สีง ฑูง 65
65
สีง ฑูง 65
เธง ทิน-ฮู่ง เหว่ย นิ่น เหธย หลง ไห่ เญย ฒี่ง เหญ่ย
จิว ปุน ต้อ ฑูง เญย เมี่ยน. ดาวิด โหฒ่ เญย สีง ฑูง. เป๋น ติ้ว ฑูง.
1ทิน-ฮู่ง อ้า! เยีย บัว หอบ หฒุ เยียม สิโอน เธง เม่ย,
หย่า จ๊าว ซูง เยีย บัว แล์ง เญย แหง่ง หว่า.
2เม่ย หมวัง ป้าม เมี่ยน เต๋า เก๋า เญย หว่า.
ป้าม เมี่ยน เหยียด ฒู้ง อ๋อย ต้าย ล์อ เม่ย
3เหว่ย เมี่ยน ป์าม ฒุ์ย.
เยีย บัว เญย ฒุ์ย-หนิบ ฮี่ง เยีย บัว#65:3 เยีย บัว ไฟ เยีย. เญย เฒี่ยง โห่
เม่ย ฒู้ง กวั่ง หมี่ อ๊ะ.
4เม่ย กิ๊น ต้อ ต้าย เยียม นิด ฟัด เม่ย วั้ว เต๋ย,
เซ ปุน เยียม เม่ย เญย สีง ติ่น เญย หลาด กะญั์ว เญย เมี่ยน, ตุ๊ ออน-เหลาะ.
เยีย บัว ฯฒฯ ปวั๊ง เอ๋ย เหว่ย เยียม เม่ย เญย เปย๊า,
เซ เยียม เม่ย ธีง-เหฑ่ง เญย สีง ติ่น,
ตุ๊ หญู่งๆ หลง.
5โอ เยีย บัว เหฌียว เอน เญย ทิน-ฮู่ง อ้า!
เม่ย หล่ง บัวะ ฮ่อง เญย สี่ เหฌียว เยีย บัว, เตา เยีย บัว.
เยียม จ่ม ลู่ง เดี๊ย เหธา โก เจี๋ย เญย ค้อย เญย เมี่ยน
เขา เม่ย ม่าย ลั่ม ฮนั้ม ต๋อง.
6เม่ย หล่ง เม่ย เญย ชะ เหลียบ บง เจี์ย ต้าย,
ปุน ธีง เม่ย เฮ้น ไห่.
7เม่ย ปุน ค้อย บุย เญย เฉีย
เหธา ววม-หล่าง เญย เฉีย เซ้ก,
หย่า ปุน หม่าน ฝีง เหน่า เญย เฉีย เซ้ก หมี่ อ๊ะ.
8เยียม ลู่ง เดี๊ย โก เจี๋ย เญย ต๋อง เญย เมี่ยน
ฯฒฯ เหว่ย เม่ย โหฒว เญย จั๋ง-โห่ กั้ม เหฑีย.
เม่ย ปุน บะฮนอย ธ้วด เหธา บะฮนอย ม้วด
วั้ว เต๋ย ต๋อง เญย เมี่ยน เฌียน-โย่ว เญย เห่ว.
9เม่ย โก๋ว เดา-เป้ย หย่า ปุน บยู่ง เหฌี่ย ต้าย
ปุน เดา จุ่น ไห่.
ทิน-ฮู่ง เญย ด้าย ม่าย ววม ปวั๊ง เหฑ่ง.
เม่ย หย่า ปุน เมี่ยน ตุ๊ ล่าง หฒิ
เหว่ย หฒุ เม่ย ฮนั้ง หน่าย หลิ่ว เล์ย เหฒียง เดา.
10เม่ย ปุน ลู่ง ตุ้ย บยู่ง เหฌี่ย ไล่ เหฒียง เญย เดา,
ปุน ไล่ ลิ์ว เญย เนีย ย่วน เหฑ่ง.
เม่ย ตุ้ย บยู่ง-บ๊วน เหฌี่ย ปุน เดา เมา,
เหธย ฟุ ปุน กะน้าย-หฒวัง โฮล.
11เม่ย ปุน หฮญัง-ต้าว ปู๋ง-หฒัวะ,
ไม้ กุ๊น เม่ย มี่ง เถา หาย,#65:11 ฟาน หฒะ ฮิบลู หว่า ก๊อง “เม่ย เญย เธีย-เจ๊า ม่าย เฮมย เดี๊ยบ เจี๊ยน มี่ง”. หย่า ม่าย เซียว-เซ่ง.
12เยียม เต่ย-ปูง-ฮวาง เญย เมี้ย-เธี้ยง เญี์ยม ไห่,#65:12 เญี์ยม ไห่ ฮิบลู หว่า ก๊อง เดี๊ยบ.
บง-ไอ๊ หย่า เฌียน-โย่ว, ออน-เหลาะ เหฑ่ง.
13เมี้ย-เธี้ยง ฮนั้ง ม่าย ยู่ง กวั้น ฒอง เจี๊ยน,
ฮ์อง หย่า ม่าย เบย้า ธ้วด ปวั๊ง,
หญู่งๆ ล่ม ฑ่อย เฌียน-โย่ว เญย เห่ว หย่า ป๋าว ฑูง.
Currently Selected:
สีง ฑูง 65: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
