สีง ฑูง 81
81
สีง ฑูง 81
ทิน-ฮู่ง โหฒว หลง มป่า อิสะลาเอน เมี่ยน ไม้ หมวัง หว่า
จิว ปุน ต้อ ฑูง เญย เมี่ยน. หฒิว กิดทิด. อาสาบ โหฒ่ เญย สีง ฑูง.
1ป๋าว ฑูง เธง ทิน-ฮู่ง, เยีย บัว เญย ชะ.
เฌียน-โย่ว เญย เห่ว เจี๊ยน เธง ยาโค้บ เญย ทิน-ฮู่ง.
2เจี์ย กอน ป๋าว ฑูง, เบ๊าะ โฑ์,
หล่ง ต้ม ต้าน ป้า เหธา ฟิ้ว-ต้าน ป้า
พัด คู่ หมวัง เญย ฑูง.
3เซียง-หฮลา เหธา เหฒียบ ฮม์,
ต้ง หฮลา จุ้น วั้ว ฮนอย,
เจี๋ย ฒิบ อ๋อย หฒุ ปย๊ม หฑัด.#ซ้าว เมี่ยน 10:10
4น้าย เซ เหว่ย อิสะลาเอน เป๋น ติ้ว เล์ย-เหญ่ย,
เป๋น ยาโค้บ เญย ทิน-ฮู่ง เญย เล์ย.
5นิ่น ธ้วด มี่ง เบ๊าะ อียิบ เต่ย-ปูง วั้ว หฒั่น,
นิ่น เยียม โยเซ้บ เญย เฒ้ย-ฟุน บุด๋ง เหลียบ น้าย ติ้ว หลี่ง.
เยียม วั้ว เยีย บัว ตุ๊ ไฮ์ เยีย บัว หมวัง ไม้ เม่ง แปะ เญย หว่า ก๊อง,
6“เยีย เฒาะ เม่ย บัว#81:6-10 ฮิบลู หว่า ขูง ก๊อง เม่ย มป่า ก๊อง หฒุ เหยียด ฝีง เมี่ยน. เหญีย เฮนี้ย เญย กะน้าย โป้ว เหฌี่ย,
หย่า เฒาะ เม่ย บัว#81:6 เม่ย บัว ฮิบลู หว่า ก๊อง นิ่น. เญย ปั์ว โป้ว เญย ดาน ปู๋ง เหฌี่ย มี่ง.
7หฒุ หน่าน ฒี่ง เญย เฒี่ยง โห่ เม่ย บัว เห่ว, เยีย หย่า เหฌียว เม่ย บัว.
เยีย เยียม บ๋วน-เจี๊ยะ, บะอง ปี๋ง เญย ต๋อง, เตา เม่ย บัว.
เยีย เยียม เมลีบา ววม เสย เม่ย บัว.#ธ้วด อียิบ 17:7; ซ้าว เมี่ยน 20:13 เซลา
8“โอ เยีย เญย แปะ ฝีง อ้า! หมวัง เยีย ขวิน เม่ย บัว.
โอ อิสะลาเอน เมี่ยน อ้า! เฝย ตุ๊ เม่ย บัว หมวัง เยีย ก๊อง เญย หว่า.
9เยียม เม่ย บัว บุด๋ง ไม้ ตู๋ง ม่าย เหญี่ย เญย เฒี่ยน,
ไม้ ตู๋ง เกว่ย เหฌี่ย ป๋าย กั้น ฝีง เญย เฒี่ยน.#ธ้วด อียิบ 20:2-3; หฑั่ม เล์ย-หลัด 5:6-7
10เยีย เซ เฒี้ยว, เม่ย บัว เญย ทิน-ฮู่ง,
ต้ง ต้อ เม่ย บัว ธ้วด อียิบ วั้ว เต้า.
เม่ย บัว อ๋อย หฒุ หมอง ฑุ่ย โฮล เญย,
เยีย ฯฒฯ หวุย เม่ย บัว เป๊ว.
11“มป่า เยีย เญย เมี่ยน ไม้ หมวัง เยีย เญย หว่า.
อิสะลาเอน เมี่ยน ฒู้ง ไม้ หล่ง เยีย.
12เยีย ฯฒฯ เซว่ย ปิ่น นิ่น บัว หฒิว นิ่น บัว เฮญี้ยว แหง่ง เญย เอ๋ย โหฒว.
เซว่ย นิ่น บัว เอย นิ่น บัว กั้น เญย หฒะเอ๋ย.
13“เฝย ตุ๊ เยีย เญย แปะ ฝีง หมวัง เยีย เญย หว่า.
เฝย ตุ๊ อิสะลาเอน เมี่ยน ยั่ง เยีย เญย เจ๊า.
14เยีย ฯฒฯ เซี้ยบๆ เญย ฮี่ง เจี๋ย นิ่น บัว เญย วิน-วั้ง,
ฮวิน หฑวน เธา ปั์ว เบ๊าะ นิ่น บัว เญย วิน-จา.
15ฑอง เฒี้ยว เญย เมี่ยน ฒู้ง หฒุ บ๊าบ เหฌี่ย นิ่น เญย หฑะเฮมียน,
นิ่น บัว หย่า หฒุ ตี่ง ฒุ์ย เถา เหยียด ลิ์ว.
16 เฒี้ยว อ๋อย เฒาะ เก้า หลง เจี๋ย เญย เบย้า#81:16 เซ เบย้า วิด. ปุน เม่ย บัว หญั่น,
หย่า เฒาะ เยียม หละเปย๊ย-แบ๋ง เญย เมว์ย-ต้อง ปุน เม่ย บัว ปวั๊ง เฮญี้ยว.
Currently Selected:
สีง ฑูง 81: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
