สีง ฑูง 78
78
สีง ฑูง 78
ทิน-ฮู่ง ต้อ นิ่น เญย แปะ ฝีง ไม้ กุ๊น นิ่น บัว ไม้ เหฒียบ ฒัวะ
อาสาบ โหฒ่ เญย มัดคิน ฑูง.
1โอ เยีย เญย แปะ ฝีง อ้า! เม่ย บัว อ๋อย หฒุ หมวัง เยีย หฌาว เญย เจ๊า,
อ๋อย หฒุ แปง มน่อม หมวัง เยีย เญย ฑุ่ย ก๊อง เญย หว่า.
2เยีย อ๋อย ก๊อง หว่า-เป๊ย,
หย่า อ๋อย ก๊อง ธ้วด โล์-ฮนอย เกม เจี๊ยน เญย สี่.#มัดทาย 13:35
3เซ เยีย บัว ตุ๊ ไฮ์ ตุ๊ ฮิ้ว เญย เจ๊า,
ต้ง เยีย บัว เญย อง-ถาย ก๊อง บั๋ว เยีย บัว เญย สี่.
4เยีย บัว ไม้ เฒาะ น้าย เต๋ย สี่ ปี๋ง เยีย บัว#78:4 ฮิบลู หว่า ก๊อง นิ่น บัว. เญย ตอน-เจว๊ย,
ฒู้ง อ๋อย บั๋ว เจี๋ย มี่ง วั้ว ต่อย.
อ๋อย ก๊อง เฒี้ยว โหฒว ผุย ตุ๊ เธง เญย สี่,
หย่า ก๊อง เถา นิ่น เญย ชะ
เหธา นิ่น โหฒว บัวะ ฮ่อง เญย สี่.
5นิ่น เยียม ยาโค้บ เญย เฒ้ย-ฟุน บุด๋ง เหลียบ เล์ย-เหญ่ย,
เยียม อิสะลาเอน เหฌี่ย หลี่ง,
ต้ง นิ่น หัด เยีย บัว เญย อง-ถาย
อ๋อย หฒุ หฌาว นิ่น บัว เญย ฟุน-ฟะ,
6เหว่ย ปุน ฆะฮ้า วั้ว ต่อย เฒ้ย-ฟุน, ต้ง ไม้ แก้ง ธ้วด เสย วั้ว เต๋ย, ฮิ้ว ตุ๊
ฯฒฯ หฑิบ เจี๊ยน ก๊อง บั๋ว นิ่น บัว กั้น เญย ตอน-เจว๊ย เฒ้ย-ฟุน.
7ฮนั้ง หน่าย นิ่น บัว ฯฒฯ เขา ทิน-ฮู่ง ม่าย ลั่ม ฮนั้ม ต๋อง,
หย่า ไม้ หละคุ ทิน-ฮู่ง โหฒว เญย สี่,
มป่า เอย เจี๊ยน นิ่น เญย เล์ย-หลัด โหฒว.
8นิ่น บัว ฯฒฯ ไม้ ฮนั้ง นิ่น บัว เญย อง-ถาย นอ,
ต้ง เฮญี้ยว แหง่ง ฟ้าน หลุ่น วั้ว ต่อย เมี่ยน.
วั้ว ต่อย เมี่ยน ไม้ เขา ว้วน ทิน-ฮู่ง,
นิ่น บัว เญย เฮญี้ยว หย่า ไม้ เหฒียบ ฒัวะ กัน ทิน-ฮู่ง.
9เอฟาอิม เมี่ยน นั้น เจี๊ยน จวัง-หฒิน ฟอง-ธัง,
มป่า เถา เบ๊าะ จ๋า เญย ฮนอย-เหญียะ ถุย ฆาง หฑวน.
10นิ่น บัว ไม้ เอย ทิน-ฮู่ง เหลียบ เญย แหง่ง หว่า,
หย่า ไม้ คั้ง กัน นิ่น เญย เล์ย-หลัด.
