สีง ฑูง 71
71
สีง ฑูง 71
เหยียด ล่าน เมี่ยน โก๋ เมี่ยน เต๋า เก๋า เญย หว่า
1โอ เฒี้ยว อ้า! เยีย ด้าว เขา เม่ย.
โท้ ปุน เยีย เหยียด ลิ์ว ไม้ หฒุ ไญ้.
2เหว่ย หฒุ เม่ย ม่าย กง-ฟิม เญย,
โท้ เหฌียว เยีย, เถง เยีย.
โท้ ปู๋ง มน่อม หมวัง หย่า เหฌียว เยีย.
3โท้ เม่ย โหฒว เยีย ด้าว เขา เญย หละเปย๊ย,
โหฒว เยีย ว้วน ไห่ เญย ต๋อง เหฌียว เยีย,#71:3 ไฟ “เม่ย หฒั่นๆ หัด ตี่ง อ๋อย เหฌียว เยีย”.
เหว่ย หฒุ เม่ย โหฒว เยีย เญย หละเปย๊ย,
โหฒว ว้วน เญย ต๋อง เปว เยีย.
4โอ เยีย เญย ทิน-ฮู่ง อ้า!
โท้ เหฌียว เยีย เปย๋า ดุ๊ด เอ๊าะ เมี่ยน เญย ปั์ว-เดี๊ย,
เปย๋า ดุ๊ด เฮญี้ยว ฌ้วด, โตะ ไห่ เญย เมี่ยน.
5โอ เฒี้ยว อ้า! เม่ย โหฒว เยีย ม่าย ลั่ม ฮนั้ม เญย ต๋อง.
เฒี้ยว อ้า! เยียม เยีย หลุน เถา อี้ หฒั่น เยีย เขา เม่ย ฮนั้ง.
6เยียม เยีย ธ้วด เสย เถา อี้ หฒั่น เยีย ปั่ง เม่ย,
เซ ต้ง เม่ย ปุน เยีย ธ้วด มา เญย กะเซีย,
เยีย หฒั่นๆ เธง เม่ย.
7เมี่ยน ธั้ม เญย บัวะ ฮ่อง ไห่ เยีย
มป่า เม่ย โหฒว เยีย เขา ว้วน เญย ต๋อง.
8เยีย เฒี่ยง ฮนอย หล่ง เยีย เญย ฑุ่ย เธง เม่ย,
หย่า ฒุ่น เม่ย เญย ฌัง-หล่าง.
9เยีย โก๋ เญย เฒี่ยง โห่, โท้ ไม้ ตู๋ง กวั่ง เยีย.
ซิน หฒั่ง เญย ชะ เหฑ่ง, ไม้ ตู๋ง เล่ย ฆอย เยีย.
10เยีย เญย วิน-วั้ง ล์อ เจ๊า ก๊อง เยีย,
ต้ง ฒั้ว เจี๊ยน อ๋อย เฒาะ เยีย เญย แหม่ง วั้ว เต๋ย, ล่ม ฑ่อย ธ่าง ล่าง.
11นิ่น บัว ก๊อง, “ทิน-ฮู่ง กวั่ง นิ่น หมี่ อ๊ะ.
หฒุ่น เจี๊ยน เฒาะ นิ่น ม่าะ!
เหว่ย หฒุ ไม้ ม่าย หาย เต้า เหฌียว นิ่น อ๊ะ.”
12โอ ทิน-ฮู่ง อ้า! ไม้ ตู๋ง เล่ย โก เยีย.
โอ เยีย เญย ทิน-ฮู่ง อ้า! เซี้ยบๆ เญย ต้าย เถง เยีย.
13โท้ ปุน เยีย เญย วิน-วั้ง หฒุ ไญ้ หฒุ ป่าย เหฑ่ง.
โท้ ปุน ล์อ เจ๊า ห่อย เยีย วั้ว เต๋ย ป่าย เฮมียน เตี๊ย ไญ้.
14มป่า เยีย นอ, อ๋อย หฒั่นๆ เขา เม่ย ม่าย ลั่ม ฮนั้ม ต๋อง,
หย่า อ๋อย จา เธง เม่ย ธั้ม เจี๊ยน ฝาว.
