สีง ฑูง 62
62
สีง ฑูง 62
ขูง ทิน-ฮู่ง กั้น ไฮ่ โหฒว บัว ด้าว เขา เญย ต๋อง
จิว ปุน ต้อ ฑูง เญย เมี่ยน. หฒิว เยดูทูน.#62 เป๊ย หมั่ง 1 ฒุ่น ต่อย โต้ว 16:41. ดาวิด โหฒ่ เญย สีง ฑูง.
1เยีย เญย เฮญี้ยว เซ้ก เหฑียะ เญย ฒั้ว ทิน-ฮู่ง กั้น ดุ เต้า ฮนั้ง.
เยีย เญย เหฌียว เอน เยียม นิ่น ต้าย.
2ขูง นิ่น กั้น โหฒว เยีย เญย หละเปย๊ย
หย่า โหฒว เยีย เญย เหฌียว เอน.
นิ่น เซ เยีย ว้วน เญย ต๋อง,
เยีย ไม้ หฒุ ดั่น ต์ง.
3เม่ย บัว หฒวัง เมี่ยน อ๋อย เบ๊าะ
อ๋อย ป่าย หว่าย เหยียด ล่าน เมี่ยน ด่ง หาย เล่า?
นิ่น ฮนั้ง ฒี่ง หลาด ไล่ มี่ง,
หย่า ฮนั้ง หลาด นอ ทง ฮู้ เหฑ่ง.
4นิ่น บัว ต๊า หฒะเอ๋ย อ๋อย ถุย นิ่น เญย ป้าย เหฌี่ย.
นิ่น บัว อะเฮน้ย ก๊อง-แปะ.
นิ่น บัว เญย ฑุ่ย ก๊อง ปวัง เญย หว่า
มป่า เฮญี้ยว กะญั์ว ขูง เหฒียว ฮนั้ง. เซลา
5เยีย เญย เฮญี้ยว เซ้ก เหฑียะ เญย ฒั้ว ทิน-ฮู่ง กั้น ดุ เต้า ฮนั้ง,
เหว่ย หฒุ เซ นิ่น ปุน เยีย ม่าย ลั่ม ฮนั้ม ต๋อง.
6ขูง นิ่น กั้น โหฒว เยีย เญย หละเปย๊ย หย่า โหฒว เยีย เญย เหฌียว เอน.
นิ่น เซ เยีย ว้วน เญย ต๋อง, เยีย ไม้ หฒุ ดั่น ต์ง.
7ทิน-ฮู่ง เซ เยีย เญย เหฌียว เอน เหธา เยีย เญย ฌัง-หล่าง.
ทิน-ฮู่ง หย่า โหฒว เยีย เฮ้น ไห่ เญย หละเปย๊ย, โหฒว ด้าว เขา เญย ต๋อง.
8โอ เม่ย บัว หฒวัง แปะ ฝีง อ้า! อ๋อย หฒุ หฒั่นๆ เขา ทิน-ฮู่ง.
เฒาะ กั้น เญย เฮญี้ยว เหยียด ฒู้ง บั๋ว นิ่น.
นิ่น โหฒว เยีย บัว ด้าว เขา เญย ต๋อง. เซลา
9ห่า ฮ่อง เมี่ยน เป๊ย เท้า เหยียด หฑุ่น เฉีย.
หฒั่ง ฮ่อง เมี่ยน หย่า ขูง จ๊า เญย ฮนั้ง.
หล่ง ทิน-แป้ง ตั๊ง เฑียง นิ่น บัว
หย่า ไม้ ม่าย เฮนี้ย-ต้าว.
อี หญู่ง กั๊บ ต้าย เก้า เฮง เท้า เหยียด หฑุ่น เญย เฉีย.
10ไม้ ตู๋ง ปั่ง เนี้ยว เมี่ยน เญย สี่ เหว่ย ตุ๊ ญ่าน,
หย่า ไม้ ตู๋ง ฮนั้ม เขา ธ้าง ต้าย เญย กะน้าย.
สี ก๊อง ปุ๊ด ฒ่อย ธั้ม เจี๊ยน ฝาว
หย่า ไม้ ตู๋ง ปู๋ง เฮญี้ยว.
11ทิน-ฮู่ง ก๊อง หฑุ่น,
เยีย ตุ๊ ไฮ์ อี หฑุ่น,
เซ ต้ม ชะ เป๋น ทิน-ฮู่ง เญย.
12โอ เฒี้ยว อ้า! เซ ต้ง เม่ย เหฒียบ ฒัวะ เญย ฮนั้ม เมี่ยน.
เหว่ย หฒุ เม่ย หฒิว เก๊าะ-เมี่ยน โหฒว เญย วิ่น ฒี่ง เหญ่ย ปุน เมี่ยน.#โย้บ 34:11; เยเลมี 17:10; มัดทาย 16:27; โลมา 2:6; หล่าว ย่าง 2:23
Currently Selected:
สีง ฑูง 62: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