11นิ่น บัว หละคุ นิ่น โหฒว เจี๋ย เญย สี่,
เหธา นิ่น ปุน นิ่น บัว ปวัด เจี๋ย วั้ว เต๋ย บัวะ ฮ่อง เญย สี่.
12เยียม อียิบ เต่ย-ปูง, โสอัน เญย เดา-แป้ง,
ทิน-ฮู่ง ตอง เจี๊ยน นิ่น บัว เญย อง-ถาย โหฒว บัวะ ฮ่อง เญย สี่.#ธ้วด อียิบ 7:8—12:32
13นิ่น เฒาะ ค้อย ปุน ฆอย, ปุน นิ่น บัว เจี๋ย มี่ง,
แอ๋ง ปุน ววม ดุย เจี๊ยน ฮนั้ง ฒี่ง หลาด นอ.#ธ้วด อียิบ 14:21-22
14ลู่ง ฮนอย หฒั่น นิ่น หล่ง บ๋วน,
เฒี่ยง ม์วน หล่ง โต์ว เญย ฌัง ต้อ นิ่น บัว.#ธ้วด อียิบ 13:21-22
15นิ่น เยียม เต่ย-ปูง-ฮวาง เบ๊าะ บ๋าย หละเปย๊ย,
ปุน ววม ธั้มๆ เญย นิ่น บัว ฮบ,
ฮนั้ง เยียม โด ไห่ เญย ต๋อง ธ้วด.#ธ้วด อียิบ 17:1-7; ซ้าว เมี่ยน 20:2-13
16นิ่น ปุน ววม เยียม หละเปย๊ย เบ๋ว ธ้วด เป๋น โด๊ะ,
ปุน ววม เหลี่ยว เหฌี่ย ฮนั้ง ด้าย นอ.
17มป่า นิ่น บัว หธ่อ ป์าม ฒุ์ย ต่อง ทิน-ฮู่ง.
นิ่น บัว เยียม เต่ย-ปูง-ฮวาง แหง่ง เจี๊ยน เยียม ฮลัง เจี๋ย วั้ว เต้า.
18นิ่น บัว เยียม เฮญี้ยว ตุ๊-เอ๋ย เสย ทิน-ฮู่ง,
แหง่ง เจี๊ยน เธ้ว นิ่น บัว หง่อ อ๋อย หญั่น เญย กะน้าย.#ธ้วด อียิบ 16:2-15; ซ้าว เมี่ยน 11:4-23,31-35
19นิ่น บัว ก๊อง โตะ ทิน-ฮู่ง ฯฒฯ ก๊อง,
“เยียม น้าย เต่ย-ปูง-ฮวาง
ทิน-ฮู่ง ไฮ่ ปุน หญั่น ฮบ ไฟ?”
20นิ่น เบ๊าะ หละเปย๊ย-ฒอง ปุน ววม แป๊ด ธ้วด,
ววม เหลี่ยว มี่ง เป๋น โด๊ะ ปวั๊ง เมี์ยน เหฑ่ง.
นิ่น แอ๋ง ไฮ่ เหธย ล่าง หฒิ
ไฟ ล์อ อ๊อ จวัง นิ่น เญย แปะ ฝีง ไฟ?
21 เฒี้ยว หมวัง ไฮ์ นิ่น บัว เญย หว่า ฯฒฯ เฉีย เจี์ย ไห่.
นิ่น หล่ง โต์ว ปั๊ว ยาโค้บ เญย เฒ้ย-ฟุน.
นิ่น เหยียด เฒย เก้า ฟัด เฉีย เจี์ย อิสะลาเอน เมี่ยน,
22เหว่ย หฒุ นิ่น บัว ไม้ เสียน ทิน-ฮู่ง
หย่า ไม้ เขา นิ่น เญย เหฌียว เอน.
23มป่า นิ่น หัด ลู่ง,
หย่า คอย ฆอย ลู่ง แก้ง.
