สีง ฑูง 80
80
สีง ฑูง 80
โท้ ทิน-ฮู่ง ปุน อิสะลาเอน แอ๋ง ตุ๊ หลง ฮนั้ง โล์ วั้ว นอ
อาสาบ โหฒ่ เญย สีง ฑูง. จิว ปุน ต้อ ฑูง เญย เมี่ยน. หฒิว “แปะ เหาะ เปี้ยง” เญย โพว.
1โอ โก๋ว อิสะลาเอน เญย เฒี้ยว อ่า,#80:1 ฮิบลู หว่า ก๊อง “โก๋ว ปะกี ยู่ง เญย เมี่ยน”.
ต้ง ต้อ โยเซ้บ เญย เฒ้ย-ฟุน ฮนั้ง ต้อ ปะกี ยู่ง วั้ว เต้า อ้า!
โท้ แปง มน่อม หมวัง.
เม่ย เยียม วั้ว เต๋ย อี เต้า เคลูบิม บุด๋ง#80:1 ฟาน หฒะ ก๊อง กู้ หงว่าย เญย เหว่ย,
โท้ แอ๊ง ธ้วด เม่ย เญย ฌัง,#ธ้วด อียิบ 25:22
2เยียม เอฟาอิม, เบนยามิน เหธา มะนัดเส ฝีง เญย หฑะเฮมียน.
โท้ หล่ง เม่ย เญย ต้ม ชะ
ต้าย เหฌียว เยีย บัว.
3โอ ทิน-ฮู่ง อ่า, โท้ ปุน เยีย บัว แอ๋ง ตุ๊ หลง ฮนั้ง โล์ วั้ว นอ.
โท้ ปุน เม่ย เญย เฮมียน แอ๊ง ธ้วด ฌัง,
เหว่ย ปุน เยีย บัว ตุ๊ เหฌียว.
4โอ เฒี้ยว, เน่น เจี๋ย เญย ทิน-ฮู่ง อ้า!
เม่ย อ๋อย เฉีย เจี์ย เม่ย เญย แปะ ฝีง เต๋า เก๋า เญย หว่า ด่ง หาย เล่า?
5เม่ย เฒาะ ววม-เหมว่ย ต๋อง หฮนาง ปุน นิ่น บัว หญั่น,
แอ๋ง ฮลาว ววม-เหมว่ย ธั้ม เญย ปุน นิ่น บัว ฮบ.
6เม่ย ปุน เว่ย ก๋อม เยีย บัว วั้ว เต๋ย ฝีงๆ เมี่ยน
แฑง เยีย บัว เญย เต่ย-ปูง.
เยีย บัว เญย วิน-วั้ง ล่ม ฑ่อย จั๊ด.
7โอ เน่น เจี๋ย เญย ทิน-ฮู่ง อ่า,
โท้ ปุน เยีย บัว แอ๋ง ตุ๊ หลง ฮนั้ง โล์ วั้ว นอ.
โท้ ปุน เม่ย เญย เฮมียน แอ๊ง ธ้วด ฌัง,
เหว่ย ปุน เยีย บัว ตุ๊ เหฌียว.
8เม่ย ต้อ ติ้ว อะหงุ่น เฮมย ธ้วด อียิบ,
เม่ย หฒุ่น ธ้วด ฝีงๆ เมี่ยน,
เฒาะ น้าย ติ้ว เฮมย หฒวัง เจี๊ยน.
9เม่ย เฝียว เดา ปุน ฑู่ง เหฌี่ย โด,
เฮมย บย์อง ปวั๊ง เต่ย-ปูง เหฑ่ง.
10น้าย ติ้ว เฮมย เฑีย เจี๊ยน เก้ ฒอง,
เฮมย เญย ฆว่า เฑีย เจี๋ย ต้ม สีดา ฒ่ง เดี๋ยง.
11เฮมย เญย ฆว่า บย์อง มี่ง เถา ต้ม ค้อย,
เฮมย เญย หธุน มี่ง เถา ยูเฟติด ด้าย.
12เม่ย เหว่ย หาย ติ่ว เบ๊าะ หว่าย น้าย นอม หลาด?
เจี๋ย เจ๊า เญย เหยียด ฒู้ง เมี่ยน ฯฒฯ แก๊ะ เปี๊ยว.
13เฮยี่ย ตู์ง เยียม หล่ม ธ้วด ต้าย ธ้าย หว่าย,
เยียม หล่ม-ฮวาง เญย เหยียด ฒู้ง เฮยี่ย ฒ่อย ต้าย หญั่น อ๊ะ.
14โอ เน่น เจี๋ย เญย ทิน-ฮู่ง อ่า, โท้ เม่ย ฮวิน หฑวน.
โท้ เยียม วั้ว ลู่ง หมั่ง ปวัด,
แอ๋ง โก๋ว น้าย ติ้ว อะหงุ่น เฮมย,
15ต้ง เม่ย เญย บย่าว เจี๊ยะ ปั์ว หฒวัง เญย อะหงุ่น เฮมย,
เซ เม่ย เหว่ย กั้น ปุน โฮล ต้าย เฮ้น เญย.
16นิ่น บัว หล่ง โต์ว ปั๊ว น้าย ติ้ว เฮมย หย่า ฮงะ เหฌี่ย เหฑ่ง.
โท้ ปุน นิ่น บัว ปวัด เม่ย เญย เฮมียน เฉีย เจี์ย, ฯฒฯ เหมียด นิ่น บัว.
17โท้ ปุน เม่ย เญย ปั์ว มาน เจี๊ยน เยียม เม่ย เญย บย่าว เจี๊ยะ ปั์ว เญย เมี่ยน,
เซ ต้ง เม่ย กั้น เหลียบ ต้าย เฮ้น วั้ว เต้า ป้าม เมี่ยน.#80:17 ฟาน หฒะ ก๊อง ป้าม เมี่ยน เญย ตอน.
18ฮนั้ง หน่าย เยีย บัว ฯฒฯ เหยียด ลิ์ว ไม้ ถุย หฑวน เล่ย ฆอย เม่ย.
โท้ ปุน เยีย บัว ตุ๊ แหม่ง เฒี่ยง,
เยีย บัว ฯฒฯ โจ้ว เม่ย, เขา เม่ย เญย บั๋ว.
19โอ เน่น เจี๋ย เญย เฒี้ยว ทิน-ฮู่ง อ่า,
โท้ ปุน เยีย บัว แอ๋ง ตุ๊ หลง ฮนั้ง โล์ วั้ว นอ.
โท้ ปุน เม่ย เญย เฮมียน แอ๊ง ธ้วด ฌัง,
เหว่ย ปุน เยีย บัว ตุ๊ เหฌียว.
Currently Selected:
สีง ฑูง 80: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
