สีง ฑูง 56
56
สีง ฑูง 56
เต๋า เก๋า ปุน ธีง เขา ทิน-ฮู่ง
จิว ปุน ต้อ ฑูง เญย เมี่ยน. หล่ง “โก ไห่ เต่ย-ปูง เซ้ก เหฑียะ เญย เหนาะ โฆ” เญย โพว. ดาวิด โหฒ่ เญย มี้กทาม ฑูง ต๋อย นิ่น เยียม กัด ฒี่ง หฒุ ฟีลิสะเตีย เมี่ยน เฒาะ. #56 เป๊ย หมั่ง 1 ซามูเอน 21:10-15.
1โอ ทิน-ฮู่ง อ่า, โท้ ค้อ-เลี่ยน เยีย, เหว่ย หฒุ เมี่ยน ธ้าย เยีย.
นิ่น บัว เฒี่ยง ฮนอย เบ๊าะ เยีย, เหฒย เยีย.
2เยีย เญย วิน-วั้ง เฒี่ยง ฮนอย คี เยีย,
เหว่ย หฒุ เธง-โฮล, เบ๊าะ เยีย เญย เมี่ยน ธั้ม ไห่.
3เยีย กั้ม เหฑีย เญย เฒี่ยง โห่
เยีย เขา เม่ย.
4เยีย เขา ทิน-ฮู่ง, ต้ง เยีย เธง นิ่น เญย หว่า วั้ว เต้า,
เยีย เขา ทิน-ฮู่ง, เยีย ฒู้ง ไม้ กั้ม เหฑีย.
ป้าม เมี่ยน ไฮ่ โหฒว หาย หญู่ง ปุน เยีย?
5นิ่น บัว เฒี่ยง ฮนอย เบี๊ยน เยีย เญย หว่า.
นิ่น บัว ฮนั้ม เญย เจ๊า เหยียด ฒู้ง ขูง อ๋อย ห่อย เยีย ฮนั้ง.
6นิ่น บัว กั๊บ ฒุ้น ปี๋ง เจี๊ยน
เธี่ยน หมั่ง เยีย โหฒว เญย หญู่งๆ เจ๊า,#56:6 ฟาน หฒะ ก๊อง เยีย ธ้าย เญย ต๋อง.
ฒั้ว เจี๊ยน อ๋อย เฒาะ เยีย เญย แหม่ง.
7โอ ทิน-ฮู่ง อ่า, โท้ ตี่ง นิ่น บัว เญย ฒุ์ย เหว่ย นิ่น บัว โหฒว เญย เอ๊าะ สี่.
โท้ เม่ย เฉีย เจี์ย เจี๊ยน ปุน วั้ว เต๋ย หฒวัง เมี่ยน#56:7 หฒวัง เมี่ยน ไฟ หม่าน ฝีง. หฒุ ป่าย เหฌี่ย.
8เยีย ปวั้ง เญย ขวน น่าน#56:8 ไฟ “เยีย โย่ว มี่ง โย่ว ต้าย เญย เจ๊า”. เม่ย ซ้าว เจี๊ยน.
เยีย เญย ววม-เหมว่ย เม่ย หย่า ตั๊บ เจี๊ยน เม่ย เญย ด๊บ-บัวะ.
น้าย ไม้ เฒ์ย เฟี้ย เจี๊ยน เม่ย เญย โซว-ตาน ไฟ?
9เยีย เห่ว เจี๊ยน โท้ เญย ฮนอย-เหญียะ,
เยีย เญย วิน-วั้ง อ๋อย ถุย หฑวน ฆะฮ้า.
เยีย ฮิ้ว ตุ๊ ทิน-ฮู่ง หฒะเก้ง อ๋อย เถง เยีย.
10เยีย เขา ทิน-ฮู่ง,
ต้ง เยีย เธง นิ่น เญย หว่า.
เยีย เขา เฒี้ยว,
ต้ง เยีย เธง นิ่น เญย หว่า วั้ว เต้า.
11เยีย เขา ทิน-ฮู่ง ฒู้ง ไม้ กั้ม เหฑีย.
ป้าม เมี่ยน ไฮ่ โหฒว หาย หญู่ง ปุน เยีย?
12โอ ทิน-ฮู่ง อ้า! เยีย อ๋อย หฒุ จ๊าว ซูง เยีย เหธา เม่ย แล์ง เญย แหง่ง หว่า.
เยีย อ๋อย เฒาะ เหฒี่ย เหว่ย แล์ง ฒี่ง เญย กะน้าย ฝ่ง ห่อ ปุน เม่ย.
13เหว่ย หฒุ เม่ย เหฌียว เยีย เญย แหม่ง เปย๋า ดุ๊ด หฒุ ไต่ เญย เจ๊า,
หย่า ปุน เยีย เญย เหฒา ไม้ หฒุ ดอบ,
เหว่ย ปุน เยีย เยียม ทิน-ฮู่ง เญย หฑะเฮมียน,
ม่าย เฒี่ยง แหม่ง เญย ฌัง หฒิว เจี๊ยน.
Currently Selected:
สีง ฑูง 56: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