24นิ่น ปุน มานา ตุ้ย เหฌี่ย ปุน นิ่น เญย แปะ ฝีง หญั่น,
หย่า ปุน ลู่ง เญย ล่าง หฒิ นิ่น บัว.#โยฮัน 6:31
25ป้าม เมี่ยน ตุ๊ หญั่น ฟิน-เมี่ยน เญย ล่าง หฒิ,
ทิน-ฮู่ง ปุน นิ่น บัว ตุ๊ หญั่น ฮบ ปู๋ง-หฒัวะ.
26ทิน-ฮู่ง ปุน ตง ปูง เญย หฑยาว เยียม วั้ว ลู่ง ป่วน ต้าย,
แอ๋ง หล่ง นิ่น เญย ชะ ต้อ น่าม ปูง เญย หฑยาว ธ้วด ต้าย.
27นิ่น ปุน อ๊อ เหฌี่ย ด่ง เนีย-บูง ธั้ม,
เซ ปุน เหนาะ ได๋ ต้าย ด่ง ซา-เฒียว ธั้ม.
28นิ่น ปุน เหนาะ ด๊อด เหฌี่ย นิ่น บัว เญย เธี้ยง บุด๋ง,
ฮวีง ก๋อม นิ่น บัว เญย ด๊บ-ลิ่ว.
29นิ่น บัว ฯฒฯ หญั่น หย่า หญั่น ตุ๊ เป๊ว.
ทิน-ฮู่ง หฒิว นิ่น บัว หง่อ หญั่น เญย เหธย ปุน นิ่น บัว.
30มป่า นิ่น บัว หญั่น หง่อ เญย กะน้าย ไม้ แก้ง เก๋า,
หธ่อ เยียม เจี๊ยน นิ่น บัว เญย ฑุ่ย เญย เฒี่ยง โห่,
31ทิน-ฮู่ง เฉีย เจี์ย! ไห่ นิ่น บัว,
นิ่น เยียม นิ่น บัว บุด๋ง ไต๋ นิ่น บัว เก้า เฮ้น เจี๋ย เญย เมี่ยน,
เบ๊าะ ป่าย อิสะลาเอน เญย เมี่ยน หลุน เมี่ยน.
32ไม้ กุ๊น ม่าย น้าย เต๋ย สี่,
นิ่น บัว หธ่อ ป์าม ฒุ์ย.
ไม้ กุ๊น นิ่น โหฒว น้าย เต๋ย บัวะ ฮ่อง เญย สี่,
นิ่น บัว ไม้ เสียน เขา นิ่น.
33นิ่น ฯฒฯ โหฒว ปุน นิ่น บัว เซ้ด เมว์ย เญย ฮนอย-เหญียะ ไม้ ลั่ม หล่ง,
ปุน นิ่น บัว เซ้ด เมว์ย เญย หฮญัง-ต้าว หฒุ ต้ม เฮ้ย สี่.
34ทิน-ฮู่ง ไต๋ นิ่น บัว เญย เฒี่ยง โห่ นิ่น บัว ฯฒฯ ล์อ นิ่น อ๊ะ.
นิ่น บัว ก๊อย เฮญี้ยว, ชะ ล์อ ทิน-ฮู่ง.
35นิ่น บัว จั๋ง หฒุ ทิน-ฮู่ง เซ นิ่น บัว เญย หละเปย๊ย.
เยียม ฮลัง เจี๋ย เญย ทิน-ฮู่ง ต้ง หฒัวะ นิ่น บัว วั้ว เต้า.
36นิ่น บัว หล่ง ฑุ่ย ก๊อง หว่า-กาม เธง นิ่น,
หย่า หล่ง เบียด ก๊อง-แปะ ดั๊ว นิ่น ฮนั้ง.
37นิ่น บัว ไม้ เหลียบ ตี่ง เฮญี้ยว เขา นิ่น,
หย่า ไม้ เหฒียบ ฒัวะ เญย เอย เจี๊ยน นิ่น แล์ง เญย แหง่ง หว่า.
38มป่า นิ่น หธ่อ ค้อ-เลี่ยน นิ่น บัว,
กวั่ง นิ่น บัว เญย ฒุ์ย,
หย่า ไม้ เหมียด นิ่น บัว.
