สีง ฑูง 77
77
สีง ฑูง 77
โค้ว เญย เฒี่ยง โห่ จั๋ง เถา ทิน-ฮู่ง โหฒว เจี๋ย เญย สี่ ฯฒฯ ตุ๊ ออน เฮญี้ยว
จิว ปุน ต้อ ฑูง เญย เมี่ยน. หฒิว เยดูทูน.#77 เป๊ย หมั่ง 1 ฒุ่น ต่อย โต้ว 16:41. อาสาบ โหฒ่ เญย สีง ฑูง.
1เยีย เห่ว เจี๊ยน โจ้ว ทิน-ฮู่ง.
เยีย เห่ว เจี๊ยน โท้, นิ่น ฒู้ง อ๋อย หมวัง เยีย.
2เยีย หฒุ โค้ว หน่าน เญย ฮนอย-เหญียะ เยีย ล์อ เฒี้ยว,
เยีย เฒี่ยง ม์วน ซูง เจี๊ยน ปั์ว ไม้ ตี้ง เลี่ยว เญย เต๋า เก๋า,
มป่า ไม้ ตุ๊ ออน เฮญี้ยว.
3เยีย ฮนั้ม เถา ทิน-ฮู่ง ฯฒฯ เท้า ต้ม เฉีย.
เยีย จั๋ง เถา น้าย เต๋ย เจ๊า, ไฮ์ เฮญี้ยว เมา เหฑ่ง อ๊ะ. เซลา
4เม่ย ปุน เยีย ไม้ ไฮ่ มฌ่อม.
เยีย เฮญี้ยว เฑ่า โค้ว ไห่, ฒู้ง ไม้ ไฮ่ ก๊อง หว่า.
5เยีย ฮนั้ม เถา เจี๋ย ต้าย เญย ฮนอย-เหญียะ,
หย่า จั๋ง หฒุ โล์-ฮนอย เญย หฮญัง-ต้าว.
6เยีย ลู่ง ม์วน หฒั่น เยียม เฮญี้ยว ฮนั้ม,#77:6 ฮิบลู หว่า ก๊อง จั๋ง เยีย เญย ฑูง.
เยีย เยียม เฮญี้ยว เฟย-ฟั้ง หย่า หน่าย ก๋า กั้น,
7“เฒี้ยว อ๋อย เหยียด ลิ์ว กวั่ง เยีย บัว,
เหยียด ลิ์ว ไม้ แอ๋ง อะเฮน้ย เยีย บัว ไฟ?
8นิ่น เหยียด ลิ์ว ไม้ แอ๋ง ฮนั้ม เยีย บัว ไฟ?
นิ่น แล์ง เญย หว่า เหยียด ลิ์ว เหยียด เสย ป่า เหฑ่ง หมี่ อ๊ะ ไฟ?
9ทิน-ฮู่ง หละคุ เหธย เอน ปุน เยีย บัว ไฟ?
นิ่น เฉีย เจี์ย ฯฒฯ ไม้ ค้อ-เลี่ยน ไฟ?” เซลา
10เยีย แอ๋ง ก๊อง, “ปุน เยีย เฮญี้ยว เฑ่า เญย เซ, เยียม ฮลัง เจี๋ย วั้ว เต้า เญย
บย่าว เจี๊ยะ ปั์ว ก๊อย เหยี่ยน หมี่ อ๊ะ.#77:10 น้าย เหยี่ยม เญย ฮิบลู หว่า เซ ไม้ เม่ง.
11เยีย อ๋อย จั๋ง เถา เฒี้ยว โหฒว เจี๋ย เญย สี่,
หฒะเก้ง อ๋อย จั๋ง เม่ย โล์-ฮนอย โหฒว วั้ว เต๋ย บัวะ ฮ่อง เญย สี่.
12เยีย เยียม เฮญี้ยว ปุ้ย เม่ย โหฒว เญย เหยียด ฒู้ง กง,
เยีย อ๋อย หลงๆ เญย ฮนั้ม เถา เม่ย โหฒว เจี๋ย ม่าย ชะ เญย สี่.
13โอ ทิน-ฮู่ง อ่า, เม่ย โหฒว เญย เจ๊า-โหล่ว เซ ธีง-เหฑ่ง ไห่,
ไม้ ม่าย หาย เต้า เฒี่ยน ด่ง เยีย บัว เญย ทิน-ฮู่ง โฮล.
14เม่ย เซ โหฒว บัวะ ฮ่อง เญย สี่ วั้ว เต้า ทิน-ฮู่ง.
เม่ย เยียม หม่าน ฝีง บุด๋ง ปุน นิ่น บัว ปวัด เม่ย เญย ต้ม ชะ.
15เม่ย หล่ง เม่ย เญย ชะ เหฌียว#77:15 ฟาน หฒะ ก๊อง “หล่ง เม่ย เญย ปั์ว หฒัวะ”. เม่ย เญย เมี่ยน,
เซ เหฌียว ยาโค้บ เหธา โยเซ้บ เญย เฒ้ย-ฟุน. เซลา
16โอ ทิน-ฮู่ง อ่า, ววม ปวัด เม่ย,
ววม ปวัด เม่ย วั้ว หฒั่น ฯฒฯ กั้ม เหฑีย.
โด ไห่ เญย ค้อย หย่า ต์ง.
17บ๋วน โต๋ ธ้วด ววม,
เยียม วั้ว ลู่ง ม่าย บะอง บุย.
บะหลี่ง#77:17 ฮิบลู หว่า ก๊อง ฟอง-ธัง. หย่า หฌับๆ เญย เปยย ปูง.
18บะอง เยียม ต้ม หฑยาว-หฒุ่น บุย ธ้วด.
เม่ย เญย บะหลี่ง ปุน ลู่ง เดี๊ย ฌัง เหฑ่ง.
เดา-เป้ย ดั่น ต์ง เหฑ่ง.
19เม่ย เญย เจ๊า เซ เยียม ค้อย เจี๋ย,
เม่ย มี่ง เญย เจ๊า กัน ต้ม ววม มี่ง,
มป่า เม่ย เญย เหฒา-เมี้ยน ไม้ ม่าย เมี่ยน ปวัด.
20เม่ย ต้อ เม่ย เญย แปะ ฝีง ฮนั้ง โก๋ว ยู่ง เมี่ยน ต้อ ปะกี ยู่ง กวั้น นอ,
หย่า ปั่ง โมเซ เหธา อาโลน เญย ปั์ว ต้อ.
Currently Selected:
สีง ฑูง 77: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