15เยีย เญย ฑุ่ย อ๋อย ก๊อง เม่ย โหฒว เญย คู้ สี่,
อ๋อย เฒี่ยง ฮนอย ก๊อง เถา เม่ย เญย เหฌียว เอน,
ไม้ กุ๊น เยีย ฮิ้ว ไม้ โถว น้าย เต๋ย เจ๊า เญย โสว โหม่ว.
16 เฒี้ยว ทิน-ฮู่ง อ้า!
เยีย อ๋อย ต้อ เม่ย โหฒว เฮ้น ไห่ เญย สี่ ต้าย ก๊อง,
เยีย อ๋อย เธง เม่ย โหฒว หอบ เญย เจ๊า,
ขูง เม่ย กั้น เญย ฮนั้ง.
17โอ ทิน-ฮู่ง อ้า! เยีย เยียม หฮญัง-เจ๊ย หลุน เถา อี้ หฒั่น เม่ย หฌาว เยีย.
เยีย หธ่อ ฒุ่น เม่ย โหฒว บัวะ ฮ่อง เญย สี่.
18โอ ทิน-ฮู่ง อ้า! เยีย เถา หฮญัง-เจ๊ย โก๋,
บะเปยย แปะ เญย เฒี่ยง โห่,
โท้ ไม้ ตู๋ง กวั่ง เยีย.
ฒั้ว เยีย เฒาะ เม่ย โหฒว เฮ้น ไห่ เญย สี่ บั๋ว โฮ์ ต่อย,
หย่า ฒุ่น เม่ย เญย ชะ บั๋ว ฆะฮ้า ธ้วด เสย เญย เมี่ยน.
19โอ ทิน-ฮู่ง อ้า! เม่ย โหฒว หอบ เญย เจ๊า แบ่ง ลู่ง ฮลัง.
โอ ทิน-ฮู่ง อ้า! เซ เม่ย โหฒว โฮล ไห่ เญย สี่.
หาย เต้า ไฮ่ ฮนั้ง เม่ย?
20เม่ย ปุน เยีย หฒุ ต้ม โค้ว หน่าน,
มป่า อ๋อย ปุน เยีย แอ๋ง ฟี้ง เจี์ย ต้าย.
เม่ย อ๋อย เยียม เดา, โด ไห่ เญย ต๋อง,
แอ๋ง เฒาะ เยีย ธ้วด.
21เม่ย อ๋อย ท่าย เยีย โหฒว เก้า โฮล ฒิ่น ด่าง
หย่า แอ๋ง ออน หฑุ่น เยีย เญย เฮญี้ยว.
22โอ เยีย เญย ทิน-ฮู่ง อ้า! เยีย หย่า อ๋อย หล่ง ต้าน ป้า เธง เม่ย,
อ๋อย เธง เม่ย เหว่ย หฒุ เม่ย เหฒียบ ฒัวะ เญย.
อิสะลาเอน เมี่ยน เญย ธีง-เหฑ่ง เฒี้ยว อ้า!
เยีย อ๋อย หล่ง เหฒียบ ติ้ว ฝิน เญย ต้าน ป้า เธง เม่ย.
23เยีย ป๋าว ฑูง เธง เม่ย เญย เฒี่ยง โห่
เยีย เญย ฑุ่ย เหมย อ๋อย เฌียน-โย่ว เญย เห่ว.
เยีย เญย เฮญี้ยว หย่า อ๋อย เฌียน-โย่ว เญย เห่ว,
เหว่ย หฒุ เม่ย หฒัวะ เยีย.
24เยีย เญย เบียด เฒี่ยง ฮนอย อ๋อย ก๊อง
เม่ย โหฒว หอบ เญย เจ๊า เถง เมี่ยน,
เหว่ย หฒุ อ๋อย ล์อ เจ๊า ห่อย เยีย วั้ว เต๋ย
หฒุ ไญ้ หฒุ ป่าย หมี่ อ๊ะ.
Currently Selected:
สีง ฑูง 71: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
