Popular Bible Verses from สีง ฑูง 91

Share

วั้ว เต้า ฯฒฯ ก๊อง บั๋ว เฒี้ยว, “เม่ย เซ เยีย ด้าว เขา เญย ต๋อง, เหธา เว่ย ว้วน เญย ต๋อง, เยีย เญย ทิน-ฮู่ง, ต้ง เยีย เขา วั้ว เต้า.”

หาย เต้า เยียม ฮลัง เจี๋ย วั้ว เต้า เญย ท้อง ล่าง ต๋อง, เซ หฒัน เยียม เน่น เจี๋ย วั้ว เต้า เญย ต้ง ลิ่น กะญั์ว

สี ก๊อง นิ่น เห่ว เยีย, เยีย ฯฒฯ เตา นิ่น. นิ่น ปวั้ง หฒุ หาย หญู่ง หน่าน ฒี่ง, เยีย อ๋อย เหธา นิ่น เยียม. เยีย อ๋อย เหฌียว นิ่น หย่า ท่าย นิ่น.

เหว่ย หฒุ ทิน-ฮู่ง อ๋อย พ้าย นิ่น เญย ฟิน-เมี่ยน โก๋ว เจี๊ยน เม่ย, เปว เจี๊ยน เม่ย ไม้ กุ๊น เม่ย มี่ง เถา หาย.

นิ่น ฒู้ง หล่ง นิ่น เญย ด๊าด ก๊ม เจี๊ยน เม่ย. เยียม นิ่น เญย ด๊าด กะเดี๊ย ฯฒฯ ปุน เม่ย ม่าย ด้าว เขา เญย ต๋อง. นิ่น เหฒียบ ฒัวะ เญย เฮญี้ยว โหฒว ต้ม ท้อง-ป้าย, ฟิ้ว-ท้อง-ป้าย เปว เจี๊ยน.

เหว่ย หฒุ เม่ย ปุน เฒี้ยว, โหฒว เม่ย ด้าว เขา วั้ว เต้า, เซ เยียม ฮลัง เจี๋ย วั้ว เต้า, เป๋น เม่ย เยียม เญย ต๋อง, ไม้ ม่าย หาย หญู่ง เธี้ยว เญย สี่ ด๊อด หฒุ เม่ย. ไม้ ม่าย หาย หญู่ง เซียม เญย เหฒะ หน่าน ต้าย นิด ฟัด เม่ย เญย เปย๊า

นิ่น อ๋อย เหฌียว เม่ย ซิ้ม ดุ๊ด แฒง เหนาะ เมี่ยน เญย โขว, เหธา โตะ ไห่ เญย ววน-แป่ง.

เหฑีย ไฮ่ ม่าย เหยียด ธิน เต้า เมี่ยน คีง เหฌี่ย เม่ย เญย กะเฮลน, เหยียด หว่าน เต้า คีง เหฌี่ย เม่ย เญย บย่าว แหมง, มป่า น้าย เต๋ย สี่ ไม้ ต้าย นิด ฟัด เม่ย.

เม่ย หย่า ไม้ หฒุ กั้ม เหฑีย ลู่ง ม์วน-หฒั่น เญย เฮ้ย สี่, ไฟ ลู่ง ฮนอย หฒั่น ป๊วน ต้าย เญย ฟอง-ธัง, ไฟ ลู่ง ม์วน หฒั่น ต้าย เญย ต้ม ววน-แป่ง, ไฟ ลู่ง อ๋าน หฒั่น ปุน เมี่ยน หฒุ เหมียด เญย เหฒะ หน่าน.