สีง ฑูง 57
57
สีง ฑูง 57
เต๋า เก๋า โท้ ทิน-ฮู่ง เหฌียว เปย๋า ดุ๊ด หฒุ เหฒย เญย เมี่ยน
(เป๊ย หมั่ง สีง ฑูง 108:1-5)
จิว ปุน ต้อ ฑูง เญย เมี่ยน. หล่ง “ไม้ ตู๋ง เหมียด” เญย โพว. ดาวิด โหฒ่ เญย มี้กทาม ฑูง ต๋อย นิ่น เปย๋า เซาโล หย่า เยียม แบ๋ง-ค้วด วั้ว หฒั่น.#57 เป๊ย หมั่ง 1 ซามูเอน 22:1; 24:3.
1ทิน-ฮู่ง อ้า! โท้ ค้อ-เลี่ยน เยีย. โท้! ค้อ-เลี่ยน เยีย ม่าะ!
เหว่ย หฒุ เยีย ด้าว เขา เม่ย.
เยีย ด้าว เขา เม่ย, เยียม เม่ย เญย ด๊าด-เดี๊ย เญย ต้ง ลิ่น
ฒั้ว ต้ม เหฒะ หน่าน เจี๋ย เหฑ่ง.
2เยีย เห่ว เยียม ฮลัง เจี๋ย เญย ทิน-ฮู่ง,
เซ เหว่ย เยีย โหฒว เหฒียง หญู่งๆ สี่ เญย ทิน-ฮู่ง.
3นิ่น อ๋อย เยียม กู้ หงว่าย ลู่ง เตา เยีย, เหฌียว เยีย.
นิ่น อ๋อย ปุน เหฒย เยีย วั้ว เต๋ย หฒุ ไญ้. เซลา
ทิน-ฮู่ง อ๋อย ปุน ธีง นิ่น เหฒียบ ฒัวะ เญย ฮนั้ม เยีย หย่า โหฒว เฮญี้ยว หฒีง.
4เยีย เปว๋ย เจี๊ยน เซี่ยน บุด๋ง,
เซ นะ#57:4 ฮิบลู หว่า ก๊อง ม่าย โต์ว เหฒียะ เจี๊ยน. ป้าม เมี่ยน เญย เซี่ยน.
นิ่น บัว เญย ญ่า เซ ฮนั้ง ธัง เหธา ฟอง นอ.
นิ่น บัว เญย เบียด หย่า ฮนั้ง หฑุ ด๊าว นอ ไหล่.
5โอ ทิน-ฮู่ง อ่า, โท้ ปุน เมี่ยน ท่าย เม่ย เก้า ฮลัง เจี๋ย ลู่ง.
โท้ ปุน เม่ย เญย ฌัง-หล่าง เยียม ปวั๊ง ลู่ง เดี๊ย.
6นิ่น บัว แฒง มู์ง เยีย เญย เหฒา ธ้าย เญย ต๋อง.
เยีย หฒุ หน่าน ฒี่ง งัด เจี๊ยน เยีย เญย เฮญี้ยว.
นิ่น บัว เว้ด ค้วด เยีย ยั่ง เญย เจ๊า,
มป่า นิ่น บัว กั้น ด๊อด เหฌี่ย. เซลา
7โอ ทิน-ฮู่ง อ่า, เยีย เญย เฮญี้ยว เขา ว้วน.
เยีย เญย เฮญี้ยว เขา ว้วน.
เยีย อ๋อย ป๋าว ฑูง, อ๋อย ป๋าว ฑูง เธง เม่ย.
8เยีย เญย เฮญี้ยว อ้า! เญีย ต้าย ม่าะ!
ต้ม ต้าน ป้า, ฟิ้ว-ต้าน ป้า อ้า! เญีย ต้าย ม่าะ!
เยีย อ๋อย ปุน บะฮนอย#57:8 ไฟ “เยีย อ๋อย ปุน ลู่ง ดอม เฑี้ยว เจี์ย ต้าย”. เญีย ต้าย.
9โอ เฒี้ยว อ่า, เยีย อ๋อย เยียม หม่าน ฝีง บุด๋ง ตอ-เหฒี่ย เม่ย,
เยีย อ๋อย เยียม หม่าน กั๊วะ บุด๋ง ป๋าว ฑูง เธง เม่ย.
10เม่ย เหฒียบ ฒัวะ เญย ฮนั้ม เมี่ยน แบ่ง ลู่ง ฮลัง.
เม่ย เหฒียบ ฒัวะ เญย เฮญี้ยว หย่า แบ่ง บ๋วน ฮลัง.
11โอ ทิน-ฮู่ง อ่า, โท้ ปุน เมี่ยน ท่าย เม่ย เก้า ฮลัง เจี๋ย ลู่ง.
โท้ ปุน เม่ย เญย ฌัง-หล่าง เยียม ปวั๊ง ลู่ง เดี๊ย.
Currently Selected:
สีง ฑูง 57: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
