สีง ฑูง 73
73
ตะฟาม ป๊วน
(สีง ฑูง 73—89)
สีง ฑูง 73
คู้ เมี่ยน เหธา เมี่ยน หว่าย เมี่ยน เญย เซ้ด เมว์ย
อาสาบ โหฒ่ เญย สีง ฑูง.
1ทิน-ฮู่ง หฒะเก้ง! โหฒว หลง ปุน อิสะลาเอน เมี่ยน,
โหฒว หลง ปุน ม่าย เฮญี้ยว ธีง-เหฑ่ง เญย เมี่ยน.
2มป่า เยีย กั้น แอ๊ะ, เยีย เญย เหฒา อ๊า ลั่ม ดิ๊ หฒุ ดอบ,
เยีย เญย เหฒา-ธ้าย ค้า เต๋ย พยัด.
3เหว่ย หฒุ เยีย ปวัด เอ๊าะ เมี่ยน ตุ๊ หลง วั้ว หฒั่น,
เยีย ฯฒฯ เหมว่ย เจี๊ยะ โหฒว เหมา เญย เมี่ยน.
4นิ่น บัว ไต่ เญย เฒี่ยง โห่ ไม้ หฒุ เตี๊ย มุน,
นิ่น บัว เญย ซิน หย่า หวั่ง เสียง, เฮ้น เญย.
5นิ่น บัว ไม้ หฒุ เสี่ยว โค้ว ฮนั้ง เหญี่ย เญย เมี่ยน,
หย่า ไม้ ฮนั้ง เหญี่ย เญย เมี่ยน หฒุ เหฒะ หน่าน.
6เหว่ย น้าย นิ่น บัว โหฒว เหมา เญย เจ๊า เป๊ย เจียม-หลิ่ม ตั้ง เจี๊ยน จาง.
โหฒว โตะ เญย สี่ ปวัง เจี๊ยน นิ่น บัว ฮนั้ง ฒุ ลุย นอ.
7นิ่น บัว เญย เฮญี้ยว แหง่ง, ขูง โหฒว หว่าย เญย สี่ ฮนั้ง.#73:7 ฮิบลู หว่า เซ ไม้ หนั่ง เม่ง.
นิ่น บัว เญย เฮญี้ยว ฮนั้ม ธ้วด เอ๊าะ เญย หฒะเอ๋ย ธั้ม ไห่.
8นิ่น บัว จั๊ด เมี่ยน, ก๊อง โตะ คี เมี่ยน.
นิ่น บัว เธง-โฮล, ก๊อง อ๋อย เหฒย เมี่ยน.
9นิ่น บัว เญย ฑุ่ย ก๊อง โตะ เยียม กู้ หงว่าย ลู่ง เญย ทิน-ฮู่ง.
นิ่น บัว เญย เบียด โหฒว เหมา ก๊อง โตะ ลู่ง เดี๊ย เมี่ยน.
10เหว่ย น้าย แปะ ฝีง#73:10 ม่าย เต๋ย โซว ก๊อง นิ่น เญย แปะ ฝีง. ฮวิน หฑวน เธง นิ่น บัว,
ล์อ ไม้ ตุ๊ ต๋อง เฆ่ม นิ่น บัว.#73:10 น้าย เหยี่ยม เญย ฮิบลู หว่า เซ ไม้ เม่ง.
11นิ่น บัว ก๊อง, “ทิน-ฮู่ง ฮนั้ง หาย นอ ไฮ่ ฮิ้ว?
เยียม ฮลัง เจี๋ย วั้ว เต้า ม่าย ว่วน ฒาง เญย ไฟ?”
12หมั่ง ม่าะ! เอ๊าะ เมี่ยน เซ ฮนั้ง น้าย นอ.
นิ่น บัว หฒั่นๆ คู่ เยียม คู่ หญั่น, กุ๊น โหฒว กุ๊น เป๋น เจี๊ยน ฝาว.
13วั้ว หญู่ง เยีย โก๋ว หลง เยีย เญย เฮญี้ยว ธีง-เหฑ่ง
หย่า ไม้ ป์าม ฒุ์ย#73:13 ฮิบลู หว่า ก๊อง “สา ปั์ว ธีง-เหฑ่ง, ไม้ โหฒว ต่อง”. เซ ไม้ ลั่ม หล่ง.
14เหว่ย หฒุ เยีย เฒี่ยง ฮนอย ขูง หฒุ โค้ว ฮนั้ง,
ดอมๆ หย่า หฒุ ตี่ง ฒุ์ย.
