สีง ฑูง 79
79
สีง ฑูง 79
เฑ่า เหว่ย หฒุ เยลูซาเลม ฒี่ง หฒุ ป่าย หว่าย
อาสาบ โหฒ่ เญย ฑูง.
1โอ ทิน-ฮู่ง อ่า, กั้น ฝีง เมี่ยน ต้าย เปียะ เม่ย กั้น หฑิบ เญย เต่ย-ปูง.
นิ่น บัว ปุน เม่ย เญย ธีง-เหฑ่ง เปย๊า ม่าย หวุย,
ปุน เยลูซาเลม ฒี่ง บาง เหฑ่ง.#2 ฮู่ง โต้ว 25:8-10; 2 ฒุ่น ต่อย โต้ว 36:17-19; เยเลมี 52:12-14
2นิ่น บัว เฒาะ เม่ย เญย โปว เญย เซย
โหฒว ลู่ง หฒั่ง เหนาะ เญย หญั่น ฮบ,
เฒาะ เม่ย เญย ธีง-เหฑ่ง แปะ ฝีง เญย อ๊อ ปุน เดา-เป้ย เญย เฮยี่ย ฒ่อย หญั่น.
3นิ่น บัว ปุน เม่ย เญย แปะ ฝีง เญย ฑย้าม เหลี่ยว ธ้วด ฮนั้ง ววม นอ,
ก๋อม เหฑ่ง เยลูซาเลม.
ฒู้ง ไม้ ม่าย เมี่ยน ปย๊บ เซย.
4เยีย บัว หฒุ จวั่ง ล์าง เมี่ยน คี เยีย บัว,
หฒุ เว่ย ก๋อม เญย เมี่ยน จั๊ด หย่า ฮว้วด เยีย บัว.
5โอ เฒี้ยว อ่า, เม่ย อ๋อย เฉีย เจี์ย เยีย บัว ด่ง หาย เล่า? เถา เหยียด ลิ์ว ไฟ?
เม่ย อ๋อย เฉีย เจี์ย หั่น ไห่ ฮนั้ง โต์ว ปั๊ว เจี๊ยน เถา หาย หฒั่น?
6โท้ ปุน ไม้ เหญี่ยม เม่ย วั้ว เต๋ย ฝีงๆ เมี่ยน
เหธา ไม้ เห่ว เม่ย เญย บั๋ว วั้ว เต๋ย หม่าน กั๊วะ, หฒุ เม่ย เญย กะเฉีย แป๊ด ธ้วด ปุน นิ่น บัว.#79:6 ฮิบลู หว่า ก๊อง “...หฒุ เม่ย เฉีย เจี์ย ฮนั้ง หฒุ โต๋ ธ้วด ปุน นิ่น บัว นอ”.
7เหว่ย หฒุ นิ่น บัว นะ เหฑ่ง ยาโค้บ เญย เฒ้ย-ฟุน,
หย่า ปุน นิ่น เยียม เญย ต๋อง เป๋น เดา-ฮวาง.
8โท้ เม่ย ไม้ ตู๋ง จั๋ง เยีย บัว เญย อง-ถาย โหฒว เญย ฒุ์ย,
ปุน เยีย บัว ไม้ หฒุ หลาย นิ่น บัว ตี่ง ฒุ์ย.
โท้ เซี้ยบๆ เญย ค้อ-เลี่ยน เยีย บัว
เหว่ย หฒุ เยีย บัว โค้ว เถา เดี๊ย, ไม้ ลั่ม ฮนั้ม ต๋อง.
9โอ เยีย บัว เญย เหฌียว เฒี้ยว, ทิน-ฮู่ง อ่า,
โท้ เม่ย เหว่ย เม่ย เญย เม่ง เญย ฌัง-หล่าง เถง เยีย บัว.
โท้ เหว่ย เม่ย เญย เม่ง เหฌียว เยีย บัว,
หย่า กวั่ง เยีย บัว เญย ฒุ์ย.
10กั้น ฝีง เมี่ยน เหว่ย หาย ติ่ว หน่าย,
“เม่ย บัว#79:10 ฮิบลู หว่า ก๊อง นิ่น บัว. เญย ทิน-ฮู่ง เยียม หาย?”
โท้ ปุน เยีย บัว กั้น เญย มฒีง ปวัด
เม่ย จ๊าว หม่าน กั๊วะ เมี่ยน เญย วิน,
เหว่ย หฒุ นิ่น บัว ปุน เม่ย เญย โปว เญย ฑย้าม เหลี่ยว ธ้วด.
11โท้ เม่ย หมวัง ไฮ์ หฒุ หววน เญย เมี่ยน ฌุ่น เญย เฉีย,
หย่า หฒิว เม่ย เญย ต้ม ชะ เปว เจี๊ยน
วั้ว เต๋ย อ๋อย หฒุ ไต่ เญย เมี่ยน.
12โอ เฒี้ยว อ่า, โท้ ปุน ก๊อง โตะ คี เม่ย วั้ว เต๋ย เว่ย ก๋อม เญย ฝีงๆ เมี่ยน
แอ๋ง หฒุ จา เฮนี้ย เถา เสี่ย โก๊ว.
13ฮนั้ง หน่าย เยีย บัว, เม่ย เญย แปะ ฝีง,
อ๋อย เหยียด ลิ์ว ตอ-เหฒี่ย เม่ย.
เยีย บัว อ๋อย เธง เม่ย
เถา หม่าน โก๊ว หม่าน ต่อย.
Currently Selected:
สีง ฑูง 79: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
