สีง ฑูง 55
55
สีง ฑูง 55
เต๋า เก๋า โท้ ทิน-ฮู่ง เหมียด วิน-วั้ง
จิว ปุน ต้อ ฑูง เญย เมี่ยน. หล่ง พัด เญย จา-สี่. ดาวิด โหฒ่ เญย มัดคิน ฑูง.
1ทิน-ฮู่ง อ้า! โท้ แปง มน่อม หมวัง เยีย เต๋า เก๋า เญย หว่า.
ไม้ ตู๋ง ปี๋ง, ไม้ หมวัง เยีย โท้ เญย หว่า.
2โท้ หมวัง เยีย หย่า เตา เยีย โอ่.
เยีย เฮญี้ยว ฟ้าน หลุ่น เหฑ่ง.
3เหว่ย ไฮ์ วิน-วั้ง เญย เฉีย,
หย่า เหว่ย เอ๊าะ เมี่ยน เหฒย เยีย,
เหว่ย หฒุ นิ่น บัว เฒาะ เหฒะ หน่าน จา ปุน เยีย,
นิ่น บัว เฉีย เจี์ย, ฑอง เยีย.
4เยีย เญย เฮญี้ยว กะญั์ว หฒะเก้ง! มุน ไห่.
หฒุ ไต่ เญย เจ๊า แฮะ เยีย กั้ม เหฑีย เกา.
5เยีย เก้ง! กั้ม เหฑีย, ซิน หฒิน ญั่นๆ เญย.
กั้ม เหฑีย เกา, เสียง ธ้วด หั่น-หนัม เญย.#55:5 ฟาน หฒะ ก๊อง “กั้ม เหฑีย เญย เจ๊า เหยียม เจี๊ยน เยีย”.
6เยีย ก๊อง, “เฝย ตุ๊ เยีย ม่าย ด๊าด ฮนั้ง แปะ ก๊บ นอ,
เยีย ฯฒฯ ได๋ มี่ง ล์อ ต๋อง ฮิด.
7เยีย อ๋อย โย่ว เจี๊ยน มี่ง โก เญย ต๋อง,
มี่ง เยียม วั้ว เต่ย-ปูง-ฮวาง. เซลา
8เยีย อ๋อย ก๊าน เจี๊ยน ล์อ ต๋อง ปี๋ง,
เปย๋า ดุ๊ด ต้ม หฑยาว-เจี๊ยะ เหธา บยู่ง.”
9โอ เฒี้ยว อ้า! โท้ ปุน นิ่น บัว เญย หฒะเอ๋ย#55:9 ฮิบลู หว่า ไม้ ม่าย หฒะเอ๋ย วั้ว โจ๋ว หว่า. หว่าย แอ๋ง ปุน นิ่น บัว เญย หว่า#55:9 หว่า ฟาน หฒะ ฮิบลู หว่า ก๊อง เบียด. หลุ่น เหฑ่ง,
เหว่ย หฒุ เยีย ปวัด เยียม ฒี่ง กะญั์ว ม่าย ชั้ง ม่าน โหฒว โตะ เญย สี่.
10นิ่น บัว เฒี่ยง ฮนอย เฒี่ยง ม์วน เยียม ฒี่ง หลาด กู้ หงว่าย โย่ว เจี๊ยน มี่ง ฮวีง ก๋อม.
เยียม ฒี่ง กะญั์ว ม่าย ป์าม ฒุ์ย เญย สี่ เหธา หว่าย สี่ ปวั๊ง เหฑ่ง.
11เยียม ฒี่ง กะญั์ว ม่าย โหฒว หว่าย เญย เจ๊า.
เฮย หฒั่ง ม่าย ห่อย เมี่ยน, เผียน เมี่ยน เญย สี่ ปวั๊ง เหฑ่ง.
12เซ ไม้ เฒ์ย วิน-วั้ง จั๊ด เยีย.
ฮนั้ง หน่าย เยีย เตี๊ย ตุ๊ เญย.
หย่า ไม้ เฒ์ย ฑอง เยีย เญย เมี่ยน เธง-โฮล ธัวะ เยีย.
ฮนั้ง หน่าย เยีย ไฮ่ ปี๋ง นิ่น.
13มป่า เซ เม่ย, ต้ง เหธา เยีย วั้ว ฮ่อง เมี่ยน,
เซ เหธา เยีย โหฒว ต่อย เมี่ยน, หฒัวะ ไห่ เญย โล์-แกง ต่อย.