นิ่น เฉีย เจี์ย มป่า นิ่น เญี์ยน เจี๊ยน เหฒีย หฑุ่น.
นิ่น ฒัด เจี๊ยน กะเฉีย, ไม้ โน์ว เถา ต้าว.
39นิ่น จั๋ง นิ่น บัว ขูง เป๋น ไฮ่ ไต่ เญย ป้าม เมี่ยน,#78:39 “ไฮ่ ไต่ เญย ป้าม เมี่ยน” ฟาน หฒะ ก๊อง อ๊อ ซิน.
หย่า ฮนั้ง กอง หฑยาว นอ, ป่วน มี่ง ไม้ หฑวน.
40เยียม เต่ย-ปูง-ฮวาง นิ่น บัว แหง่ง นิ่น ด่ง วั้ว ธั้ม,
เยียม เดา-ฮวาง นิ่น บัว ปุน นิ่น เฮญี้ยว มุน.
41นิ่น บัว เสย นิ่น เหยียด หฑุ่น เจี๋ย เหยียด หฑุ่น.
นิ่น บัว ธัวะ อิสะลาเอน เญย ธีง-เหฑ่ง ทิน-ฮู่ง.
42นิ่น บัว ไม้ จั๋ง นิ่น เญย ต้ม ชะ,
ไฟ หฒัวะ นิ่น บัว เล่ย ดุ๊ด วิน-วั้ง เญย ฮนอย,
43ต้ง เยียม อียิบ นิ่น โหฒว บัวะ ฮ่อง เญย จั๋ง-โห่,
เซ เยียม โสอัน เดา-แป้ง โหฒว เญย สี่.
44นิ่น เฒาะ นิ่น บัว เญย ด้าย ก๊อย เป๋น ฑย้าม,
นิ่น บัว เญย โด๊ะ ฒู้ง ไม้ ไฮ่ ฮบ.#ธ้วด อียิบ 7:17-21
45นิ่น ปุน มู์ง ฟ้าน ต้าย ห่อย,#78:45 ห่อย ฟาน หฒะ เป๋น ฮิบลู หว่า ก๊อง นะ.#ธ้วด อียิบ 8:20-24
แอ๋ง ปุน แก๊ง ห่อย นิ่น บัว โค้ว.#78:45 ห่อย นิ่น บัว โค้ว ไฟ เหมียด นิ่น บัว.#ธ้วด อียิบ 8:1-6
46นิ่น เฒาะ นิ่น บัว เญย แกง-หฒวัง ปุน จ๊บ-เหญ่ย หลุน,#78:46 จ๊บ-เหญ่ย หลุน ไฟ แกง-เมา.
หย่า เฒาะ นิ่น บัว ด๊อด ชะ ตุ๊ ต้าย เญย ป่วน ปุน ต้ม จ๊บ-เหญ่ย ห่อย.#ธ้วด อียิบ 10:12-15
47นิ่น ปุน เปาะ เบ๊าะ หว่าย นิ่น บัว เญย อะหงุ่น เฮมย,
หย่า หล่ง ซอง ห่อย หว่าย นิ่น บัว เญย ง่ง หญอ เดี๋ยง.#ธ้วด อียิบ 9:22-25
48นิ่น เฒาะ นิ่น บัว เญย ง่ง ปุน เปาะ เบ๊าะ,
แอ๋ง ปุน นิ่น บัว เญย ปะกี ยู่ง กวั้น หฒุ บะอง พิ.
49นิ่น เญย กะเฉีย ปยุ้ย ธ้วด, นิ่น เฉีย เจี์ย ไห่, โน์ว ไห่, ปุน นิ่น บัว หฒุ เธี้ยว เญย สี่,
ปุน นิ่น บัว หฒุ กวั้น โหฒว เหมียด เญย ฟิน-เมี่ยน.
50นิ่น หลิ่ว เล์ย เหฒียง ปุน เฉีย เจี์ย เญย เจ๊า ธ้วด.
นิ่น ไม้ เลี่ยว นิ่น บัว เญย แหม่ง,
ฒู้ง จิว ปุน นิ่น บัว ปุ๊ด ต้ม ววน-แป่ง.
