สีง ฑูง 63
63
สีง ฑูง 63
หง่อ ทิน-ฮู่ง เญย เมี่ยน อ๋อย ตุ๊ เป๊ว
ดาวิด เยียม ยูดา เญย เต่ย-ปูง-ฮวาง โหฒ่ เญย สีง ฑูง.#1 ซามูเอน 23:14
1ทิน-ฮู่ง อ้า! เม่ย โหฒว เยีย เญย ทิน-ฮู่ง,
เยีย หล่ง เฮญี้ยว ฒิ่ม ล์อ เม่ย.
เยีย เญย เฮญี้ยว หง่อ ไห่ เม่ย,
เยีย#63:1 ฟาน หฒะ ก๊อง เยีย เญย ซิน. หฒะเก้ง! อ๋อย ไห่ เม่ย
ฮนั้ง เยียม เต่ย-ปูง-ฮ์าน บ๋อง ฆาย,
ไม้ ม่าย ววม เญย ต๋อง นอ.
2เยีย เยียม สีง ติ่น ปวัด เจี๋ย เม่ย,
ปวัด เม่ย เญย ชะ เหธา ฌัง-หล่าง.
3เหว่ย หฒุ เม่ย เหฒียบ ฒัวะ เญย ฮนั้ม เมี่ยน เซ เก้า หลง เฒี่ยง แหม่ง,
เยีย เญย ฑุ่ย ฯฒฯ อ๋อย เธง เม่ย.
4ตะฟ่าน หธ่อ ม่าย แหม่ง เญย เฒี่ยง โห่ เยีย อ๋อย เธง เม่ย.
เยีย อ๋อย เต๊ง เม่ย เญย เม่ง ซูง เยีย เญย ปั์ว เต๋า เก๋า.
5เยีย เญย เฮญี้ยว ฮนั้ง หญั่น เป๊ว ยิ่น หวุ่ย เญย ไล-หฮนาง.#63:5 “ยิ่น หวุ่ย เญย ไล-หฮนาง” ฮิบลู หว่า ก๊อง บู๊ง-ฟิม เหธา เฮมย.
เยีย เญย ฑุ่ย หย่า อ๋อย เฌียน-โย่ว เญย เธง เม่ย.
6เยีย เปว๋ย เจี๊ยน โหธว จั๋ง เถา เม่ย,
ลู่ง ม์วน หฒั่น หย่า เฟย-ฟั้ง เถา เม่ย.
7เหว่ย หฒุ เม่ย หฒั่นๆ เถง เยีย,
เยีย เยียม เม่ย เญย ด๊าด-เดี๊ย เญย ต้ง ลิ่น เฌียน-โย่ว เญย ป๋าว ฑูง.
8เยีย เญย เฮญี้ยว เขา ว้วน เม่ย.
เม่ย เญย บย่าว เจี๊ยะ ปั์ว ป๊า เจี๊ยน เยีย.
9อ๋อย ห่อย เยีย เญย แหม่ง วั้ว เต๋ย เมี่ยน
ฒู้ง อ๋อย ด๊อด เหฌี่ย เยี่ยม เกน.#63:9 ฮิบลู หว่า ก๊อง “เหฌี่ย โด ไห่ เญย เดา-เดี๊ย อ๊ะ”.
10นิ่น บัว อ๋อย หฒุ หฑุ ด๊าว ไต๋,
หฒุ เฮยี่ย จู๊ เป๊ด หญั่น.
11มป่า ฮู่ง เตี๋ย อ๋อย เขา ทิน-ฮู่ง เฌียน-โย่ว.
ตะฟ่าน เฒี้ยง เจี๊ยน นิ่น โฮ้ว หว่า เญย เมี่ยน อ๋อย เธง นิ่น,
เหว่ย หฒุ ก๊อง-แปะ วั้ว เต๋ย ฒู้ง หฒุ หฆับ เจี๊ยน ฑุ่ย.
Currently Selected:
สีง ฑูง 63: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
