สีง ฑูง 72
72
สีง ฑูง 72
เหว่ย ฮู่ง เตี๋ย เต๋า เก๋า
ซาโลมอน โหฒ่ เญย สีง ฑูง.
1โอ ทิน-ฮู่ง อ้า! โท้ เหธย ปุน ฮู่ง เตี๋ย แป้ง ฟิม เญย เซี้ยม ฮนั้ง เม่ย นอ,
หย่า ปุน ฮู่ง ตอน ฮนั้ง เม่ย นอ, โหฒว ตุ๊ หอบ.
2โท้ ปุน นิ่น หล่ง กง-ฟิม เซี้ยม เม่ย เญย แปะ ฝีง,
หย่า แป้ง ฟิม เญย เซี้ยม เม่ย เญย เมี่ยน จ่ม เมี่ยน.
3เหว่ย แปะ ฝีง โหฒว หอบ เญย เจ๊า
โท้ ปุน ต้ม บง ฟิ้ว-บง ตุ๊ ปู๋ง-หฒัวะ.
4โท้ ปุน ฮู่ง เตี๋ย แป้ง ฟิม เญย เถง แปะ ฝีง บุด๋ง เญย เมี่ยน จ่ม เมี่ยน,
เหฌียว ตั๋ง-ต๋น เญย เมี่ยน
หย่า ฒัด เจี๊ยน เหฒย นิ่น บัว วั้ว เต๋ย.
5บะฮนอย เหธา หฮลา หธ่อ เยียม เจี๊ยน เญย เฒี่ยง โห่,
โท้ ปุน นิ่น บัว ท่าย เม่ย#72:5 ฮิบลู หว่า ก๊อง “โท้ ปุน นิ่น บัว ท่าย เม่ย.” ม่าย เต๋ย โซว กัน กีก หว่า ฟาน ต้าย ก๊อง “โท้ ปุน ฮู่ง เตี๋ย เฒี่ยง”. เถา หม่าน โก๊ว หม่าน ต่อย.
6โท้ ปุน ฮู่ง เตี๋ย ฮนั้ง บยู่ง ตุ้ย เหฌี่ย เบี๊ยด ลิ์ว เมี้ย เญย เดา,
หย่า ฮนั้ง บยู่ง-บ๊วน ผวน เดา-เป้ย นอ.
7นิ่น เยียม เญย ฮนอย-เหญียะ,
โท้ ปุน คู้ เมี่ยน หฮยาง เจี๊ยน ฝาว,
หย่า ม่าย แป้ง ออน ธั้ม ด่ง ม่าย หฮลา เยียม.
8โท้ ปุน นิ่น กุ๊น เญย กั๊วะ เยียม น้าย ปูง ค้อย เถา วั้ว ปูง ค้อย,#72:8 ไฟ “เยียม น้าย นอม ค้อย มี่ง เถา วั้ว นอม ค้อย”.
เยียม ยูเฟติด ด้าย เถา จ่ม ลู่ง เดี๊ย.#เสคาลิยา 9:10
9โท้ ปุน เยียม เต่ย-ปูง-ฮวาง เญย เมี่ยน เยียม นิ่น เญย หฑะเฮมียน เกว่ย เหฌี่ย ป๋าย,
หย่า ปุน นิ่น เญย วิน-วั้ง เบี่ย เนีย-บูง.
10โท้ ปุน ทานซิด เหธา หฒวัง ค้อย-โฑว เญย ฮู่ง เตี๋ย
ธ้วด ขอ-ฒิ่น ปุน นิ่น.
หย่า ปุน เชบา เหธา เสบา เญย ฮู่ง เตี๋ย
ต้อ ฒี่ง เหญ่ย ปุน นิ่น.
11โท้ ปุน หฒวัง ฮู่ง เตี๋ย พัวะ เหฌี่ย นิ่น เญย หฑะเฮมียน,
หย่า ปุน หม่าน กั๊วะ ฟู-สู นิ่น.
12เหว่ย หฒุ ตั๋ง-ต๋น เญย เมี่ยน เห่ว เจี๊ยน โท้ เญย เฒี่ยง โห่ นิ่น เหฌียว,
หย่า เหฌียว เมี่ยน จ่ม เมี่ยน เหธา ไม้ ม่าย หาย เต้า เถง เญย เมี่ยน.
13นิ่น ค้อ-เลี่ยน เมา เญย เมี่ยน เหธา เมี่ยน จ่ม เมี่ยน,
หย่า เหฌียว จ่ม โค้ว เมี่ยน เญย แหม่ง.
14นิ่น หฒัวะ นิ่น บัว เญย แหม่ง เล่ย ดุ๊ด หฒุ เหฒย, หฒุ โหฒว โตะ เญย เจ๊า.
หฒิว นิ่น หมั่ง, นิ่น บัว เญย แหม่ง ฝุน จ๋าย เญย.
15โท้ ปุน ฮู่ง เตี๋ย เฒี่ยง ตุ๊ ด๊าว.
โท้ ปุน นิ่น ตุ๊ เชบา เญย เจียม.
โท้ ปุน เมี่ยน ไม้ ตี้ง เลี่ยว เญย เหว่ย นิ่น เต๋า เก๋า,
หย่า โท้ ทิน-ฮู่ง เฒี่ยง ฮนอย เหธย ฟุ ปุน นิ่น.
16โท้ ปุน เต่ย-ปูง เญย เดา ธ้วด ล่าง หฒิ ปู๋ง-หฒัวะ,
เยียม บง กู้ หงว่าย เจี๋ย หล่าง พานๆ เญย,
ธ้วด ต้าย กิ๊ด หย่า เจ้า เญย ฮนั้ง เลบานอน เญย เก้ม,
หย่า ปุน ฒี่ง กะญั์ว เญย เมี่ยน หฮยาง ฮนั้ง หล่ม ฮวาง เญย เมี้ย นอ.
17โท้ ปุน ฮู่ง เตี๋ย เญย บั๋ว เหยียด ลิ์ว เยียม,
นิ่น เญย เม่ง โห่ เยียม เจี๊ยน ด่ง บะฮนอย เล่า.
หม่าน กั๊วะ เมี่ยน อ๋อย เหว่ย ฮู่ง เตี๋ย ตุ๊ ฟุ,
หม่าน ฝีง เมี่ยน หย่า เห่ว นิ่น โหฒว ม่าย ฟุ เญย เมี่ยน.
18เธง เฒี้ยว, อิสะลาเอน เมี่ยน เญย ทิน-ฮู่ง.
ขูง นิ่น กั้น ไฮ่ โหฒว บัวะ ฮ่อง เญย สี่.
19อ๋อย หฒุ เหยียด ลิ์ว เธง นิ่น ฌัง-หล่าง เญย บั๋ว,
โท้ ปุน นิ่น เญย ฌัง-หล่าง ปวั๊ง ลู่ง เดี๊ย.
อาเมน เหธา อาเมน.
20เจียดซี เญย ตอน, ดาวิด, เต๋า เก๋า เญย หว่า ตอง หมี่ อ๊ะ.
Currently Selected:
สีง ฑูง 72: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