51เยียม อียิบ นิ่น ไต๋ โม์ว เต้า ตอน-หละเก๊า,
เซ ฮาม เญย เต้าๆ เฒ้ย-ฟุน#78:51 “ฮาม เญย เต้าๆ เฒ้ย-ฟุน” ฮิบลู หว่า ก๊อง “เยียม ฮาม เญย ด๊บ-ลิ่ว.” ฮาม เป๋น โนยา เญย ตอน หย่า โหฒว อียิบ เมี่ยน เญย อง-ถาย-แงะ. เญย ต้าว ทอย ตอน.#ธ้วด อียิบ 12:29
52ฆะฮ้า นิ่น ต้อ นิ่น เญย แปะ ฝีง ธ้วด ต้าย ฮนั้ง ปะกี ยู่ง.
นิ่น ต้อ นิ่น บัว เจี๋ย เต่ย-ปูง-ฮวาง ฮนั้ง ยู่ง กวั้น นอ.#ธ้วด อียิบ 13:17-22
53นิ่น ต้อ หลง นิ่น บัว, นิ่น บัว ฯฒฯ ไม้ กั้ม เหฑีย,
มป่า ค้อย เญย ววม เหยียม ไต่ นิ่น บัว เญย วิน-วั้ง.#ธ้วด อียิบ 14:26-28
54นิ่น ต้อ นิ่น บัว มี่ง เถา นิ่น ธีง-เหฑ่ง เต่ย-ปูง เญย กั๊บ-จ๋าย ต๋อง,
เถา นิ่น เญย บย่าว เจี๊ยะ ปั์ว ตุ๊ ต้าย เญย บง.#ธ้วด อียิบ 15:17; โยซูวา 3:14-17
55นิ่น หฒุ่น ฝีงๆ เมี่ยน เยียม นิ่น เญย วั้ว ด่าง แหมง ธ้วด มี่ง.
นิ่น เดาะ เดา ปุน ฆอย เหว่ย เป๋น นิ่น บัว หฑิบ เญย ป่วน,
หย่า ปุน ฝีงๆ อิสะลาเอน เมี่ยน เยียม เจี๊ยน นิ่น บัว เญย ด๊บ-ลิ่ว.#โยซูวา 11:16-23
56มป่า นิ่น บัว หธ่อ เสย หย่า แหง่ง เจี๊ยน เยียม ฮลัง เจี๋ย เญย ทิน-ฮู่ง,
ไม้ เอย เจี๊ยน นิ่น เญย เล์ย-หลัด โหฒว.#ต้ม เจียน 2:11-15
57ต๋าว หฑวน นิ่น บัว แหง่ง ฮนั้ง นิ่น บัว เญย อง-ถาย, ไม้ เหฒียบ ฒัวะ เญย โหฒว.
นิ่น บัว ก๊อย เหยี่ยน ฮนั้ง จวัง-หฒิน นอ เงา.
58นิ่น บัว เหธย เยียม ฮลัง หฒั่ง เฒี่ยน เญย ต๋อง ธัวะ นิ่น เฉีย เจี์ย ไห่.
หลาย นิ่น บัว โหฒว หมิ่ว-ฝัง, ธัวะ นิ่น หั่น ไห่ นิ่น บัว.
59ทิน-ฮู่ง หมวัง ไฮ์ ฯฒฯ เฉีย เจี์ย! ไห่,
กวั่ง เหฑ่ง อิสะลาเอน เมี่ยน อ๊ะ.
60เยียม ซีโล, ทิน-ฮู่ง กวั่ง นิ่น เญย ด๊บ-ลิ่ว เยียม เญย ต๋อง,#78:60 โล์-ฮนอย ไม้ แก้ง เถา ดาวิด ฮู่ง เญย ฮู่ง โห่, อิสะลาเอน เมี่ยน เยียม ซีโล หฒั่ง ทิน-ฮู่ง.