15สี ก๊อง เยีย ก๊อง, “เยีย อ๋อย ฮนั้ง น้าย นอ ก๊อง,”
เยีย ฯฒฯ หฒุ โหฒว ไม้ หฒีง ปุน เม่ย เญย หฒวัง แปะ ฝีง.#73:15 ฟาน หฒะ ก๊อง “เม่ย เญย น้าย ต่อย ตอน”.
16เยีย ฮนั้ม หมั่ง ก๋า ฮนั้ง หาย นอ ไฮ่ เปียะ เฮญี้ยว น้าย เต๋ย สี่,
มป่า เยีย เก้ง ไฮ์ อะ ไห่,
17เถา เยีย เปียะ ทิน-ฮู่ง เญย สีง ติ่น,
เยีย ฯฒฯ เม่ง แปะ เอ๊าะ เมี่ยน เญย เซ้ด เมว์ย ฮนอย.
18เม่ย หฒะเก้ง ปุน นิ่น บัว เยียม บย่าง เญย ต๋อง,
ปุน นิ่น บัว ดอบ, หฒุ เหมียด เหฑ่ง.
19นิ่น บัว ดุ ตั้ง ฮนั้ง หฒุ เหมียด หมี่ อ๊ะ.
หฒุ กั้ม เหฑีย ไห่ เญย สี่ กว๊าด นิ่น บัว มี่ง เหฑ่ง.
20ฮนั้ง เมี่ยน เบ๋ย ปวัด ลิ์ว เญีย ต้าย ไม้ ปวัด หมี่ อ๊ะ.
โอ เฒี้ยว อ้า! เม่ย เญีย ต้าย เม่ย หละคุ#73:20 หละคุ ไฟ หมั่ง เผีย. นิ่น บัว เญย ฝัง หมี่ อ๊ะ.
21เยีย เญย เฮญี้ยว โค้ว วั้ว หฒั่น,
เยีย ไฮ์ ฮนั้ง บะฑิว หฒุ ป๊ะ เจี๊ยน มุน นอ.
22เยีย ฯฒฯ หฮงง, ไม้ ฮิ้ว หาย หญู่ง,
ฮนั้ง เต้า เฮยี่ย ฒ่อย เยียม เม่ย เญย หฑะเฮมียน.
23มป่า เยีย หฒั่นๆ เหธา เม่ย เยียม.
เม่ย นั้น เจี๊ยน เยีย เญย บย่าว เจี๊ยะ ปั์ว.
24เม่ย เถง เยีย ธ่าง ล่าง เหว่ย ต้อ เยีย เญย เจ๊า.
ฆะฮ้า เม่ย อ๋อย ฒิบ เยีย, ปุน เยีย ตุ๊ ฌัง-หล่าง.
25เยียม วั้ว กู้ หงว่าย ลู่ง, ธ้วด ลิ์ว เม่ย, เยีย ไม้ ม่าย หาย เต้า.
เยียม น้าย ลู่ง เดี๊ย, ธ้วด ลิ์ว เม่ย, เยีย ไม้ อ๋อย หล่ง หาย หญู่ง.
26เยีย เญย ซิน เหธา เยีย เญย เฮญี้ยว ไฮ่ เมา เจี๊ยน เหฌี่ย,
มป่า ทิน-ฮู่ง เซ เยีย เญย เฮญี้ยว เญย ชะ#73:26 ชะ ไฟ หละเปย๊ย. หย่า เหยียด ลิ์ว โหฒว เยีย เญย ป่วน.
27หมั่ง ม่าะ! เล่ย เม่ย โก เญย เมี่ยน ฒู้ง อ๋อย หฒุ เหมียด.
เม่ย อ๋อย เหมียด เหฑ่ง ไม้ เหฒียบ ฒัวะ เญย โหฒว ปุน เม่ย วั้ว เต๋ย เมี่ยน.
28มป่า เยีย นอ, เยีย เยียม นิด ทิน-ฮู่ง ฟัด เซ หลง ไห่.
เยีย ปุน เฒี้ยว ทิน-ฮู่ง โหฒว เยีย ด้าว เขา เญย ต๋อง,
เหว่ย ปุน เยีย ฒุ่น ก๊อง นิ่น โหฒว เญย เหยียด ฒู้ง สี่.
Currently Selected:
สีง ฑูง 73: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
