม์วน หฒั่น เหยียด แกง นอ.#2 ปีเต 3:8
5เม่ย กว๊าด เมี่ยน มี่ง หมี่ อ๊ะ.
นิ่น บัว ฮนั้ง เบ๋ย นอม เบ๋ย นอ,
หย่า ฮนั้ง ลู่ง ดอม เฑี้ยว ธ้วด ต้าย เญย เมี้ย,
6ลู่ง ดอม เฑี้ยว แป๊ด ธ้วด โฮล ต้าย,
ลู่ง ม์าน-หฮมวัง เหญา, โคว ฆาย หมี่ อ๊ะ.
7เยีย บัว หฒุ เม่ย เฉีย เจี์ย, เหมียด เหฑ่ง เยีย บัว.
หฒุ เม่ย โน์ว ฯฒฯ แฮะ เยีย บัว กั้ม เหฑีย ไห่.
8เม่ย เฒาะ เยีย บัว เญย ฒุ์ย ป๊าย เจี๊ยน เม่ย เญย หฑะเฮมียน,
เฒาะ เยีย บัว ปี๋ง เจี๊ยน โหฒว เญย ฒุ์ย อัน เม่ย เญย หฑะเฮมียน, ฌัง เญย ต๋อง.
9เยีย บัว เฒี่ยง เจี๊ยน เญย เหยียด ฒู้ง ฮนอย-เหญียะ หฒุ เม่ย โน์ว.
เยีย บัว เฒี่ยง เญย หฮญัง-ต้าว เจี๋ย ลิ์ว ฮนั้ง เท้า หฑุ่น เฉีย-โดะ นอ.
10เยีย บัว เญย หฮญัง-ต้าว เฒี่ยง ตุ๊ เถา เธี้ยด เหฒียบ,
เฮ้น เญย นอ, ไฮ่ เฒี่ยง เถา เป๊ด เหฒียบ,
มป่า น้าย เต๋ย เฒี่ยง โห่ กะญั์ว ขูง ล่าว หลุ่ย, เฑ่า โค้ว ฮนั้ง,
ไม้ เล่า เจี๋ย ลิ์ว อ๊ะ. เยีย บัว หย่า ฟี่ ฮนั้ง เญย เจี๋ย หมี่ อ๊ะ.
11หาย เต้า เม่ง แปะ เม่ย เฉีย เจี์ย เญย ชะ?
หาย เต้า ฮิ้ว เม่ย โน์ว เญย เจ๊า ฮนั้ง ท่าย เม่ย เญย เมี่ยน?
12โท้ หฌาว เยีย บัว ซ้าว กั้น เญย ฮนอย-เหญียะ,
เหว่ย ปุน เยีย บัว ไฮ่ ม่าย ธง-เม่ง เญย เฮญี้ยว.
13โอ เฒี้ยว อ่า, เม่ย อ๋อย เฉีย เจี์ย ด่ง หาย เล่า?
โท้ ฮวิน หฑวน ต้าย.
โท้ ค้อ-เลี่ยน เม่ย เญย โปว.
14โท้ ปุน เยีย บัว ดอมๆ ปวั๊ง เอ๋ย เม่ย เหฒียบ ฒัวะ ฮนั้ม เญย เฮญี้ยว,
เหว่ย ปุน เยีย บัว เหยียด เสย เฌียน-โย่ว อะเฮน้ย.
15โท้ ปุน เยีย บัว ตุ๊ เฌียน-โย่ว
ด่ง เม่ย ปุน เยีย บัว หฒุ โค้ว เญย ฮนอย-เหญียะ เล่า,
หย่า ด่ง เยีย บัว หฒุ เธี้ยว เญย เหฒะ หน่าน เญย หฮญัง-ต้าว.
16โท้ ปุน เม่ย เญย โปว ปวัด เม่ย โหฒว เญย สี่,
หย่า ปุน นิ่น บัว เญย เฒ้ย-ฟุน ปวัด เม่ย เญย ฌัง-หล่าง เญย ชะ.
17โท้ เฒี้ยว, เยีย บัว เญย ทิน-ฮู่ง, ปุน เยีย บัว ตุ๊ หลง.
โท้ เหลียบ ว้วน เยีย บัว เญย ปั์ว โหฒว เญย กง.
โท้ หฒะเก้ง เหลียบ ว้วน เยีย บัว เญย ปั์ว โหฒว เญย กง.
Currently Selected:
สีง ฑูง 90: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