เซ นิ่น เยียม ป้าม เมี่ยน บุด๋ง ธอง เญย ด๊บ-ลิ่ว.#โยซูวา 18:1; เยเลมี 7:12-14; 26:6
61นิ่น เฒาะ นิ่น เญย แล์ง แหง่ง หว่า ฟาง#78:61 ฮิบลู หว่า ก๊อง นิ่น เญย ชะ. จิว ปุน เมี่ยน ธ้าง มี่ง,
ปุน นิ่น เญย ฌัง-หล่าง เยียม วิน-วั้ง เญย ปั์ว-เดี๊ย.#1 ซามูเอน 4:4-22
62นิ่น เฉีย เจี์ย ไห่ นิ่น หฑิบ เญย แปะ ฝีง,
ฯฒฯ จิว ปุน นิ่น บัว หฒุ หฑุ ด๊าว ไต๋.
63โต์ว เหมียด เหฑ่ง นิ่น บัว เญย โฮ่ว แซง,
นิ่น บัว เญย เซียะ ล์อ ไม้ ตุ๊ จา ตอง.#78:63 ฮิบลู หว่า ก๊อง “ไม้ ม่าย ธีง-จา-ฑูง.” เอ๋ย เล์ย เซ ไม้ เหฒ่ง มจั่ง ตอน เก๋า นิ่น บัว หล่ง.
64นิ่น บัว เญย ไซ เมี่ยน หฒุ หฑุ ด๊าว ไต๋,
นิ่น บัว เญย เอ๊า-กว๊า ไม้ ไฮ่ เฑ่า เญี้ยม.
65วั้ว หฒั่น เฒี้ยว เญีย ฮนั้ง เมี่ยน มฌ่อม มี่ง เญีย ต้าย นอ,
นิ่น เห่ว บุย ฮนั้ง เมี่ยน เฮ้น เมี่ยน ฮบ ติ๊ว เห่ว นอ.
66นิ่น เบ๊าะ นิ่น เญย วิน-วั้ง ถุย หฑวน,
ปุน นิ่น บัว เหยียด ลิ์ว หฒุ ไญ้.
67นิ่น เฆ่ม โยเซ้บ เญย เฒ้ย-ฟุน,#78:67 ฮิบลู หว่า ก๊อง ด๊บ-ลิ่ว.
นิ่น หย่า ไม้ กิ๊น เอฟาอิม ฝีง.
68มป่า นิ่น กิ๊น ยูดา ฝีง,
นิ่น ฮนั้ม เญย เซ สิโอน บง.
69นิ่น เหธย นิ่น เญย สีง ติ่น ฮนั้ง ฮลัง ไห่ เญย ลู่ง,#78:69 ลู่ง ไฟ บง.
หย่า ฮนั้ง นิ่น เหลียบ เหยียด ลิ์ว เยียม เญย เดา-เป้ย.
70นิ่น กิ๊น นิ่น เญย โปว, ดาวิด,
เยียม ปะกี ยู่ง เธี้ยง ต้อ นิ่น ธ้วด ต้าย.#1 ซามูเอน 16:11-12; 2 ซามูเอน 7:8; 1 ฒุ่น ต่อย โต้ว 17:7
71ดาวิด โก๋ว ต้อ เจี๊ยน ตอน เญย ปะกี ยู่ง เญ์ย วั้ว หฒั่น,
ทิน-ฮู่ง เห่ว นิ่น ต้าย โก๋ว นิ่น เญย แปะ ฝีง, ยาโค้บ เญย เฒ้ย-ฟุน,
เซ ทิน-ฮู่ง หฑิบ เญย ป่วน, อิสะลาเอน เมี่ยน,
ฮนั้ง โก๋ว ปะกี ยู่ง นอ.
72ดาวิด หล่ง เฮญี้ยว หฒีง เญย โก๋ว นิ่น บัว,
หย่า หล่ง ธง-เม่ง#78:72 ธง-เม่ง ฟาน หฒะ ฮิบลู หว่า ก๊อง ปั์ว เหลี่ยว เญย. ต้อ นิ่น บัว.
Currently Selected:
สีง ฑูง 78: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