14ฒิ่น ด่าง เยีย บัว ล่าน เหธา ล่าน ก๊อง หว่า หฒัวะ ไห่,
เยีย บัว เหธา เมี่ยน ธั้ม เยียม หฒั่ง ทิน-ฮู่ง เญย เปย๊า ยั่ง เจี๋ย มี่ง เจี๋ย ต้าย.
15นิ่น บัว จั๋ง ไม้ หฒ่าย เญย เฒี่ยง โห่
โท้ ปุน นิ่น บัว หฒุ เหมียด.
ปุน นิ่น บัว เลี่ยม นั่ง เญย หฒุ เหฌี่ย มี่ง เยียม เยี่ยม เกน,#55:15 ไฟ “ปุน นิ่น บัว หฒุ กั้ม เหฑีย เจี๊ยน เญย เหฌี่ย มี่ง เยียม โฒ้ว”.
เหว่ย หฒุ นิ่น บัว เญย เปย๊า กะญั์ว เหธา นิ่น บัว เญย เฮญี้ยว เอ๊าะ ไห่.
16มป่า เยีย โจ้ว ทิน-ฮู่ง,
เฒี้ยว ฒู้ง อ๋อย เหฌียว เยีย.
17ไม้ กุ๊น ลู่ง ดอม ลู่ง ม์วน ไฟ ลู่ง อ๋าน
เยีย ฌุ่น เจี๊ยน ก๊อง เยีย โค้ว เญย เจ๊า,
นิ่น ฒู้ง หมวัง ไฮ์ เยีย เญย เฉีย.
18นิ่น เหฌียว เยีย เญย แหม่ง
เล่ย ดุ๊ด เหธา เยีย เบ๊าะ จ๋า เญย เมี่ยน,
ปุน เยีย ตุ๊ แป้ง ออน,
เหว่ย หฒุ เหธา เยีย เบ๊าะ จ๋า วั้ว เต๋ย ธั้ม ไห่.
19ทิน-ฮู่ง, ต้ง เยียม โล์-ฮนอย เฒว์ย เจี๊ยน เหว่ย กุ๊น วั้ว เต้า,
อ๋อย แปง มน่อม หมวัง เยีย แอ๋ง ฒัด นิ่น บัว เหฌี่ย,
เหว่ย หฒุ นิ่น บัว ไม้ คั้ง ก๊อย เฮญี้ยว เหยี่ยน เอ๋ย,#55:19 ไฟ “ไม้ กัน หาย หญู่ง เล์ย-หลัด”
หย่า ไม้ กั้ม เหฑีย ทิน-ฮู่ง. เซลา
20เหธา เยีย โหฒว ต่อย เญย เมี่ยน ซูง นิ่น เญย ปั์ว เบ๊าะ นิ่น เญย โล์-แกง ต่อย,
หย่า ป์าม นิ่น แล์ง เญย แหง่ง หว่า.
21นิ่น เญย ฑุ่ย เก้า บย่าง เจี๋ย ง่ง หญอ เฮมย,
มป่า เฮญี้ยว กะญั์ว เบ๊าะ เจี๊ยน จ๋า เยียม.
นิ่น เญย หว่า เก้า เมา เจี๋ย เฮมย,
มป่า ฮนั้ง แปง ธ้วด ต้าย เญย หฑุ ด๊าว นอ.
22เฒาะ เม่ย เญย โค้ว หน่าน ฝูง ปุน เฒี้ยว,
นิ่น ฒู้ง อ๋อย ป๊า เจี๊ยน เม่ย.
นิ่น เหยียด ลิ์ว ไม้ ปุน คู้ เมี่ยน หฒุ ดั่น ต์ง.
23มป่า ทิน-ฮู่ง อ้า!
เม่ย อ๋อย เฒาะ เอ๊าะ เมี่ยน ฒอย เหฌี่ย เถา เยี่ยม เกน.
ไต๋ เมี่ยน เญย เมี่ยน เหธา หม่าย เมี่ยน เญย เมี่ยน ฒู้ง ไม้ เฒี่ยง เถา ด๊าม-เสย.
มป่า เยีย กั้น แอ๊ะ, เยีย อ๋อย เขา เม่ย.
Currently Selected:
สีง ฑูง 55: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
