สีง ฑูง 64
64
สีง ฑูง 64
เต๋า เก๋า โท้ ทิน-ฮู่ง เปว เจี๊ยน
จิว ปุน ต้อ ฑูง เญย เมี่ยน. ดาวิด โหฒ่ เญย สีง ฑูง.
1ทิน-ฮู่ง อ้า! เยีย เท้า ต้ม เฉีย เญย เฒี่ยง โห่ โท้ หมวัง เยีย เญย เฉีย.
โท้ เม่ย เปว เจี๊ยน เยีย เญย แหม่ง, ไม้ หฒุ วิน-วั้ง ห่อย.
2โท้ เม่ย เถง เยีย ปี๋ง เจี๊ยน เป่ย เดี๊ย ต๊า หฒะเอ๋ย วั้ว เต๋ย เอ๊าะ เมี่ยน,
เหธา วั้ว กวั้น เหธว หลุ่น เญย เมี่ยน.
3นิ่น บัว เหฑียว กั้น เญย เบียด ฮนั้ง หฑุ ด๊าว นอ ไหล่,
นิ่น บัว ก๊อง ธ้วด อิม ไห่ เญย หว่า ฮนั้ง เหฒียง ไห่ เญย ฟอง.
4นิ่น บัว ปี๋ง เจี๊ยน ป๊วน ไม้ โหฒว ต่อง เญย เมี่ยน,
เลี่ยม เฒ่ย ป๊วน นิ่น, นิ่น บัว หย่า ไม้ กั้ม เหฑีย.
5นิ่น บัว ล่าน ขวิน ล่าน เอย นิ่น บัว หว่าย เญย หฒะเอ๋ย โหฒว.
นิ่น บัว เป่ย เดี๊ย ธ่าง ล่าง แฒง ฮลาง ฮลบ เมี่ยน.
นิ่น บัว ฮนั้ม ต้าย, “หาย เต้า ไฮ่ หมั่ง ตุ๊ ปวัด เยีย บัว?”
6หาย เต้า ไฮ่ เว้ด ธ้วด เยีย บัว โหฒว เญย หว่าย สี่?
เยีย บัว ฮนั้ม ธ้วด ไกว๋ ไห่ เญย หฒะเอ๋ย.”
เมี่ยน เญย เฮญี้ยว เหธา เอ๋ย หฒะเก้ง โด ไห่.
7มป่า ทิน-ฮู่ง อ๋อย หล่ง ฟอง-ธัง ป๊วน นิ่น บัว,
นิ่น บัว ฯฒฯ เลี่ยม เฒ่ย หฒุ มุน.
8เหว่ย หฒุ นิ่น บัว กั้น เญย เบียด อ๋อย ห่อย นิ่น บัว หฒุ ป่าย.
ตะฟ่าน ปวัด นิ่น บัว เญย เมี่ยน ฯฒฯ หฮวัง มฆ้อง.
9หฒวัง เมี่ยน ฯฒฯ กั้ม เหฑีย ไห่,
อ๋อย ฒุ่น ย่าง ทิน-ฮู่ง โหฒว เญย กง,
หย่า ฮนั้ม เถา นิ่น โหฒว เญย สี่.
10คู้ เมี่ยน ฯฒฯ เขา เฒี้ยว เฌียน-โย่ว
หย่า อ๋อย ด้าว เขา นิ่น.
เฮญี้ยว หฒีง เญย เมี่ยน หย่า อ๋อย เธง นิ่น.
Currently Selected:
สีง ฑูง 64: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
