สีง ฑูง 66
66
สีง ฑูง 66
เธง ทิน-ฮู่ง เหว่ย หฒุ นิ่น โหฒว เจี๋ย บัวะ ฮ่อง เญย ต้ม สี่
จิว ปุน ต้อ ฑูง เญย เมี่ยน. เป๋น ติ้ว ฑูง. เหยียด ติ้ว สีง ฑูง.
1ลู่ง เดี๊ย เญย หฒวัง เมี่ยน อ้า!
อ๋อย หฒุ เฌียน-โย่ว เญย เห่ว เจี๊ยน เธง ทิน-ฮู่ง.
2ป๋าว ฑูง เธง นิ่น ฌัง-หล่าง เญย บั๋ว.
เธง นิ่น ปุน ธีง นิ่น ฌัง-หล่าง ไห่.
3อ๋อย หฒุ บั๋ว ทิน-ฮู่ง,
“เม่ย โหฒว เญย สี่ หฒะเก้ง บัวะ ฮ่อง ไห่.
เม่ย เญย ชะ เฮ้น ไห่,
เม่ย เญย วิน-วั้ง ฯฒฯ เหญี่ยม ไฝ แอ๋ง พัวะ เหฌี่ย เม่ย เญย หฑะเฮมียน.
4ลู่ง เดี๊ย เญย หฒวัง เมี่ยน ป๋าย เม่ย.
นิ่น บัว ป๋าว ฑูง เธง เม่ย.
นิ่น บัว ป๋าว ฑูง เธง เม่ย เญย เม่ง.” เซลา
5ต้าย หมั่ง ทิน-ฮู่ง โหฒว เญย สี่ ม่าะ!
นิ่น เยียม ป้าม เมี่ยน บุด๋ง โหฒว ต้ม บัวะ ฮ่อง เญย สี่.
6นิ่น ทิ้ว ค้อย เป๋น เดา-ฆาย,
เยีย บัว เญย อง-ถาย #66:6 ฮิบลู หว่า ก๊อง นิ่น บัว. ยั่ง เจ๊า เจี๋ย ด้าย.
เยีย บัว เยียม วั้ว เหว่ย นิ่น โหฒว เญย สี่ #66:6 ฟาน หฒะ ก๊อง เขา นิ่น. เฌียน-โย่ว.#ธ้วด อียิบ 14:21-22; โยซูวา 3:14-17
7นิ่น หล่ง ต้ม ชะ เหยียด ลิ์ว กุ๊น,
นิ่น เญย มฒีง หฒั่นๆ หมั่ง เจี๊ยน หม่าน ฝีง.
อ๋อย แหง่ง ทิน-ฮู่ง วั้ว เต๋ย ไม้ ตู๋ง เธง กั้น โฮล. เซลา
8หม่าน ฝีง เมี่ยน อ้า! อ๋อย หฒุ เธง เยีย บัว เญย ทิน-ฮู่ง,
ปุน เมี่ยน หมวัง ตุ๊ ไฮ์ เธง นิ่น เญย เฉีย บุย.
9นิ่น เปว เจี๊ยน ปุน เยีย บัว ม่าย แหม่ง เฒี่ยง,
หย่า ไม้ ปุน เยีย บัว เญย เหฒา ธ้าย พยัด.
10โอ ทิน-ฮู่ง อ้า! เม่ย เค้า เยีย บัว.
เม่ย สิน เยีย บัว ฮนั้ง สิน ญ่าน นอ.
11เม่ย ปุน เยีย บัว หฒุ มู์ง หฒาว เจี๊ยน, #66:11 ไฟ “ปุน เยีย บัว หฒุ หววน โล่”.
ปุน เยีย บัว หฒุ เสี่ยว โค้ว ฮนั้ง เฒาะ เฮนี้ย เญย กะน้าย ปุน เยีย บัว เหญีย.
12เม่ย ปุน เมี่ยน เก้ เบ๊าะ จ๋า เธีย หงัน เยีย บัว เญย มฆ้อง.
เยีย บัว หฒุ เจี๋ย ววม เจี๋ย โต์ว,
มป่า เม่ย ต้อ เยีย บัว เถา นอม ปู๋ง-หฒัวะ เญย เต่ย-ปูง.
13เยีย อ๋อย ต้อ ปั๊ว เหฒี่ย เญย กะน้าย เปียะ เม่ย เญย เปย๊า.
เยีย อ๋อย จ๊าว ซูง เยีย แล์ง เญย แหง่ง หว่า
14หฒิว หฒุ ขวน น่าน เญย เฒี่ยง โห่
เหธา เยีย เญย ฑุ่ย เหมย ก๊อง ธ้วด เญย หว่า,
เซ เยีย เญย ฑุ่ย แล์ง เญย.
15เยีย อ๋อย ฝ่ง ห่อ จุ่น เญย แซง-คู้ โหฒว ปั๊ว เหฒี่ย เญย กะน้าย
เหธา เจี๊ยน ปะกี ยู่ง โก๊ว โหฒว ดาง เญย เฉีย.
เยีย หล่ง ง่ง โก๊ว เหธา ยู่ง โก๊ว ฝ่ง ห่อ ปุน เม่ย. เซลา
16ตะฟ่าน ท่าย ทิน-ฮู่ง เญย เมี่ยน กุ๊น ต้าย หมวัง ม่าะ!
เยีย ฯฒฯ บั๋ว เม่ย บัว นิ่น เหว่ย เยีย โหฒว เญย สี่.
17เยีย เห่ว เจี๊ยน โท้ นิ่น,
เยีย หล่ง เยีย เญย เบียด เธง นิ่น, ท่าย นิ่น.
18สี ก๊อง เยีย เซว่ย ฒุ์ย เยียม เยีย เญย เฮญี้ยว,
เฒี้ยว ฒู้ง ไม้ หมวัง เยีย.
19มป่า ทิน-ฮู่ง หฒะเก้ง หมวัง เยีย.
นิ่น แปง มน่อม หมวัง เยีย เต๋า เก๋า เญย หว่า.
20เธง ทิน-ฮู่ง เหว่ย หฒุ นิ่น ไม้ เฆ่ม เยีย เต๋า เก๋า เญย หว่า.
นิ่น เหฒียบ ฒัวะ เญย ฮนั้ม เยีย, ไม้ กวั่ง เยีย.
Currently Selected:
สีง ฑูง 66: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
